Լրահոս
Օրվա լրահոսը

Արդյոք անձնագրեր են հավաքում տնտեսագիտական համալսարանում

Փետրվար 16,2017 15:15

Aravot.am-ը Հայաստանի տնտեսագիտական համալսարանի պրոռեկտոր Սեւակ Խաչատրյանից հետաքրքրվեց` որքանով է իրականությանը համապատասխանում այն տեղեկատվությունը, որ համալսարանում սկսել են հավաքել ուսանողների անձնագրերը:

Մասնավորապես «Հայաստան 24»-ի խմբագրությունը ահազանգեր էր ստացել, որ առաջիկա ընտրական գործընթացների հետ կապված Հայաստանի պետական տնտեսագիտական համալսարանի ղեկավարությունը հավաքում է բոլոր ուսանողների անձնագրերը:

Սեւակ Խաչատրյանը փոխանցեց հետեւյալը. «Բանն այն է, որ ՀՀ առողջապահության նախարարության Հատուկ Պոլիկլինիկա ՓԲԸ -ն բուհերին է ուղարկել գրություն, որում ասված է` սեղմ ժամկետներում իրենց տրամադրել մեր բուհի ուսանողների անհատական տվյալները էլ -առողջապահական համակարգ մուտքագրելու համար: Տրամադրվող տվյալների ձևաչափը պահանջում է հետևյալը. անուն, ազգանուն, հայրանուն, ծննդյան ամսաթիվ, անձնագիր, սոցքարտի համար, հեռախոս. փաստացի բնակության հասցե: Կարծում եմ՝ խոսքը սրա մասին է:

Կարող եք դուք ինքներդ հարցնել նշված կազմակերպությանը: Իմ կարծիքով՝ սա միայն մեր բուհին չի վերաբերում, այլ մնացած բոլոր բուհերն էլ պետք է տրամադրեն համապատասխան ինֆորմացիա: Կից ներկայացնում եմ մեզ ուղարկված գրությունը և տվյալների տրամադրման ձևաչափը»:

Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728