Լրահոս
Օրվա լրահոսը

Շիրակի մարզպետը ծանր պատմության մեջ է․կաշառք պահանջելու փաստով հարուցվել է քրեական գործ

Ապրիլ 05,2017 18:30

Շիրակի մարզի դատախազ Կարեն Գաբրիելյանն այսօր մեզ հետ զրույցում տեղեկացրեց, որ Գյումրու թիվ 38 դպրոցի նախկին տնօրեն Գոհար Շահբազյանը դիմում էր հասցեագրել Շիրակի մարզի դատախազություն, որ իրենից կոնկրետ գումարի չափով կաշառք են պահանջել նույն դպրոցի տնօրենի պաշտոնում վերանշանակելու համար։

«Մենք դիմումը ուղարկեցինք ոստիկանության համապատասխան բաժին, որտեղ նյութերի նախապատրաստման փուլում նույն անձը տվեց նաև հանցագործության մասին հաղորդում՝ միաժամանակ նախազգուշացվելով ակնհայտ սուտ մատնության համար նախատեսված քրեական պատասխանատվության մասին։ Եվ  նշված հաղորդման հիմա վրա նախապատրաստված նյութերով որոշում կայացվեց քրեական գործ հարուցելու մասին, և այն ուղարկվեց Շիրակի մարզային քննչական վարչություն։ Այս պահին կատարվում են անհրաժեշտ քննչական և այլ  դատավարական գործողություններ»,- ասաց Շիրակի դատախազը։

Ըստ նրա, քրեական գործ է հարուցվել ՀՀ Քրեական օրենսգրքի 311 հոդված 4-րդ մասի հատկանիշներով։ Դատախազը նաև հստակեցրեց, որ հարուցվել է փաստի առիթով, դեռ կոնկրետ անձի մեղադրանք ներկայացված չէ։

Ըստ shamshyan.com-ի, Գոհարիկ Շահբազյանը Շիրակի մարզպետ Հովսեփ Սիմոնյանին հանդիպելու նպատակով դիմել է մարզպետի օգնական Արմեն Պետրոսյանին։ «Ըստ դիմումատուի՝ Ա․ Պետրոսյանը խոստացել է, որ կդասավորի, որպեսզի ինքը հանդիպի մարզպետին, իսկ տնօրենի պաշտոնում վերականգնվելու դիմաց պահանջել է 6 միլիոն դրամ»։

Հիշեցենք, որ չնայած այս դպրոցի կոլեկտիվի բողոքի ակցիաներին ու փոխվարչապետ Վաչե Գաբրիելյանի հրահանգին՝ տնօրեն նշանակել Գոհար Շահբազյանին, Շիրակի դաշնակցական մարզպետը տնօրեն նշանակեց Արփինե Նիկողոսյանին, որը ՀՅԴ ցուցակի վարկանիշային թեկնածուներից մեկն էր։

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. kkk says:

    Այդ կինը պատժվելու է օրենքի ամբողջ խստությամբ մարդկանց անտեղի զրպարտելու համար

  2. ԼԼԼԼԼ says:

    Այդ կինը շատ ճիշտ է ասում:Այդ մարզպետին և նրա օգնականին պետք է պատժել օրենքի ամբողջ խստությամբ և գործից հանել:Իսկզբանե Հովսեփը մարզպետացու չէր և այդքան թափ էլ չունի մարզպետի համար:

Պատասխանել

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930