«Ես գիտեի, որ ստեղծվելու է մի հանձնաժողով, որը պետք է զեկուցեր Սերժ Սարգսյանին ինչ-որ քայլերի մասին, եւ սպասում էի, որ քայլերից մեկն էլ պետք է լինի թուլացումը»,- երեկ «Ազատություն» ռադիոկայանին ասաց ԱԺ նախկին փոխնախագահ Կարապետ Ռուբինյանը, որը նախորդ օրը ազատվել էր կալանքից: Նա վստահություն հայտնեց, թե իր նկատմամբ ընտրված խափանման միջոցի փոփոխությունը պայմանավորված է Եվրախորհրդի կողմից Հայաստանի իշխանությունների նկատմամբ գործադրվող ճնշումներով. «Ինչպես տեսնում եք, որեւէ բարոյական արգելք իշխանությունները չունեն: Ունեն պատրաստի հզոր մի աշխատակազմ՝ ի դեմս ամեն ինչի պատրաստ քննիչների... Եվ, ինչպես տեսնում եք ընթացող դատավարություններից, որեւէ պրոբլեմ չունեն մեկ-երկու ծախու միլիցիոներների որպես վկա բերեն եւ ...

Երեկ Երեւանի քրեական դատարանում մեկնարկել է Վահե Ղազարյանի քրգործով դատավարությունը

Վահե Ղազարյանը, ում դատավարությունը սկսվեց երեկ, ՀՀ առաջին նախագահ Լեւոն Տեր-Պետրոսյանի անվտանգության թիկնազորի պետ Ռոմեն Ղազարյանի՝ «Բուդոյի» որդին է: Նրան մարտի 3-ին տնից բերման են ենթարկել ոստիկանության Շենգավիթի բաժնի աշխատակիցները: «Սահմանադրական կարգի խախտմամբ իշխանությունը յուրացնելու նպատակով Երեւան քաղաքում զանգվածային անկարգություններ հրահրելու եւ կազմակերպելու, իշխանության ներկայացուցչի նկատմամբ բռնություն գործադրելու դեպքի առթիվ ՀՀ հատուկ քննչական ծառայության վարույթում քննվող քրեական գործի շրջանակներում» Վահե Ղազարյանին «տրաֆարետային» մեղադրանք էր առաջադրվել ՀՀ ՔՕ 225-րդ հոդվածի 2-րդ մասի հատկանիշներով՝ ...

Սյունիքի մարզպետ Սուրեն Խաչատրյանը երեկ համոզում էր լրագրողներին, որ ինքը երեխա չի ծեծել

- Այսօր ամենամեծ հասարակական հնչեղություն ունեցող հարցը ձեր հանդեպ իրականացրած ծառայողական քննությունն է, ի՞նչ է տեղի ունեցել, ըստ ձեզ («Ազատություն»):

- Ծառայողական քննություն նշանակվել է ՀՀ վարչապետի կողմից, կարծում եմ, այդ հարցը ոչ թե ինձ պետք է ուղղեք, պետք է ուղղեք ծառայողական քննություն կատարողներին:

- Իրականում ի՞նչ է տեղի ունեցել, դուք երեխա՞ եք ծեծել («Ազատություն»):

- Չեմ կարծում, թե ձեզանից որեւէ մեկը էդ կարծիքին է, որ ես կարող եմ երեխա ծեծել, երեխաների մեջ ընդամենը թեթեւ կենցաղային վիճաբանություն է եղել եւ հարթվել է իմ եւ մյուս երեխայի ծնողների հանդիպումից հետո: Այդպիսի խնդիր չկա, այդ մասին ընդհանրապես մեր ...

Մեկին կդատեն գրիչն ընտրակաշառք դարձնելու, մյուսին՝ իբր ոստիկանին մարմնական վնասվածք պատճառելու համար:

Մարտի 1-ի դեպքերի առիթով կալանավորված Արամ Բարեղամյանի գործն արդեն ուղարկվել է Երեւանի քրեական դատարան, եւ ամսի 16-ին նշանակված է առաջին դատական նիստը: Քրեական գործի հիմքում ընկած են ոստիկանության ներկայացուցիչների դեմ կատարված գործողությունները, որոնց ընթացքում ոստիկանը ստացել է ծանր մարմնական վնասվածք: Եթե գործը նման սահուն ընթացք ունենար, ինչպես վերոնշյալ շարադրանքն է՝ ոչ մի արտառոց բան չէր լինի: Բայց ամբողջ խնդիրն այն է, որ նախաքննության մարմինը չի կարողացել ապացուցել Արամ Բարեղամյանին ներկայացված նախնական մեղադրանքը՝ Քրեական օրենսգրքի 225 պրիմ հոդվածը՝ անհնազանդության կոչերը, հընթացս որոշում է կայացվել Ա. Բարեղամյանին մեկ այլ մեղադրանք էլ առաջադրել՝ 112-ի 2-րդ մասով: Այն է՝ անձին ծանր ...

