«Ելքը» Երեւանի ավագանու ընտրությունների իր նախընտրական ծրագրում խոստանում է քաղաքապետարանի ծառայողական մեքենաների թիվը կրճատել 70 տոկոսով, ինչպես նաեւ հաստիքացուցակն օպտիմալացնել:
Մենք «Ելք» դաշինքի անդամ, ավագանու թեկնածու Ալեն Սիմոնյանին հարցրեցինք՝ ուսումնասիրություն արե՞լ եք, որքա՞ն ծառայողական մեքենա ունի քաղաքապետարանը եւ ինչքանո՞վ է ուռճացված հաստիքացուցակը:
Ալեն Սիմոնյանը պատասխանեց. «Այո, ուսումնասիրել ենք, եւ պատկերացրեք՝ Երեւանի քաղաքապետարանն ունի այնքան ծառայողական մեքենաներ, որքան Ազգային ժողովը: Երեւանի քաղաքապետարանն այդքան ծառայողական մեքենա ունի, հիմա դուք ասեք՝ ուռճացվա՞ծ է, թե՞ ուռճացված չէ, երբ մայրաքաղաքի ծառայողական ավտոմեքենաները համարժեք են հանրապետության խորհրդարանի մեքենաների քանակին»:
Նշենք, որ Ազգային ժողովի ծառայողական մեքենաները, որոնք շահագործվում են, 69-ն են, 11-ն էլ կա բալանսում: Հիշեցնենք, որ Նիկոլ Փաշինյանը հարցում էր արել Դանիայի խորհրդարանին եւ պարզել, որ 5.7 մլն բնակչություն եւ 128 միլիարդանոց բյուջե ունեցող Դանիայի խորհրդարանն ունի ընդամենը 23 ծառայողական մեքենա:
Կարդացեք նաև
Հռիփսիմե ՋԵԲԵՋՅԱՆ
