Լրահոս
Օրվա լրահոսը

Ընտրախախտումների փաստեր ու տեսանյութեր, «ՍԱՍ գրուպ»-ի ձայնագրությունը՝ ՍԴ ներկայացված դիմումներում

Ապրիլ 16,2017 17:22

Ինչպես ավելի վաղ հայտնել էինք, Աժ ընտրությունների արդյունքներն անվավեր ճանաչելու պահանջով ՀՀ սահմանադրական դատարան ապրիլի 14-ին երկու դիմում է ներկայացվել՝ «Կոնգրես-ՀԺԿ» դաշինքի եւ «Քաղաքացի դիտորդ» նախաձեռնության, մի շարք քաղաքացիների և դիտորդների կողմից: Դրանցում ամփոփված են ընտրությունների օրինականությունը վերահսկած սուբյեկտների, այդ թվում՝ ԶԼՄ-ների, վստահված անձանց եւ դիտորդների՝ ընտրախախտումների վերաբերյալ  արձանագրություններն ու փաստերը, տեսանյութերը:

«Այդ փաստերը ներառում են ընտրողների  կամքի ազատ ձևավորման և ազատ արտահայտման վրա անհամար ազդեցություններ, որոնք դրսևորվել են համատարած և անթաքույց կաշառքի բաժանման, ընտրողներին ուղղորդելու, քվեարկության գաղտնիության խախտման եւ քվեարկության նկատմամբ հսկողություն իրականացնելու միջոցով: Ներառել ենք նաեւ այդ փաստերի առնչությամբ պետական մարմինների արձագանքները, քաղաքական տարբեր դերակատարների եւ հատկապես՝ ՀՀԿ ներկայացուցիչների դիրքորոշումները»,-Aravot.am-ի հետ զրույցում ներկայացնելով դիմումների բովանդակությունը՝  ասաց փաստաբան Տիգրան Եգորյանը:

Ըստ նրա՝ վերոնշյալից եզրահանգում ենք, որ տեղի է ունեցել ընտրողի կամքի ազատ ձեւավորման վրա էական ազդեցություն, որը հետագայում ազդել է նրանց կամարտահայտության վրա՝ ուղղորդումների եւ քվեարկության նկատմամբ հսկողության միջոցով:

«Փաստացի մեկ կուսակցության կողմից վարչական ռեսուրսի զանգվածային կիրառումը եւ չարաշահումը մրցակցությունից դուրս են դրել Հանրապետական կուսակցությանը եւ էական ազդեցություն են ունեցել ընտրությունների արդյունքների վրա՝ հնարավորություն չտալով արձանագրել ժողովրդի իրական կամքը: Վարչապետ, պաշտպանության եւ արդարադատության նախարարներ…նրանք շարունակել են պաշտոնավարել եւ հօգուտ իրենց կուսակցության քարոզչություն անել»,-նկատեց Տիգրան Եգորյանը:

Նա նշեց, որ դիմումներում ներառել են նաեւ «ՍԱՍ գրուպ»-ի աշխատակիցների ժողովի աղմկահարույց ձայնագրությունը, որից պարզ է հետեւյալը. «Եղել է ընտրողների կամքի ազատ ձեւավորման վրա ազդեցություն, կաշառքի խոստում՝ կոնկրետ քվեարկություն կատարելու և այդ նպատակով այլ ընտրողների հավաքագրելու և նրանց կամքի ազատ ձևավորման վրա ազդելու կապակցությամբ»:

Մեր զրուցակիցը հավելեց, որ ՍԴ-ն ներկայացված դիմումները պետք է քննի դրանք մուտք անելու օրվանից ոչ ուշ, քան 15 օրվա ընթացքում:

Լուիզա ՍՈՒՔԻԱՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930