Արժույթի միջազգային հիմնադրամը Հայաստանի այս տարվա տնտեսական աճը կանխատեսում է մոտ 3%: Այսօր այս մասին լրագրողների հետ հանդիպման ժամանակ ասաց ԱՄՀ հայաստանյան առաքելության ղեկավար պարոն Հոսեյն Սամիին:
Նրա խոսքերով՝ 2014-ից սկսած Հայաստանը կրում է արտաքին ցնցումների ազդեցությունը՝ էական նվազել են արտերկրից դրամական փոխանցումները, արտահանվող հիմնական հանքահումքի՝ պղնձի միջազգային գներն են նվազել, եւ սրանք ազդել են երկրի եւ բնակչության գնողունակության վրա:
«Արդյունքում 2016-ին նվազել են ներքին սպառումն ու ներքին ներդրումները: Սրանց հետեւանքով 2016-ին Հայաստանում 0.2% տնտեսական աճ գրանցվեց: Ցնցումներն ու ավելի ցածր տնտեսական աճը ազդել են բյուջեի եկամուտների ցուցանիշի վրա: 2016-ին պետական եկամուտները ավելի ցածր է եղել նախատեսվածից, իսկ արտաքին աղբյուրներից ֆինանսավորվող կապիտալ ծախսերը բյուջեով նախատեսվածից ավելին են եղել: Այս երկու գործոների հետեւանքով բյուջեի պակասուրդը կազմել է ՀՆԱ-ի 5.6% չափով»,-ասաց պարոն Սամիին: Ըստ նրա, մեր երկրի օրենքով՝ եթե կառավարության պարտքը ՀՆԱ-ի 50% -ին հասնում, անհարժեշտություն է ծագում զգալի կրճատել պետական պակասուրդը, որպեսզի պետական պարտք-ՀՆԱ հարաբերակցությունը չգերազանցի 60%-ը:
ԱՄՀ ներկայացուցչի խոսքերով, այս տարի տնտեսական աճը մոտ 3% կլինի, իսկ գնաճը՝ մոտ 2%, սակայն տարվա հեռանկարով կան ռիսկեր: Ընդ որում, Հոսեյն Սամիի դիտարկմամբ՝ Հայաստանն ունի 4-7% տնտեսական աճի հնարավորություն:
Կարդացեք նաև
Մանրամասները ՝ տեսանյութում
Անդրադառնալով հարկաբյուջետային քաղաքականությանը, պարոն Սեմիին ասաց.«Ֆիսկալ կանոնի մասով մենք սատարում ենք այդ կանոնը փոփոխելու մասին իշխանության մտադրությանը: Փոփոխություն, որի նպատակը կլինի կառավարությանը հնարավորություն ընձեռել ավելի մեծ ճկունություն, այն դեպքերի համար, երբ համակարգը կկրի ցնցումներ»:
Հայաստանի համար դեռեւս մնում ենք մի շարք կառուցվածքային մարտահրավերներ, եւ ինչպես պարոն Սամիին ասաց, դրանք են՝ «Արտահանելի ոլորտը պետք է ավելի բազմազանեցված դառնա, գործազրկությունն ու աղքատությունը անհրաժեշտ է կրճատել, եւ այս ամենի համար վճռական քայլեր են անհրաժեշտ»:
Մանրամասները՝ տեսանյութում
Նելլի ԲԱԲԱՅԱՆ
