Երեկ Անկարայում գտնվող ԱՄՆ նախագահ Բարաք Օբաման ասել է, որ իր կարծիքը Հայոց ցեղասպանության մասին չի փոխել. «Ես իմ տեսակետները չեմ փոխել: Բայց ես կուզեի կենտրոնանալ ոչ թե իմ, այլ թուրք եւ հայ ժողովուրդների տեսակետների վրա: Եթե նրանք կարող են առաջ շարժվել՝ լուծելով իրենց ողբերգական ու դժվարին պատմության խնդիրները, այս պայմաններում ողջ աշխարհը նրանց պետք է աջակցի: Ինձ ոգեշնչել են այն լուրերը, որ Աբդուլա Գյուլի պաշտոնավարման օրոք բանակցային գործընթաց է սկսվել Հայաստանի եւ Թուրքիայի միջեւ, որի նպատակն է մի շարք կուտակված հարցերի լուծումը գտնելը, այդ թվում՝ այս մի խնդրի լուծումը: Ես կուզեի հնարավորինս աջակցել այս բանակցություններին, որոնք շարունակվում են եւ կարող են շատ շուտով արդյունքի հանգեցնել: Ես նախագահին ասացի, որ ...

Առաջիկա ընտրությունների դրական եւ բացասական կողմերը՝ ըստ Հրանուշ Խառատյանի

Երեւանի ավագանու եւ քաղաքապետի ընտրությունները «հենց այս տարի եւ այս ձեւով» ազգագրագետ Հրանուշ Խառատյանը համարում է ուշագրավ ու կարծում է, որ այդ ընտրությունները զգալի չափով պետք է փոխեն քաղաքական հարաբերությունների ձեւավորման ընթացքը: Միաժամանակ, նա ափսոսանք է հայտնում, որ այս ընտրությունները եւս, ինչպես Հայաստանում մինչ օրս տեղի ունեցած բոլոր ընտրությունները, կանցնեն անձերի շուրջ եւ ոչ թե քաղաքական կամ, որ ավելի կարեւոր է՝ Երեւան քաղաքի սոցիալ-տնտեսական զարգացման ծրագրերի շուրջ: Նրա համոզմամբ, եթե տվյալ անձերը համայնքի հետ հետագա աշխատանքում ունենան խնդիր կամ ձեռքբերում, ապա դա նույնպես կապվելու է անձերի, ոչ թե քաղաքական ուժերի հետ, եւ այդպիսով ...

Վստահ է «Բարգավաճ Հայաստան» կուսակցության նախագահ Գագիկ Ծառուկյանը

- «Բարգավաճ Հայաստանը» եւս, մյուս կուսակցությունների նման, հայտարարում է, որ Երեւանի ավագանու ընտրություններին մասնակցում է հաղթելու նպատակով. իրո՞ք այդքան մարտական եք տրամադրված:

- Իսկ ինչո՞ւ եք կասկածում, մի՞թե ձեզ համար պարզ չէ, որ Ծառուկյան Գագիկը ինչ որ անում է, անում է ամենաբարձր մակարդակով՝ միայն ամենալավը: Մեր ցանկությունն է՝ հաղթել: Մենք մեր համամասնական ցուցակը հենց այնպես չենք կազմել, մեր ցուցակում դրել ենք մարդկանց, ովքեր հայտնի են հասարակությանը: Մեր թեկնածուն սիրված է եւ որպես ղեկավար, ե՛ւ որպես մասնագետ, ե՛ւ մեր ցանկությունն է, որ ինքը կարողանա ընտրվել եւ նույն գործունեությունը իրականացնել Երեւան քաղաքում: Մենք ընտրությունների գնում ենք ...

Հանցագործները, ըստ պաշտոնական վարկածի, «անհայտ անձինք են»

Ըստ որոշ լուրերի, ապրիլի 4-ին իրար են բախվել Արտաշատում «Գազի Հովո» անունով հայտնի «Նորայր» ՍՊԸ-ի՝ գազալցակայանի սեփականատեր Հովիկ Ղազարյանի եւ ՀՀ ԱԺ նախագահ Հովիկ Աբրահամյանի գերդաստանները: Թե որն է այս կոնֆլիկտի շարժառիթը՝ այնքան էլ պարզ չէ: ՀՀ ոստիկանությունը դեպքի առնչությամբ տարածած իր հաղորդագրության մեջ միտումնավոր կերպով չի մատնանշել միջադեպի մասնակիցների անունները: Սակայն նույն օրն արդեն Արտաշատում լուրեր էին պտտվում, որ «գործող անձանցից» էին Հովիկ Աբրահամյանի եւ նրա եղբոր՝ Հենրիկ Աբրահամյանի տղաները:

Ըստ ոստիկանության տարածած հաղորդագրության, ապրիլի 4-ին, ժ. 23.30-ին, անհայտ քաղաքացուց ոստիկանության Արտաշատի բաժնում ահազանգ է ստացվել, որ կրակել են Մրգավան գյուղի բնակիչ, 1982 թ. ծնված Արթուր Ղազարյանի («Գազի ...

