Լրահոս
Օրվա լրահոսը

Րաֆֆի Հովհաննիսյանը «Ելք»-ից առաջին տեղն է ուզել (Տեսանյութ)

Փետրվար 14,2017 14:39

«Ելք» դաշինքի հետ բանակցությունների ժամանակ «Ժառանգություն» կուսակցության առաջնորդ Րաֆֆի Հովհաննիսյանը ցուցակի առաջին հորիզոնականն է պահանջել`Արմեն Մարտիրոսյանի համար: Այսօր Aravot.am-ի հարցին ի պատասխան, ասաց «Ելք» դաշինքի անդամ, «Հանրապետություն» կուսակցության առաջնորդ Արամ Սարգսյանը:

Պատասխանելով հարցին`իր կարծիքով պաշտպանության նախկին նախարար Սեյրան Օհանյանը եւ նրա շուրջ ձեւավորված դաշինքը ընդդիմադի՞ր է, Արամ Սարգսյանն ասաց. «Այդ հարցերին պատասխանելու համար պիտի նայվի, երբ ծառը պտուղ կտա: Ըստ այդմ էլ կորոշենք՝ ընդդիմադի՞ր է, թե ոչ: Բարդ հարց է: Այդ դաշինքում, գաղափարական առումով, շատ իրար մոտ են, բայց կարծում եմ, որ իրենց մոտեցումները շատ մոտ են «Հանրապետականին»: Բացի «Ժառանգությունից», բոլորն էլ ինչ-որ ժամանակ պաշտպանել են Ռոբերտ Քոչարյանին, այս ամենը մի թիմ է՝ նույն գաղափարական հենքի վրա, նույն ճանապարհով գնացող, իրենք առաջարկում էին ձևավորել դաշինք նպատակի շուրջ, իսկ մենք՝ գաղափարի շուրջ»:

Արամ Սարգսյանն ընդգծեց, որ իշխանափոխության գաղափարով նպատակը սխալ է ու երբեք չի էլ աշխատում: Ժամանակին ինքը գնացել է այդ ուղով ու հասկացել է, որ սխալվել է, ինչի համար ներողություն է խնդրել հանրությունից: Արամ Սարգսյանը հիշեց Հայաստանի ընտրական կենսագրությունը, որի ընթացքում իշխանությունը ընդդիմադիր դաշինքներում միշտ ունեցել է հաճախորդ կուսակցություններ, որոնք ինչ-որ մի պահի դուրս են եկել ու պայթել. ժամանակին դա արել են Արտաշես Գեղամյանը, Արթուր Բաղդասարյանն ու Գագիկ Ծառուկյանը:

Մանրամասները` տեսանյութում

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728