Լրահոս
Օրվա լրահոսը

5-ամյա Միլենային հիվանդանոց են հասցրել արդեն մահացած. Եղեգնաձորի բուժկենտրոնի ղեկավար

Մայիս 14,2018 21:03

Վայոց Ձորի մարզի Աղնջաձոր գյուղի բնակիչ 5-ամյա Միլենա Հովհաննիսյանի մահվան դեպքով Եղեգնաձորի բժշկական կենտրոնի ղեկավար Անահիտ Կարապետյանը որոշ մանրամասներ հայտնեց Aravot.am-ին:

Նրա պատմելով, երեխային հիվանդանոց են տեղափոխել ոչ աշխատանքային ժամին. «Եղել է աշխատանքային ժամից հետո, շտապ օգնության մեքենայով ծնողները բերել են մեզ մոտ, հեռու գյուղից են եկել, երեխան արդեն շատ վատ վիճակում է եղել, ըստ հերթապահ անձնակազմի՝արդեն իսկ,  երբ իջեցրել են, երեխան մահացած է  եղել, որպեսզի ինչ-որ բուժանձնակազմը օգնություն ցույց տված լինի, ծնողներին անմիջապես չասեն, արհեստական շնչառություն են տվել, բայց արդյունք չի տվել»:

Անդրադառնալով Միլենայի մոր՝ Լիլիթ Հովհաննիսյանի պնդումներին, թե երեխային այդ վիճակում անհրաժեշտ օգնությունը ցուցաբերելու փոխարեն հիվանդանոցում սիստեմա են միացրել ու ստամոքսն են մաքրել՝ բուժկենտրոնի ղեկավարն ասաց. «Իրենք ճիշտ չեն ասում, ճիշտ է հիվանդանոցում մենք վերակենդանացման բաժանմունք չունենք, ընդհանրապես Վայոց Ձորում ոչ մի հիվանդանոց վերակենդանացման բաժանմունք չունի, երեխային տարել են ընդունարանին կից սենյակ, որտեղ առաջին բուժօգնություն են ցուցաբերում: Ես դեպքի վայրում չեմ եղել, բայց հերթապահ բժշկի զեկուցմամբ՝ եղել է այն, ինչ ձեզ ներկայացրի»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2018
Երկ Երե Չոր Հնգ Ուրբ Շաբ Կիր
« Ապր   Հուն »
 123456
78910111213
14151617181920
21222324252627
28293031