ՀՅԴ-ի եւ ԲՀԿ-ի որոշ պատգամավորներ երեկ կողմ քվեարկեցին, որ օրակարգում ներառվի «Ժառանգություն» խմբակցության ղեկավար Արմեն Մարտիրոսյանի նախաձեռնությունը՝ «Ավտոմոբիլային տրանսպորտի մասին» օրենքում լրացում կատարելու մասին, որին ՀՀԿ-ն դեմ էր գրեթե ողջ կազմով (մի քանի հանրապետականներ քվեարկել էին ձեռնպահ): Օրենքի նախագծով առաջարկվում էր, որ որպես տաքսի կարելի լինի օգտագործել ոչ թե մինչեւ 10, այլ 15 տարվա հնության ավտոմեքենաները: Բացի այդ՝ առաջարկվում էր տաքսիներին տալ ոչ թե դեղին, այլ հիմնական համարանիշներ, ուղղակի նաեւ հատկացնել դիմապակու փակցման հատուկ կտրոն: Ահա այս նախաձեռնությունը տապալվեց, քանի որ քննարկման օգտին քվեարկեցին 21 հոգի, դեմ՝ 56-ը, իսկ 21-ը մնացին ձեռնպահ: Ընդ որում՝ կողմ քվեարկածների մեջ էին ԲՀԿ-ականներ Աշոտ Տոնոյանը, Վերսանդիկ Հակոբյանը, Ռուստամ Գասպարյանը եւ Ռոբերտ Զաքարյանը: Իսկ ...

Այսպիսին է իշխող մեծամասնության վերջնական պատասխանը համաներման եւ կալանավորված պատգամավորների վերաբերյալ որոշումը չեղյալ համարելու առաջարկներին:

ԱԺ նախագահի մոտ մարտի 30-ին կայացել էր խորհրդակցություն, որի ընթացքում քննարկվել էր կալանավորված պատգամավորների դիմումը՝ ուժը կորցրած ճանաչել խորհրդարանի այն որոշումները, որոնցով իրենք զրկվեցին անձեռնմխելիությունից: Խորհրդակցության ավարտից հետո խմբակցությունների ղեկավարներն ասել էին լրագրողներին, թե որոշել են սպասել՝ մինչեւ պարզ դառնա, թե «7»-ի գործով դատաքննության ընթացքում ինչպես են վերաորակվելու մեղադրանքները: Մասնավորապես՝ ՀՅԴ խմբակցության ղեկավար Վահան Հովհաննիսյանը լրագրողներին ասել էր, թե անհրաժեշտ է սպասել մինչեւ ապրիլի 1-ը, երբ գլխավոր դատախազությունը կհստակեցնի, ...

Չնայած այն բանին, որ իշխանություններն ու մասնավորապես ՀՀԿ ներկայացուցիչները համառորեն հերքում են Երեւանի քաղաքապետի ընտրություններում որպես ՀՀԿ-ի թեկնածու Գագիկ Բեգլարյանի օգտին քվեարկելու հավաստիացում «100 տոկոսանոց ցուցակ» կոչվող բլանկներով կազմակերպված լայնամասշտաբ ստորագրահավաքի փաստը, այդուհանդերձ, այդպիսի ստորագրահավաքը մայրաքաղաքի տարբեր համայնքներում թափով շարունակվում է: Անցյալ շաբաթավերջին այդպիսի առաջադրանք ստացած մի քաղաքացի առանց իրեն շատ համոզելու համաձայնեց իր ձեռքին եղած «100% ցուցակ» կոչվող ձեւաթղթերից մեկ դատարկ օրինակ էլ մեզ տրամադրել: Այդպիսի ցուցակով ոմն Նարինե անցյալ շաբաթ այցելել է նաեւ Շենգավիթ համայնքի Սողոմոն Տարոնցի նրբանցքի 1 շենք, ապա տնետուն անցել հիշյալ հասցեի բոլոր բնակարաններով: ...

Բժիշկների բնորոշմամբ, խմիչքից կախվածությունը գրեթե անբուժելի է

Երեւանում բնակվող Արշակյանների ընտանիքի անհաջողությունները սկսվում են այն բանից հետո, երբ ընտանիքի հայրը՝ 58-ամյա Արայիկ Արշակյանը, գումար վաստակելու նպատակով կնոջն ու 2 երեխաներին թողնում է ու մեկնում Ռուսաստան: Չկարողանալով հարմար աշխատանք գտնել` Ա. Արշակյանը մոտ 3 տարի ի վիճակի չի լինում ընտանիքին օգնել: Երբ գումար է հայթայթում ու վերադառնում Հայաստան, զգում է, որ ընտանիքում երբեմնի անդորրն ու ջերմությունն այլեւս չկա: Նա պարզում է, որ ընտանիքի անդամները, չկարողանալով տանել սոցիալական խնդիրների բեռը, դարձել են ալկոհոլիկներ:

Բժիշկ մասնագետների տվյալներով, ալկոհոլիկների թիվը մեր երկրում գնալով ավելանում է: Ընդ որում, հայ կանայք էլ են սկսել խմել:

Հոգեբան, կիրառական հոգեբանության կենտրոնի տնօրեն Դավիթ Գեւորգյանի խոսքերով, ...

Արտերկրից մեր երկիր առաքված ծանրոցներն ու նամակները կամ տեղ չեն հասնում, կամ հասնում են վնասված ու թալանված: Նման դժգոհություն մեր խմբագրությունը շատ հաճախ է ստանում: Չնայած դրան, ծանրոցների ու նամակների համար պատասխանատու «Հայփոստ» ընկերությունը վստահեցնում է, որ կորուստները մեր երկրից դուրս են տեղի ունենում: Ընկերության լրատվական բաժնի ղեկավար Դավիթ Ղամբարյանի պարզաբանմամբ, ծանրոցների փոխադրման անվտանգությունը ապահովում են համապատասխան երկրների փոխադրող կազմակերպությունները. «Ներկայումս արտերկիր ուղարկվող փոստի մեծ մասը փոխադրվում է օդային ճանապարհով, եւ քանի որ օրական ուղիղ չվերթների սակավության խնդիր կա, այդ պատճառով փոստի վնասման եւ կորստի հավանականությունը մեծանում է, ինչն էլ պայմանավորված է տարանցիկ երկրներում առաքանիների բեռնաթափման եւ բեռնավորման հետ»:

Ըստ Դ. Ղամբարյանի` ...

