Լրահոս
Օրվա լրահոսը

Բուլղարացի հանրահայտ երաժիշտը հանդես կգա Երեւանում

Մայիս 22,2018 18:20

Մայիսի 27-ին Կամերային երաժշտության տանը կկայանա դասական երաժշտության համերգ, որը նվիրված է բուլղարական մշակույթին, սլավոնական այբուբենի տարեդարձին, ինչպես նաեւ ԵՄ Խորհրդում Բուլղարիայի կողմից նախագահությունը ստանձնելուն:

Համերգին, որ կրում է «Եվրոպական մշակույթը` տավղի հնչյուններով» խորագիրը, հանդես կգա ճանաչված բուլղարացի երաժիշտ, տավղահարուհի, միջազգային մրցույթների դափնեկիր Սյուզաննա Կլինչարովան, ինչպես նաեւ Գոհար Անտոնյանը:

Կլինչարովան պարբերաբար համերգներ է ունենում Եվրոպայում, Ասիայում, Միջին Արեւելքում: Իբրեւ հրավիրյալ երաժիշտ նա հանդես է եկել Տոկիոյի, Բելգիայի ազգային, Սոֆիայի` ֆիլհարմոնիկ, Սան Ֆրանցիսկոյի` կամերային եւ այլ նվագախմբերի հետ: Նրա ձայնագրությունների թիվն անընդհատ աճում է, դրանք հնչում են աշխարհով մեկ:

Անվանի երաժիշտը համերգային գործունեությանը զուգահեռ նաեւ դասավանդում է: Սյուզաննա Կլինչարովան Փարիզի ArtFusion մշակութային միության նախագահն է, տավղահարմների միջազգային հեղինակավոր մրցույթի անդամ:

Գոհար ՀԱԿՈԲՅԱՆ

Լուսանկարը` suzannaklintcharova.com պաշտոնական կայքից:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2018
Երկ Երե Չոր Հնգ Ուրբ Շաբ Կիր
« Ապր   Հուն »
 123456
78910111213
14151617181920
21222324252627
28293031