Ինչպես արդեն հաղորդվել է, մայիսի 12-ին ՀՀ գլխավոր դատախազի ցուցումով նախաքննական մարմինը փոխել էր պետական իշխանությունը յուրացնելու եւ զանգվածային անկարգություններ հրահրելու մեջ մեղադրվող ՀՀ ԱԺ նախկին փոխնախագահ Կարապետ Ռուբինյանի նկատմամբ ընտրված խափանման միջոցը՝ կալանավորումը փոխարինելով չհեռանալու մասին ստորագրությամբ: Նման որոշում կայացվել էր՝ նկատի ունենալով այն հանգամանքը, որ Կ. Ռուբինյանին նախաքննության այս փուլում կալանքի տակ պահելու անհրաժեշտություն չկա՝ նա չի խոչընդոտի նախաքննությանը եւ նման բաներ: Հետաքրքիրն այն է, որ նման միջնորդությամբ Կ. Ռուբինյանի պաշտպան Հովիկ Արսենյանը վաղուց էր դիմել պատկան մարմնին, բայց՝ ապարդյուն, իսկ երկուշաբթի օրը իր պաշտպանյալի նկատմամբ խափանման միջոցը փոխելն ու նրան ազատ արձակելը անակնկալ էր եղել: Հ. Արսենյանն այդ մասին իմացել էր միայն լրագրողներից: ...

ՀՀ նախագահի հասարակական-քաղաքական հարցերով խորհրդական Գառնիկ Իսագուլյանը վերջերս ասուլիսում տեսակետ էր հայտնել, թե ձերբակալվածներին ազատ արձակելը կլինի բարի կամքի դրսեւորում, բայց եթե իշխանությունը դրսեւորում է նման կամք՝ ընդդիմությունն անմիջապես դա որակում է իբրեւ վախի դրսեւորում. «Ցանկացած հարցի շուրջ բարի կամքի դրսեւորումը ուզում են անպայման ներկայացնել որպես թուլություն, թե տեսե՜ք, իշխանությունները վախեցան, այ, մենք ճնշո՜ւմ գործադրեցինք...»: Լրագրողները հետաքրքրվել էին, թե արդյոք կարո՞ղ է իշխանության կողմից մի բարի կամքի դրսեւորման դեպք նշել, որն ընդդիմությունը ներկայացրել է որպես վախի նշան, բայց Գառնիկ Իսագուլյանն ասել էր, թե չի ցանկանում անձնավորել: Սակայն օրերս «Ազատություն» ռ/կ-ով նա որոշակիացրեց իր պնդումը՝ նշելով. «Սուրեն Սուրենյանցի պարագայում եղավ միջնորդություն, եւ ...

Հայաստանում կենցաղային եւ համակարգչային տեխնիկայի վաճառքով զբաղվող տասնյակ ընկերություններ խուսափում են կատարել իրենց երաշխիքային պարտավորությունները:

Հատկապես վերջին տարիներին Հայաստանում կենցաղային ապրանքների վաճառքով զբաղվող ընկերությունները սկսեցին գնված ապրանքի դիմաց սպառողներին տրամադրել երաշխիքային կտրոններ, ինչը նշանակում է, որ եթե գնված ապրանքը որոշակի ժամկետի ընթացքում փչանում կամ վնասվում է արտադրողի, այլ ոչ թե գնորդի մեղքով, ապա վաճառող կազմակերպությունը պարտավոր է այն վերանորոգել կամ փոխարինել նորով: Մեր երկրում երաշխիքային սպասարկմամբ աշխատում են հիմնականում այն ընկերությունները, որոնք ապրանքներ են ներկրում արտերկրից: Իսկ արտերկրի արտադրողները կարեւորում են, որ տարբեր երկրներում գտնվող իրենց մասնաճյուղերը ...

Կովկասցիների իրավունքները նույն կերպ են ոտնահարվում

«Վրաստանում տարեցտարի ընտրություններն ավելի քիչ են թափանցիկ դառնում, իսկ մարդու իրավունքներն էլ խախտվում են ամենաանհավանական մեթոդներով: Վրացիներն, ի տարբերություն մյուս ազգերի, այն աստիճան ավանդապաշտ են եւ հավատացյալ, որ անգամ առանց ընտրակաշառքի, ընդամենը մի երդումով կարող են քվեն տալ»,- «Առավոտի» հետ զրույցում ասաց Վրաստանի մարդու իրավունքների պաշտպանի գրասենյակի ներկայացուցիչ Կոբա Չոպլիանին: Նրա պատմելով. «Վրաստանի Սվինետի մարզում, իշխանության թեկնածուի օգտին ձայն տալու համար, գյուղացուն ստիպել են երդվել սրբապատկերի առջեւ: Սակայն գյուղացին հրաժարվել է ոչ թե այն պատճառով, որ ազատ կարող է ձայնը տալ ում ցանկանա, այլ աստվածավախությունից, պարզապես անկեղծ խոստովանել է, որ իր ազգականը հակառակ թեւի թեկնածու է եւ չի կարող իր ...