«Ինչպես կարելի է երեխայի աչքի առաջ բռնաբարել մանկատան աշխատակցուհուն, կամ էլ անչափահաս երեխան սպանություն է գործում: Ինչպես կարելի է նման բաներ ցուցադրել եւ մարդկանց էլ համոզել՝ թե այդ ամենը կազմված է իրական փաստերի հիման վրա»,- մեզ հետ զրույցում վրդովված ասաց Մարի Իզմիրլյանի անվան մանկատան տնօրեն Հասմիկ Մկրտչյանը: Նրան զայրացրել էր «Հ1» հեռուստաընկերությունով հեռարձակվող «Որբերը» կինոնկարը, որտեղ, ըստ տնօրենի, ամեն բան չափազանցված է եւ ֆիլմում կատարվող դեպքերը, ի ցույց դրվող դաժանություններն ընդհանրապես չեն համապատասխանում իրականությանը: Հ. Մկրտչյանի խոսքերով, գործող բոլոր մանկատների աշխատակիցները երեխաներին սիրում են, հակառակ դեպքում՝ չէին կարողանա աշխատել նրանց հետ: Նշյալ մանկատունը գործում է 11 տարի: Այդտեղ խնամվում է հիմնականում մտավոր եւ ֆիզիկական որոշ խնդիրներ ունեցող 1-ից 13 ...

Մոտ 1 ամիս է՝ թիվ 36 ավտոբուսը, որը սպասարկում է Նոր Նորքի զանգված-Չարբախ երթուղագիծը, չի գործում: Օրերս «Առավոտին» էին դիմել այդ երթուղուց օգտվող ուղեւորներ, դժգոհելով, որ կանգառում ժամերով սպասում են, բայց 36-ն այդպես էլ չի գալիս, չնայած որոշ ժամանակ առաջ ավտոբուսը նորմալ սպասարկել է: «Սկսել էինք մարդավարի երթեւեկել, բայց մեր ուրախությունը կարճ տեւեց: Նորից մի կերպ խցկվում ենք մարշրուտկա ու մի ոտքի վրա տեղ հասնում: Ավտոբուսը լավ էր, էլի, ազատ տեղեր շատ էր լինում, եթե նույնիսկ նստելու տեղ չէր էլ լինում, կանգնած էլ շատ հարմար էր երթեւեկելը: Իսկ մարշրուտկաներում, պատկերացնո՞ւմ եք Չարբախից Նոր Նորք՝ կռացած, կծկված, իրար վրա ելած ոնց կգնանք: Թե ինչո՞ւ հանեցին ավտոբուսները, չեն էլ ասում: Շատ հարմար ու քաղաքակիրթ տրանսպորտ էր»:

Այս ...

Մի քանի օր է՝ մեր օրաթերթը Շիրակի մարզի որոշ գյուղապետերից (անուն-ազգանուն չենք հրապարակում իրենց խնդրանքով, վերջիններս վախենում են ավելորդ քաշքշուկների մեջ հայտնվելուց) ահազանգ է ստանում այն մասին, որ Շիրակի մարզպետարանի տարածքային վարչությունը մարզպետ Լիդա Նանյանի ապրիլի 7-ը շնորհավորելու նպատակով ամեն մի գյուղապետի պարտադրում է 100 դոլար «մուծվել»: Գյուղապետերը հասկանալով, որ Լիդա Նանյանը հանրապետության միակ կին մարզպետն է եւ արժե նրա տոնը շնորհավորել, այնուամենայնիվ, նրանց ուղեղի մեջ չի տեղավորվում գումարի չափը. եթե ի նկատի ունենան, որ Շիրակի մարզում 119 համայնք կա, ուրեմն նվերը 11 հազար 900 դոլար կկազմի: Եվ սա այն դեպքում, երբ Շիրակի գյուղերը աղքատության մեջ փտում են. մարզը սեփական եկամուտների հավաքագրման առումով ռեկորդակիր է, հանրապետության ամենացածր ցուցանիշը միշտ այստեղ է արձանագրվում: Մենք ...

Օրիորդաց վարժարա՞ն, թե՞ ժուռնալիստիկայի ֆակուլտետ

2006-2007 ուստարում Երեւանի պետական համալսարանի ժուռնալիստիկայի ֆակուլտետ ընդունված 60 ուսանողից 10-ը արական սեռի ներկայացուցիչ էր: Այս փաստը մեծ ոգեւորություն էր առաջացրել, քանի որ ժուռնալիստիկայի ֆակուլտետի պատմության մեջ երբեք նման բան չէր եղել: Լրագրողի մասնագիտություն ստանալ ցանկացող 10 տղա՝ այն էլ մի կուրսում, երբ այս ֆակուլտետում տղաների թիվը մինչ այդ չէր անցել վեցից:

ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը համոզված է, որ ֆակուլտետի գլխին կախված չէ օրիորդաց վարժարան դառնալու վտանգը, ինչպես բանասիրական ֆակուլտետի դեպքում: «Ես կարծում եմ, որ լրագրողի մասնագիտությունն այսօր Հայաստանում եւ աշխարհում ամենահարգված մասնագիտություններից մեկն է: Բայց, ի ...

