Ռուսաստանի նախագահ Վլադիմիր Պուտինը հավանություն է տվել հավաքական անվտանգության կովկասյան տարածաշրջանում Հայաստանի հետ Զորքերի միավորված խմբավորում ստեղծելու նախագծին և կարգադրել ստորագրել համապատասխան համաձայնագիրը: Կարգադրությունը տեղադրված է Ռուսաստանի իրավական ինֆորմացիայի պաշտոնական պորտալում:
«Ընդունել Ռուսաստանի Դաշնության կառավարության առաջարկը Համաձայնագիրը ստորագրելու վերաբերյալ… Հանձնարարել Ռուսաստանի պաշտպանության նախարարությանը Ռուսաստանի արտգործնախարարության մասնակցությամբ բանակցություններ վարել հայկական կողմի հետ և համաձայնության գալու դեպքում ՌԴ-ի անունից ստորագրել նշված Համաձայնագիրը»,- ասվում է կարգադրության մեջ:
Ավելի վաղ հաղորդվում էր, որ միավորված խմբավորման նպատակն է ապահովել «Կովկասյան տարածաշրջանում կողմերի անվտանգությունը»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
