Լրահոս
Օրվա լրահոսը

«Իրանի նախագահը Երեւանում շատ ճիշտ նկատառում արեց». Սիլվա Ադամյան

Դեկտեմբեր 25,2016 22:29

Բնապահպան Սիլվա Ադամյանի բնորոշմամբ, Իրանի նախագահի կողմից, Հայաստանի բնապահպանական խնդիրների վերաբերյալ շատ ճիշտ նկատառում է եղել:

«Պետք է Հայաստանի իշխանություններն ադեկվատ ռեակցիա տան ու փորձեն լուծել այդ խնդիրը»,- այս կարծիքին է Սիլվա Ադամյանը:

Հիշեցնենք, որ Իրանի նախագահ Հասան Ռոհանին  Երեւանյան այցի ժամանակ հայտարարեց, թե «Մենք քննարկեցինք նաև բնապահպանության ոլորտին վերաբերող հարցեր: Կարևորեցինք Արաքս գետի աղտոտման հարցի կարգավորումը, քանի որ այդ գետը մեր տարածաշրջանի հարստությունն է: Հուսով եմ, որ պարոն Սերժ Սարգսյանի կարգադրությամբ այդ հարցը լուծում կգտնի»:

Տիկին Ադամյանը նկատեց, որ Արաքս գետի ոչ միայն աղտոտվածության հարցն է խնդիր, այլեւ որոշակի ժամանակ առաջ գետի ափերից ահռելի մեծ քանակություն էին դուրս բերում. «Հետաքրքիր է՝ բնապահպանական խնդիրները հարեւան պետությունների կողմից են բարձրաձայնվում, այդ խնդիրն, իսկապես, կա:

Ես լիովին համաձայն եմ, որ այդ խնդիրները պետք է բարձրաձայնվեն եւ միջպետական ծրագրեր իրականացվեն տարածաշրջանային խնդիրները լուծելու համար: Այստեղ միայն գետերի խնդիրը չէ, կա նաեւ կենդանական տեսակների արտագաղթի խնդիր: Իրանն այն երկրներից է, որտեղ մեծ քանակութամբ հետաքրքիր կենդանատեսակներ կան, իսկ Հայաստանի լանդշաֆտային փոփոխությունները բերում են նրան, որ որոշակի կենդանատեսակների կազմեր կարող են հեռանալ ուղղակի Իրան, սա մեզ ավելի շատ պետք է հետաքրքրի, քան թե Իրանին»:

Արփինե ՍԻՄՈՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2016
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031