Ասում է քաղաքագետ Էդվարդ Անտինյանը՝ վիճարկելով Հասարակական պալատի ստեղծման արդյունավետությունը:

Օրերս ստեղծվելիք աշխատանքային խումբը պիտի մինչեւ մայիսի 20-ը մշակի փաստաթուղթ, որով ՀՀ նախագահին առընթեր կձեւավորվի Հասարակական պալատ կամ խորհուրդ (անվանումը դեռ վերջնականապես հստակեցված չէ): Այն պիտի քննարկի պետական նշանակության խնդիրները՝ օրենքներ, նախագահի հրամանագրեր եւ այլն: Սակայն քաղաքագետ Էդվարդ Անտինյանը վերջերս հեռուստաելույթներից մեկում թերահավատություն հայտնեց այդ պալատի ստեղծման նպատակահարմարության վերաբերյալ: Մեր խնդրանքով պարզաբանելով թերահավատության հիմքերը՝ պրն Անտինյանն ասաց, թե իր խոսքն ընդամենը նախազգուշական հորդոր է, թե հետագայում ինչ բարդություններ կարող են առաջանալ, որ դրանց մասին մտածենք հիմիկվանից. ...

Բայց Շիրակի մարզի առողջապահության վարչությանը դա ամենեւին չի հետաքրքրում

Ըստ Շիրակի մարզի 18 հացադուլավորների՝ Շիրակի թեմի առաջնորդ Միքայել արքեպիսկոպոս Աճապահյանից ու ԱԺ «Ժառանգություն» խմբակցության անդամներից բացի, իրենցով ոչ մի պաշտոնյա, նույնիսկ՝ մարզի բժիշկները չեն հետաքրքրվում: Բուժաշխատողների ստրկամտությունն այնտեղ է հասել, որ չորս օր ուժեղ գլխացավերի մեջ են թողել Ձորակապում անժամկետ հացադուլի նստած Մուշեղ Սաղաթելյանի որդուն՝ Սեւակին, ով երեկ ուշաթափվել էր: Երեկվա դրությամբ ծանր էր նաեւ Մարալիկում հացադուլի նստած Բաբկեն Ուռուտյանի եւ Կարապետ Լոռեցյանի վիճակը: ԵԿՄ գրասենյակից նույնպես տեղեկացրին, որ գիշերը առողջական խնդիրներ են ծագել գյումրեցի ազատամարտիկներից մի քանիսի մոտ, որոնք առանց այն էլ մի լավ օրի չեն՝ 2-3-րդ կարգի հաշմանդամներ են: Ի տարբերություն բժիշկների, ոստիկանները ...

«Մարտի 1»-ի քրգործերի շարքից

Երեկ Կենտրոն եւ Նորք-Մարաշ համայնքների ընդհանուր իրավասության դատարանում լսվեց «Մարտի 1»-ի գործով մեղադրվող, Թալին քաղաքի 30-ամյա բնակիչ Համլետ Աբրահամյանի գործը: Վերջինս ձերբակալվել էր մարտի 1-ի առավոտյան եւ նրա նկատմամբ մեղադրանք է առաջադրվել ՀՀ Քրեական օրենսգրքի 316 հոդվածի առաջին մասով՝ «Իշխանության ներկայացուցչի նկատմամբ բռնություն կիրառելու» համար:

Դատական նիստին հետեւող սակավաթիվ քաղաքացիները եւ մեղադրվողի՝ Թալինից մի կերպ Երեւան հասած հարազատները ծափողջույններով դիմավորեցին նրան: Հ. Աբրահամյանի մորաքույր Անահիտ Մելքոնյանը, լրագրողների առաջ սիրտը բացելով, հեծկլտալով ասաց. «Մեր խելոք էրեխին անմեղ տեղը դատում են, ո՞վ պիտի պահի նրա անչափահաս տղային ու կնոջը: Մայրն էլ ...

