«Ոճրագործությունը մշտապես դատապարտվել է, արդեն հարյուր տարուց ավելի, մենք այսօրվա խորհուրդը պետք է տեսնենք այսօրվա կայուն ու հաստատ պետականության մեջ, մեր երկիրը ծաղկեցնելու եւ քայլ առ քայլ առաջ գնալու, որ ապագա սերունդներին ցույց տանք, որ ոչ միայն դիմակայել ենք ոճրագործությանը, այլեւ զարգացել ենք աշխարհում՝ որպես քաղաքակիրթ ու պատմական համբավ ունեցող ազգ»,- այսօր Ծիծեռնակաբերդի հուշահամալիրում լրագրողներին ասաց քննչական կոմիտեի նախագահ Աղվան Հովսեփյանը:
Անդրադառնալով նախընտրական շրջանում Ջրառատում տեղի ունեցած միջադեպին՝ ՀՀ փոխոստիկանապետ Լեւոն Երանոսյանի եղբոր եւ ՕՐՕ դաշինքի համակիրների միջեւ, պարոն Հովսեփյանը վստահեցրեց, որ այդ գործով օրինականությունը կպահպանվի բարձր մակարդակով ու մոտ օրերս արդյունքը կտեսնենք, օրինական ու հիմնավոր որոշում կլինի:
Դիտարկմանը, թե փոխոստիկանապետի եղբայրը՝ Լեռնիկ Երանոսյանը տուժող է ճանաչվել, մինչդեռ լուրերի համաձայն, զենքը դրել է ինչ-որ մեկի գլխին ու ստիպել չոքել, պարոն Հովսեփյանն ասաց՝ եթե այդքանը գիտեք, եկեք ցուցմունք տվեք:
Մեկ այլ հարցին, թե ըստ մամուլի հրապարակումների, Արագածոտնի մարզում ամեն ինչ արել եք՝ Լյովա Խաչատրյանը չանցնի, քննչական կոմիտեի նախագահը վստահեցրեց՝ նման անձի չեմ ճանաչում վաղուց:
Կարդացեք նաև
Արփինե ՍԻՄՈՆՅԱՆ