Երեկ կեսօրին Ազգային ժողովի շենքի առջեւ տեղի ունեցավ «Քաղաքացիական ազգային նախաձեռնություն» ՀԿ-ի եւ մի խումբ երիտասարդների կողմից կազմակերպված բողոքի ցույց՝ ընդդեմ ՀՀ կառավարության առաջարկած՝ «Ոստիկանության զորքերի մասին» ՀՀ օրենքում փոփոխություններ կատարելու մասին օրենքի նախագծի մի շարք դրույթների: Միջոցառման նպատակն էր վերախմբագրել հիշյալ օրենքի նախագծի 17-19-րդ հոդվածները, քանի որ վերջիններիս կիրառումը հղի է ոստիկանական ահաբեկչության վտանգով, մարդկանց ազատությունների եւ իրավունքների լայնածավալ խախտումներով, ինչպես նաեւ ոստիկանի՝ որպես մարդկանց ազատությունների ու իրավունքների պաշտպանի կոչումը քաղաքացիներին հնազանդեցնող մի մարմնի վերափոխմամբ: Մենք գտնում ենք, որ այդ oրենքի կիրառմամբ խախտվում է ոստիկանի՝ որպես մարդկանց ազատությունների ու իրավունքների պաշտպան լինելու կոչումը, եւ ...

Երբ մոտենում են մարտի 8-ն ու ապրիլի 7-ը՝ դպրոցական երեխաներ ունեցող ծնողները սկսում են դրամ խնայել, վստահ լինելով, որ ուսուցիչներին նվերներ գնելու համար անպայման գումար է հավաքվելու: Այս գործի կազմակերպումը սովորաբար դրված է յուրաքանչյուր դասարանի ամենաակտիվ ծնողներից մեկի վրա, որին «ծնողկոմիտե» են կոչում: Նա գործընթացն իրականացնում է դասղեկի հետ: Սակայն նվեր գնելու արարողությունը հաճախ չի սահմանափակվում միայն դպրոցի ուսուցիչներով, տնօրենով: Կանանց միամսյակի առիթով անուշադրության չեն մատնվում նաեւ քաղաքապետարանի կրթության վարչության պետի պաշտոնակատարն ու տեղակալը, տեսուչները: Նրանց էլ է նվեր մատուցվում՝ կլորիկ գումարի տեսքով: Օրինակ՝ Կենտրոն համայնքի դպրոցներից մի քանիսում աշխատող ուսուցիչներ, որոնք հասկանալի պատճառներով չցանկացան իրենց անունները հրապարակվի թերթում, պատմեցին, որ նշված ...

Ինչպես հայտնի է՝ վերոհիշյալ դպրոցում կառավարման խորհրդի անդամները դատի են տվել Շիրակի մարզպետ Լիդա Նանյանին՝ իրենց լիազորությունները «անօրինական» դադարեցնելու պատճառով: Մինչ դատարանում վիճարկվում է այդ հարցը, երեկ կառավարման խորհրդի «նորընտիր» կազմը պատրաստվում էր դպրոցի տնօրենի թափուր պաշտոնի համար մրցույթ անցկացնել: Սակայն մրցույթը չկայացավ, քանի որ դատական ակտերի հարկադիր կատարողները դպրոցի ժամանակավոր պաշտոնակատար Անահիտ Բաղդասարյանին ներկայացրին ՀՀ վարչական դատարանի կատարողական թերթիկը, որով մինչեւ վճռի կայացումը արգելվում է «Գյումրու թիվ 19 դպրոց ՊՌԱԿ–ի՝ Շիրակի մարզպետի 2009թ. փետրվարի 20-ի որոշմամբ հաստատված կառավարման խորհրդի կազմի գործունեությունը», ու նաեւ կասեցվում են այդ կազմի կայացրած բոլոր որոշումներով պայմանավորված գործողությունները: Տեղեկացնենք, որ այս անգամ ...

Երեւանի պետական համալսարանի մեխանիկայի ֆակուլտետի շրջանավարտ Հռիփսիմե Մաճկալյանը նշանակվել է Երեւանի պետական մանկավարժական համալսարանի ուսումնական գծով վարչության պետի տեղակալ: Մինչ այս, Հռիփսիմե Մաճկալյանը նույն բուհում երկու տարի համակարգչային օպերատոր էր: Հատուկ Հռիփսիմե Մաճկալյանի համար մանկավարժականում մի սենյակ նորոգվել եւ նոր կահույքով համալրվել է: Ինչպես պնդում են մանկավարժականի որոշ դասախոսներ՝ Հռիփսիմե Մաճկալյանի խոսքը ռեկտորի մոտ «ասնավանի ա». «Եթե Մաճկալյանին դուր չեկար, հաշվի, որ ռեկտորի հետ պրոբլեմներ ունես»: Ռեկտորը նրան է վստահում ինչպես բուհի, այնպես էլ մագիստրատուրայի ընդունելության քննությունների կազմակերպման մի շարք կարեւոր հարցեր: Մեր աղբյուրների համաձայն, Հռիփսիմե Մաճկալյանի հանդեպ այս վերաբերմունքի պատճառը նրա եւ բուհի ռեկտորի անձնական ջերմ հարաբերություններն ...

Տավուշի մարզում շատ տարածված է սպիտակ փոքր կտորների վրա հայկական գորգերի զարդանախշերի ասեղնագործումը: Շուրջ մեկ ամսվա տքնաջան, մանրակրկիտ աշխատանքի արդյունքը տեղացի միջնորդ գնորդները գնահատում են 3 հազար դրամ: Միջնորդների միջոցով դրանք արտահանվում են ԱՄՆ: Սահմանամերձ մարզում նման միջնորդներ կան, որոնցից յուրաքանչյուրը տասնյակ կանանց եւ աղջիկների բաժանում է մեր ազգային գորգերի լուսապատկերները, կտորը եւ թելը: Գործազուրկ կանայք էլ ճարահատյալ, իրենց աչքի լույսի հաշվին, փորձում են ընտանեկան բյուջեն համալրել: Բայց գրոշներ են վաստակում, մեծ-մեծ փողերը մնում են միջնորդներին:

Կամ՝ անկեղծանում են հայտնի կանայք

Մարտի 8-ից ապրիլի 7-ը համարվում է կանանց միամսյակ: Դա որոշ գծուծ եւ բազմազբաղ տղամարդկանց ուղղակի նյարդայնացնում է, որոշներին էլ հնարավորություն ընձեռում՝ դրսեւորել իրենց կնամեծարությունը: Կան տղամարդիկ էլ, որ կանանց հանդեպ ուշադիր են ողջ տարվա ընթացքում: Եվ ուշադրության արտահայտությունը ամենեւին էլ շքեղ նվերները չեն, որովհետեւ սիրող կանայք նյութապաշտ չեն լինում. բավական է գեղեցիկ մի անակնկալ, փոքրիկ խենթություն, անսպասելի մի ժեստ կամ անկեղծ խոստովանություն, եւ սիրեցյալդ երջանիկ է: Այս թեմայով «Առավոտը» փոքրիկ հարցախույզ անցկացրեց տարբեր ոլորտներում հայտնի կանանց հետ:

Շոկոլադե սրտիկներ եւ քնքուշ երկտողեր

«Օրրան» բարեգործական կազմակերպության հիմնադիր Արմինե ...

Հունահռոմեական ըմբշամարտի Եվրոպայի առաջնությունում Հայաստանի ազգային հավաքականը նվաճեց անհատական երկու ոսկե մեդալ եւ 33 երկրների պայքարում գրավեց երրորդ տեղը՝ զիջելով միայն Ռուսաստանին եւ Լեհաստանին:

Մեր թիմի հաշվարկին առաջին «ոսկին» բերեց մինչեւ 74 կգ քաշային, աշխարհի երիտասարդների չեմպիոն Արսեն Ջուլֆալակյանը՝ ազգային հավաքականի գլխավոր մարզիչ, օլիմպիական չեմպիոն Լեւոն Ջուլֆալակյանի որդին: Մինչեւ եզրափակիչ հասնելը` նա մրցագորգի վրա անցկացրեց չորս գոտեմարտ՝ միմյանց հետեւից պարտության մատնելով խորվաթ Զուգայ Նեվենին, գերմանացի Ադամ Յուրեձկոյին, լատվիացի Ալեքսանդրս Վիշնյակովսին եւ բելառուս Ալեքսանդր Կիկինյովին: Վճռորոշ գոտեմարտում Արսենի մրցակիցը մարզաձեւի Ուկրաինայի անչափ ուժեղ դպրոցի ներկայացուցիչ Վոլոդիմիր Շացկիխն էր: ...

Հայաստանի երկու ուժեղագույն գրոսմայստերները՝ Լեւոն Արոնյանն ու Վլադիմիր Հակոբյանը ապրիլի 14-30-ը մասնակցելու են Նալչիկում կայանալիք ՖԻԴԵ-ի «Գրան պրի» մրցաշարին:

Բացի նրանցից, այնտեղ հանդես գալու հայտ ներկայացրել են Պետեր Լեկոն (Հունգարիա), Ալեքսանդր Գրիշչուկը եւ Պյոտր Սվիդլերը (երկուսն էլ՝ Ռուսաստան), Վասիլի Իվանչուկը, Սերգեյ Կարյակինը եւ Պավել Էլյանովը (բոլորն էլ՝ Ուկրաինա), Բորիս Գելֆանդը (Իսրայել), Էտյեն Բակրոն (Ֆրանսիա), Շախրիյար Մամեդյարովը (Ադրբեջան), Գատա Կամսկին (ԱՄՆ), Ռուստամ Կասիմջանովը (Ուզբեկստան):

Ռումինիայի մայրաքաղաքում մեկնարկել է ծանրամարտի Եվրոպայի առաջնությունը: Հայաստանի ազգային հավաքականն արդեն մի քանի օր է, ինչ մրցավայրում է: Երեկ մարզաձեւի մեր ֆեդերացիայի նախագահ Սամվել Խաչատրյանը մեզ հետ հեռախոսազրույցում ասաց, որ թե տղաները, թե աղջիկներն իրենց նորմալ են զգում ու պատրաստվում են իրենց մրցահերթին:

Հայաստանի ծանրորդներից Բուխարեստում այսօր առաջինն ասպարեզ են մտնելու 69 կգ քաշայիններ Առաքել Միրզոյանն ու Գեւորգ Կակոյանը: Տեւական բուժումից հետո վաղն իր առաջին լուրջ մեկնարկն է ունենալու Մելինե Դալուզյանը, որը հանդես է գալիս իր՝ 63 կգ քաշային կարգում: Ապրիլի 9-ին մեր հանրապետությունը Եվրոպայի առաջնությունում ունենալու է երեք մասնակից. Նազիկ Ավդալյան՝ 69 կգ քաշային կարգ եւ Գեւորգ Պողոսյան ու Արամ Անդրիկյան (երկուսն էլ՝ 85 կգ): Մեկ օր անց կհասնի 75 կգ քաշային Հռիփսիմե Խուրշուդյանի հերթը: Ապրիլի ...

Կիրակի օրը «No Problem» ժամանցի կենտրոնում կայացավ «Սպորտը՝ հանուն հավասար հնարավորությունների» դարցի 2-րդ մրցաշարը, որը նախաձեռնել էր «Հույսի կամուրջ» հասարակական կազմակերպությունը՝ «Առաքելություն Արեւելք» դանիական կազմակերպության հետ համատեղ:

Մրցաշարը նվիրված էր մայրության եւ գեղեցկության տոնին եւ նպատակ ուներ՝ հանրության ուշադրությունը սեւեռել հատկապես հաշմանդամ կանանց իրավունքների պաշտպանությանը: Միջոցառումն իրականացվեց Հայաստանի դարցի ֆեդերացիայի հետ համագործակցությամբ եւ «No Problem» ժամանցի կենտրոնի եւ «Կոկա-կոլա Արմենիա» ընկերության աջակցությամբ:

Մարզական միջոցառմանը մասնակցեցին հաշմանդամության խնդրով զբաղվող հ/կ-ների եւ զանգվածային լրատվամիջոցների 60 ներկայացուցիչներ: Ուրախալի է, որ այս կարգի մրցումներում առանձնակի ակտիվություն են դրսեւորում ...

ՀՀ ոստիկանության կազմակերպված հանցավորության դեմ պայքարի գլխավոր վարչությունում Հրազդանի քաղաքապետարանից դիմում էր ստացվել, որ «Դինա» պրոդյուսերական կենտրոնի տնօրենը խաբեությամբ քաղաքապետարանից հափշտակել է 150 հազար դրամ: Ոստիկանության ԿՀԴՊ գլխավոր վարչության Մտավոր սեփականության ոլորտում կատարվող հանցագործությունների դեմ պայքարի բաժնի աշխատակիցները պարզել են, որ «Դինա» պրոդյուսերական կենտրոնի տնօրենը Երեւանի բնակիչ՝ 35-ամյա Հակոբ Վ.-ն է, որը ս/թ փետրվարի 20-ին ՌԴ Մոսկվա քաղաքում ՀՀ շախմատի արքաների պատվին նվիրված համերգային միջոցառում կազմակերպելու պատրվակով Հրազդանի քաղաքապետարանից, ՃՇՇ-ից, ինչպես նաեւ Դիլիջանի քաղաքապետարանից խաբեությամբ եւ վստահությունը չարաշահելու միջոցով հափշտակել է 541 հազար դրամ: Պարզվել է նաեւ, որ վստահություն ձեռք բերելու նպատակով Հակոբ Վ.-ն հանդես է եկել երգիչ ...

Ապրիլի 7

ԽՈՅ (21.03-20.04)- Աշխատանքից հետո կարող եք լիարժեք լիցքաթափվել:

ՑՈՒԼ (21.04-21.05)- Այսօր ձեզ հաճելի անակնկալ է սպասվում:

ԵՐԿՎՈՐՅԱԿ (22.05-21.06)- Օրը բարենպաստ է նոր գործեր սկսելու համար:

ԽԵՑԳԵՏԻՆ (22.06-22.07)- Գործընկերների կողմից արված կատակներին հումորով վերաբերվեք:

ԱՌՅՈՒԾ (23.07-23.08)- Հնարավոր է նվերներ ստանաք: Երեկոն անցկացրեք սիրելիի հետ:

ԿՈՒՅՍ (24.08-23.09)- Աշխատելիս մի տարվեք անհեթեթ մտքերով, այն ձեզ շատ կխանգարի:

ԿՇԵՌՔ (24.09-23.10)- Անընդհատ պարապ նստելու փոխարեն ավելի լավ է նոր աշխատանք փնտրեք:

ԿԱՐԻՃ (24.10-22.11)- Փոքրիկ անհաջողություններից մի հուսահատվեք, կյանքին թեթեւ նայեք:

ԱՂԵՂՆԱՎՈՐ (23.11-21.12)- Ռոմանտիկ երեկո անցկացնելու հնարավորությունը ձեր ձեռքից բաց չթողնեք:

ԱՅԾԵՂՋՅՈՒՐ (22.12-20.01)- Օրվա երկրորդ կեսը կանցնի շատ ...

«Հայփոստի» ղեկավարությունը դժգոհում է իր գլխավոր մասնաշենքի տաղավարների վարձակալներից, վարձակալներն էլ՝ «Հայփոստից»:

«Մեզ մոտ անվտանգության կանոններն ապահովված չեն: Եթե մեկ օր չգանք գործի, ու այդ օրը մեր խանութների ապակիները կոտրեն ու ապրանքը տանեն, դրա համար ոչ ոք պատասխանատվություն չի կրի: Մեզ ղեկավարությունն ասում է, որ դա իրենց չի հետաքրքրում, դրա համար պատասխանատու չեն: Գոնե շենքում տարրական մաքրություն ապահովեն, մեր շենքն ամբողջությամբ կորած է կեղտի մեջ: Գոնե նորմալ զուգարան լիներ»,- երեկ «Առավոտի» հետ զրույցում նման դժգոհություն հայտնեցին Երեւանի Սարյան փողոցում գտնվող «Հայփոստի» գլխավոր մասնաշենքում տաղավարներ վարձակալած աշխատակիցները, որոնք հիմնականում բջջային հեռախոսներ են վաճառում: Նրանց խոսքերով, ղեկավարությանը հետաքրքրում է միայն տեղի վարձը գանձելը. ...

Երեկվանից Ճանապարհային ոստիկանության եւ տրանսպորտի եւ կապի նախարարության տրանսպորտային տեսչության աշխատակիցները մայրաքաղաքի փողոցներում ուշադիր հսկում են, որ հայտնաբերեն բոլոր այն տաքսիները, որոնք աշխատում են առանց դեղին պետհամարանիշների, այսինքն՝ առանց լիցենզավորման:

Ոստիկաններն ու տեսչության աշխատակիցները պետք է «աչքները չորս արած» զննեն երթեւեկող բոլոր տաքսիներին, եւ եթե նրանցից որեւէ մեկը հնամաշ տեսք ունենա՝ անմիջապես կանգնեցնեն ու ստուգեն տվյալ մեքենայի փաստաթղթերը՝ պարզելու, թե մեքենան քանի տարվա հնություն ունի: Եթե պարզվի, որ որպես տաքսի ծառայող ավտոմեքենայի տարիքը 10 տարուց ավելի է, ապա բացի այն, որ նրա գործունեությունը դադարեցվելու է, վարորդին պարտադրվելու է, որ նա ներկայանա նախարարություն եւ հաշվառվի: Այս մասին ...

Հայացք՝ Արաքսի այն ափից

Ազգային գործողության կուսակցությունից Թուրքիայի խորհրդարանի պատգամավոր Մեհթաթ Մելենը կողմ է հայ-թուրքական սահմանի բացմանը՝ մնացած բոլոր երկկողմ կնճիռները հարթելու պարագայում. «Չես կարող Հայաստանի կամ Կովկասի որեւէ այլ պետության հետ քննարկել միայն մեկ հարց՝ սահմանները: Պետք է ամեն բան քննարկես՝ սփյուռքի պահվածքը Միացյալ Նահանգներում եւ սահմանների բացումն, իհարկե, որովհետեւ մենք որոշ առեւտուր անում ենք, բայց չես կարող առանձին քննարկել՝ առանց քննարկելու Ղարաբաղի հարցը: Չես կարող խոստանալ որեւէ մեկին, ԱՄՆ-ին, որ սահմանը վաղը բացվելու է: Որովհետեւ դու պետք է ամբողջական ծրագիր ունենաս, որը քննարկվում է, թե չէ՝ չգիտեմ»:

Չնայած, որ Հայաստանում ավելի շատ հակված են Թուրքիայի հետ հարաբերությունների «փուլ առ ...

Ցուցմունքում «գյումրեցու լեզվով» բառ չի եղել

Շիրակի մարզի ընդհանուր իրավասության դատարանում՝ դատավոր Էդուարդ Մանուկյանի նախագահությամբ, մարտի 3-ին լսվեց մասնագիտությամբ շինարար Դավիթ Գալստյանի դեմ հարուցված քրգործը: Վերջինս մեղադրվում է ապօրինի ձեռնարկատիրությամբ զբաղվելու, 7 միլիոն 519 հազար 900 դրամի չափով հարկային պարտավորություններից խուսափելու մեջ: Գործով վկա Հարկային պետական ծառայության 5 օպերլիազորները, Դավիթ Գալստյանի գործունեությունը «կլասիկ» ապօրինություն որակելով, տեղեկացրին, որ նրա արտադրամասը հինգ տարբեր հասցեներում փնտրելուց հետո, վերջապես հայտնաբերել են Օհանյան 326 հասցեում՝ ձեռնարկատիրոջ սրբատաշ, երկհարկանի շքեղ առանձնատան բակում: Եվ մինչ վկաները ոգեւորված մանրամասնորեն պատմում էին, թե ինչպես հայտնաբերեցին 7 ինքնաշեն սարքավորումներ, 2 տեսակի սպիտակ մոմեր, արտադրամասի ...

ՀՀ նախագահ Սերժ Սարգսյանին, վարչապետ Տիգրան Սարգսյանին, Մարդու իրավունքների պաշտպան Արմեն Հարությունյանին է դիմել 2 տարի առաջ՝ մայիսի 12-ին ՀՀ ոստիկանության վարչական շենքից ցած նետված Լեւոն Գուլյանի հայրը՝ Աշոտ Գուլյանը: «Երկու տարի առաջ ոստիկանության մի շարք աշխատակիցների անօրինական, կամայական եւ հանցավոր գործողությունների հետեւանքով իմ որդին՝ Լեւոն Գուլյանը զրկվեց կյանքից:

Մեր ընտանիքի համար այս երկարատեւ ու տառապալից ամիսների սպասումները, ըստ էության, որեւէ արդյունք չեն տվել: Քրեական գործում որեւէ տեղաշարժ չի արձանագրվել՝ նույնիսկ այն բանից հետո, երբ 2008 թ. հունիս եւ հուլիս ամիսներին դատական երկու ատյաններ, վերացնելով քրեական գործը կարճելու մասին որոշումը, հաստատեցին, որ գործի նախաքննությունը չի եղել բազմակողմանի, լրիվ եւ օբյեկտիվ, ոստիկանության աշխատակիցների գործողություններին չի տրվել ...

Ալավերդցի կանանց գեղեկցության գաղտնիքը

Ալավերդցի 24-ամյա վարսահարդար Տիգրան Հախինյանն արդեն 5 տարի ամեն օր սպասարկում է քաղաքի բազմաթիվ կանանց: «Տիգրանը հրաշալի վարսահարդար է, ճաշակով, բարեհամբույր, մի խոսքով՝ ունի այն ամենը, ինչ պետք է երիտասարդ վարսահարդարին, որպեսզի հաճախորդը հաճելի տպավորություններով հեռանա: Սանրվածքից էլ եմ շատ գոհ լինում, մեր քաղաքի կանանց պահանջներին համապատասխանում է, ես գոհ եմ, իր աշխատանքը իմ պահանջներին էլ է բավարարում: Միշտ բարձր տրամադրությամբ եմ նրա մոտից դուրս գալիս»,- վարսահարդարին այսպես բնութագրեց ալավերդցի Անահիտ Իշխանյանը: Տիգրանի հաճախորդների ցանկը ընդգրկում է սոցիալական տարբեր խավերի կանանց: Սակայն նրա համար հաճախորդը ընկալվում է ոչ իր վճարունակությամբ կամ դիրքով: «Ես գտնում եմ, որ տգեղ կին ...

