Բնապահպանության նախարար Արծվիկ Մինասյանը հրաման է արձակել, որով 2017թ. դեկտեմբերի 20-ից մինչև 2018թ. հունվարի 15-ը Սևանա լճում ձկան և խեցգետնի որսն արգելվել է, ինչպես նաեւ՝ ուժեղացվել հսկողությունն ապօրինի ձկնորսության և ձկնային պաշարների պահպանության ուղղությամբ: Այդ հրամանն արձակվել է իշխան և սիգ ձկնատեսակների ձվադրման ժամանակահատվածում ձկների բնական վերարտադրությունն ապահովելու նպատակով:
Դեկտեմբերի 23-ին Նոյեմբերյան քաղաքում սիգ ձկան մեկ հատը վաճառվում էր 650 դրամով: Նախկինում այդ ձկան մեկ հատի գինը 500 դրամ էր:
Ոսկան ՍԱՐԳՍՅԱՆ
իսկ եթե արգելվել է, ապա որտեղից են բռնում այդ 650 դրամանոց սիգան ?
Նոր տարուց առաջ սիգի որսը արգելում են և դրանով արհեստականորեն բարձրացնում են ձկի գինը: Փոխանակ տարբեր ապրանքատեսակների թանկանալու պայմաններում էսքան աղքատացած ժողովրդի համար գոնե թողնեին որ նա Զատիկի ու նոր տարվա համար գոնե ձուկը էժան գնի, դաշնակցական նախարարը մի ձևական հրամանով նոր տարվա սեղանները լրացուցիչ թանկացրեց: Իսկ հրամանը ձևական է, քանի որ սիգը միևնույնն է որսում են, պարզապես վաճառքն է բարդանում: Եթե նախարարի աշխատավարձը թոշակառուի թոշակի չափ լիներ, ապա նա այդ հրամանը կտար հունվարի 7-ից հետո և հրաման տալուց հետո էլ ինքը կամ իր տեղակալը կգնար Գեղարքունիքի մարզ և տղամարդավարի կհետևեր հրամանի կատարմանը: