Լրահոս
Օրվա լրահոսը

«Քվեարկությունը ցույց տվեց, թե իրականում որ դիրքերում է «Ծառուկյան» դաշինքը» (Տեսանյութ)

Մայիս 19,2017 13:10

«Ծառուկյան» դաշինքի պատգամավորների գերակշիռ մասն իր ձայնը տվեց «հանրապետական» թեկնածուին՝ իր դիրքը ցույց տալով քաղաքական դաշտում: Սա բնական գործընթաց է»,-«Փաստարկ» մամուլի ակումբում այսօր անդրադառնալով ԱԺ փոխնախագահի քվեարկության ընթացքին, ասաց Երեւանի ավագանու «ԵԼՔ» դաշինքի անդամ Արայիկ Հարությունյանը:

Նա հիշեցրեց այդ առնչությամբ Նիկոլ Փաշինյանի դիտարկումը՝ «տարօրինակ է, որ «Ծառուկյան» դաշինքի պատգամավորների խիղճը տարել է դեպի ՀՀԿ-ն»: Հիշեցնենք, որ այս նկատառմանը հաջորդել էր պատգամավոր Միքայել Մելքումյանի բացատրությունը, թե դաշինքը քաղաքական որոշում է կայացրել՝ ընտրությունը թողնել պատգամավորների խղճին:

Ավագանու «ԵԼՔ» դաշինքի անդամ Տիգրան Ավինյանն էլ իր հերթին համաձայնեց. «Փաստորեն, երբ ընտրությունը թողնված է «Ծառուկյան» դաշինքի պատգամավորների խղճին, այն հուշում է, որ պետք է քվեարկել ՀՀԿ-ի օգտին»:

Արայիկ Հարությունյանի խոսքով՝ այդ քվեարկությունը ցույց տվեց, թե իրականում որ դիրքերում է գտնվում «Ծառուկյան» դաշինքը, իսկ այսօր տեղի է ունեցել ընդդիմափոխություն, եւ «ԵԼՔ» դաշինքն իր վրա ստանձնել է միակ ընդդիմադիր ուժի պարտականությունը:

Հիշեցնենք, որ ԱԺ փոխնախագահների անուններն արդեն հայտնի են:

Մանրամասն՝ տեսանյութում:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2017
Երկ Երե Չոր Հնգ Ուրբ Շաբ Կիր
« Ապր   Հուն »
1234567
891011121314
15161718192021
22232425262728
293031