Դպրոցների եւ մանկապարտեզների 30 տնօրեններ դիմել են Աջափնյակ և Դավիթաշեն վարչական շրջանների ընդհանուր իրավասության դատարան`ընդդեմ «Իրազեկ քաղաքացիների միավորում» հասարակական կազմակերպության: Նրանք պահանջում են, որ կազմակերպության անունից ներողություն հայտնեն եւ յուրաքանչյուրին երկուական միլիոն դրամ փոխհատուցեն`իրենց պատիվն ու արժանապատվությունն արատավորելու համար:
Կազմակերպությունը, հիշեցնենք, նախընտրական քարոզչության շրջանում հրապարակեց մանկապարտեզների եւ դպրոցների տնօրենների 114 ձայնագրություններ, որոնք փաստում էին այն մասին, որ այդ տնօրենները մարդկանց են ցուցակագրում-հավաքագրում իշխող ՀՀԿ-ի համար:
Aravot.am-ի հետ զրույցում կազմակերպության նախագահ Դանիել Իոննիսյանն ասաց, որ իրենք որեւէ մեկին չեն զրպարտել եւ չեն պատրաստվում որեւէ մեկին երկու միլիոն դրամ վճարել: «Ո՞նց կարող ենք հերքել ճիշտը: Մենք հրապարակել ենք այն, ինչ որ կա: Ի՞նչը հերքենք. հերքենք`ասենք`չէ տնօրեններն այդպիսի բան չե՞ն ասել: Աբսուրդ է»,- ասաց նա:
Դատարանի` իրենց համար ոչ ցանկալի որոշմանը, «Իրազեկ քաղաքացիների միավորումը» չի ենթարկվելու: Բողոքարկելու են`ընթացքում ցույց տալով նաեւ հայկական դատական համակարգի դեմքը:
Կարդացեք նաև
Հարցին`տնօրենների նման որոշումն իր համար անակնկա՞լ էր, թե՞ սպասում էին հակաքայլի, Դանիել Իոննիսյանն ասաց, որ սպասում էին:
Նելլի ԳՐԻԳՈՐՅԱՆ
Հարպիաները Նուշռոկի հրահանգով անցել են գրոհի:
Ծուռ հայելիների թագավորությունում ամեն ինչ հնարավոր է…
Հ.Գ.
Երախտապարտ եմ որոշ կազմակերպությունների, մասնավորապես՝ ՛՛Իրազեկ քաղաքացիների միավորմանը՛՛, մերկացնելու համար ողբալի պրակտիկան, որը վարել են որոշ դպրոցի տնօրեններ, ուսուցիչներ…
Պյոտր Սվիտալսկի
https://www.1in.am/2122904.html
/դիտել 9:40-ից /