Կամ տեղի դպրոցներից գումար կորզելու հերթական «հնարքը»

Հանրակրթական դպրոցներից ստացված դժգոհությունների չափով Արմավիրի մարզն ուղղակի ռեկորդակիր է: Երեկ կրկին «Առավոտին» են դիմել արմավիրցիներ ու տեղեկացրել, որ այս մարզի բոլոր դպրոցների ուսուցիչներին ու առաջինից տասնմեկերորդ դասարանի աշակերտներին պարտադրում են դառնալ «Հայ դպրություն» հ/կ-ի անդամ, տարեկան էլ վճարել 600 դրամ անդամավճար, մինչդեռ պարզ չէ, թե ուր են «գնում» այդ գումարները: «Հայ դպրության» համակարգողն էլ, ոչ ավել, ոչ պակաս՝ մարզպետարանի կրթության վարչության պետ Գայանե Սայադյանն է:

Կապվեցինք վերջինիս հետ: Տիկին Սայադյանը խոստովանեց, որ հստակ չգիտի, թե որն է «Հայ դպրության» նպատակը, ինչով է այն զբաղվում, հետո էլ հավելեց. «Դա նոր բան չէ... ...

Մայիսի 12-ին Հ. Պարոնյանի անվան երաժշտական կոմեդիայի պետական թատրոնի բեմում ոչ թե թատերական ներկայացում էր, այլ նորաձեւության ցուցադրում: Երեւանի պետական թեթեւ արդյունաբերության, Վանաձորի տեխնոլոգիական, Երեւանի հումանիտար տեխնիկական եւ Փ. Թերլեմեզյանի անվան գեղարվեստի քոլեջների ուսանողները ներկայացրին իրենց անհատական աշխատանքները: Դրանք ամենօրյա, երեկոյան, հարսանեկան, մանկական, ավանգարդ, սպորտային ոճերում հագուստներ էին, որոնք նաեւ ցուցադրվել էին «Գարուն» փառատոնի ընթացքում: Օրինակ՝ Երեւանի թեթեւ արդյունաբերության պետական քոլեջի ուսանողները ներկայացրին հագուստներ հղիների համար, ժամանակակից ոճի զգեստներ, որոնց վրա ասեղնագործված էին հայկական տարազի տարրեր: Երբ ամառային ամենօրյա զգեստներն էին ներկայացնում՝ միջոցառումը վարողները ասացին, որ դրանք հարմար են «ինտիմ շփումների համար»: ...

Մանուկների դաստիարակության «դեղատոմսը»՝ ըստ դրամատուրգ Պետրոս Մարտիրոսյանի

Տիկնիկային արվեստին առնչվող մտահոգություններով «Առավոտին» էին դիմել ամուսիններ, դրամատուրգ Պետրոս Մարտիրոսյանը եւ թարգմանչուհի Զեմֆիրա Մարտիրոսյանը:

Լայն հանրությունը դրամատուրգին անմիջապես կճանաչի Հովհաննես Թումանյանի անվան տիկնիկային թատրոնում նրա «Թզուկի երգը» ներկայացումով: Տեղեկացնենք, որ ամուսինները Սպայի տանը 1996թ. հիմնել էին «Թմբուկ» տիկնիկային թատրոնը, որը գործել է մինչեւ 2007թ.: Այս ընթացքում թատրոնը հյուրախաղերով հանդես է եկել ինչպես Հայաստանում ու Արցախում, այնպես էլ Ուկրաինայում, Բելառուսում, Չեխիայում, Հունգարիայում, Բուլղարիայում: Հայ դրամատուրգի գործերը բեմադրվել են Ուկրաինայի, Բելառուսի տարբեր քաղաքներում, ...

Նահանջը շարունակվում է

Սոֆիայում ընթացող շախմատի «Mtel Masters» 20-րդ կարգի միջազգային մրցաշարում անհաջողությունը շարունակում է հետապնդել Հայաստանի լավագույն շախմատիստ Լեւոն Արոնյանին:

Առաջին շրջանի եզրափակիչ՝ հինգերորդ տուրում սպիտակներով հանդես եկող Արոնյանը 44-րդ քայլում իրեն պարտված ճանաչեց Վասիլի Իվանչուկից, իսկ ուկրաինացին տարավ իր հինգերորդ անընդմեջ հաղթանակը: Նույն օրը Տոպալովը առավելության հասավ Բու Սյանչժիի նկատմամբ, իսկ Ռաջաբով-Չեպարինով պարտիան ավարտվեց ոչ-ոքի:

«Mtel Masters»-ի առաջին շրջանի ավարտից հետո մրցաշարային աղյուսակն այսպիսի տեսք ունի:

1. Վասիլի Իվանչուկ (Ուկրաինա) 5,0 միավոր

2. Վ. Տոպալով (Բուլղ.) 3,5

3-4. Թեյմուր Ռաջաբով (Ադրբեջան) 2,0

3-4. Իվան Չեպարինով (Բուլղարիա) 2,0

5. Լեւոն ...