Երեկ Ստամբուլում բացվել է Միացյալ ազգերի կազմակերպության հովանու ներքո անցկացվող «Քաղաքակրթությունների դաշինք» 2-րդ ֆորումը: Հայաստանը պաշտոնապես չի միացել դաշինքին, սակայն արտգործնախարար Էդվարդ Նալբանդյանը հրավիրվել է մասնակցելու այս միջոցառմանը: Համաժողովին մասնակցում է նաեւ ԱՄՆ նախագահ Բարաք Օբաման, որը երեկ գիշեր Պրահայից ուղեւորվեց Թուրքիա: Թուրքական լրատվամիջոցները նշում են, որ թուրք-ամերիկյան բանակցությունների հիմնական հարցերից մեկը լինելու է Հայաստանին վերաբերող խնդիրը: Ավելի վաղ Թուրքիայի վարչապետ Ռեջեփ Էրդողանը ասել էր, թե Բարաք Օբամայի հետ կայանալիք հանդիպմանը, ի թիվս այլ հարցերի, քննարկվելու են նաեւ Հայաստանին ու Lեռնային Ղարաբաղի հակամարտությանն առնչվող խնդիրներ: Թուրքիա մեկնելուց առաջ, Պրահայում Եվրամիություն-ԱՄՆ ...

Էմիրաթներում չեչեն հայտնի հրամանատար Սուլիմ Յամադաեւի սպանության պատվիրատուն հայտնի քաղաքական գործիչ, Պետդումայի պատգամավոր Ադամ Դելիմխանովն է: Ըստ «Գազետա» թերթի, այդպիսի հայտարարություն է արել կիրակի օրը Դուբայի ոստիկանության պետ Դահի Հալֆան Թամիմը: Նա հայտնել է նաեւ, որ գործով արդեն կա 2 ձերբակալված, որից մեկը Իրանի քաղաքացի է: Ձերբակալվածներից մեկը ցուցմունք է տվել, որ մարտի 28-ին իրեն ատրճանակ է փոխանցել Դելիմխանովի թիկնապահներից մեկը: Հենց այդ ատրճանակից էլ սպանվել է Յամադաեւը: Թամիմը հատուկ նշել է, որ կասկածյալը Չեչնիայի նախագահ Ռամզան Կադիրովի մոտիկ ընկերն է եւ բարեկամը: Ըստ ոստիկանապետի, եւս 4 կասկածյալներ հասցրել են փախուստի դիմել եւ, ըստ որոշ ենթադրությունների, այժմ գտնվում են Ռուսաստանում: Նրանք բոլորը, ինչպես եւ Դելիմխանովը, Ինտերպոլով հետախուզման մեջ են հայտարարվելու: Սակայն ...

Անցած 3 օրվա ընթացքում ԱՄՆ-ում տեղի է ունեցել զանգվածային սպանությունների 3 դեպք, հաղորդում է «Վրեմյա նովոստեյ» թերթը: Ապրիլի 4-ին 23-ամյա տղամարդը բարիկադներով պատնեշել է իր տունը եւ, զինված դիմադրություն ցույց տալով, սպանել է 3 ոստիկանի, որից հետո ձերբակալվել է: Նույն օրը Վաշինգտոն նահանգում աշխատանքը կորցրած 35-ամյա հայրը սպանել է իր 5 երեխաներին՝ 7-16 տարեկան, եւ հայտնաբերվել է մահացած: Բայց ամենացնցող սպանությունը տեղի է ունեցել ուրբաթ օրը, երբ 42-ամյա ԱՄՆ քաղաքացի Ջիվերլի Վոնգը ներխուժել է Ամերիկյան քաղաքացիական ասոցիացիայի շենք՝ այն ժամանակ, երբ այնտեղ քննություն էր ընթանում ամերիկյան քաղաքացիություն ստանալու համար: Վոնգը պատանդ է վերցրել, սպանել 14 հոգու, վիրավորել է 26-ին, որից հետո ինքնասպանություն է գործել:

Օգոստոսյան պատերազմից հետո անվտանգության հին եւ նոր կազմակերպությունների, երկկողմանի նոր հարաբերությունների հաստատման եւ Հայաստանի ու Ադրբեջանի վրա այդ ամենի ազդեցության մասին են հայ եւ ադրբեջանցի մասնագետների հետ մեր հերթական զրույցները:

Բոլոր նյութերը պատրաստվում են «Ռեգիոն» հետազոտական կենտրոնի եւ Բաքվում Խաղաղության եւ ժողովրդավարության ինստիտուտի համատեղ ծրագրով, որին աջակցում է «Հաշտեցման ռեսուրսներ» (Conciliation Resourses) միջազգային կազմակերպությունը:

Թուրքիայի համար հարաբերությունների նորմալացումն այնքան էլ անհրաժեշտ եւ շտապ գործ չէ

Հարցազրույց Ռազմավարական վերլուծության «Spectrum» կենտրոնի վերլուծաբան, պահեստի փոխգնդապետ Սերգեյ Սարգսյանի հետ

- Որքանո՞վ է իրատեսական ...

Հարցազրույց պատմական գիտությունների դոկտոր, Ադրբեջանի ԳԱ փիլիսոփայության եւ իրավունքի ինստիտուտի աշխատակից Ալի Աբասովի հետ

- Որքանո՞վ է իրատեսական Թուրքիայի առաջարկած «Անվտանգության կովկասյան պլատֆորմի» իրագործումը:

- «Անվտանգության կովկասյան պլատֆորմի», ինչպես Հարավային Կովկասում հակամարտությունների կարգավորման ցանկացած այլ մոդելի իրականացումը հնարավոր է միայն այն բանից հետո, երբ ողջ տարածաշրջանը, այն կազմող բոլոր երեք հանրապետությունները կմտնեն անվտանգության միասնական համակարգի՝ ՆԱՏՕ-ի կամ ՀԱՊԿ-ի մեջ: Ավելի պարզ ասած՝ տարածաշրջանը պետք է դառնա միայն մեկ կողմի շահերի ոլորտ, ինչպես, օրինակ, ԽՍՀՄ-ի ժամանակ էր, որը միայնակ իշխում էր այդ տարածքում: Քանի որ մոտ ապագայում նման իրավիճակի առաջացման հավանականությունը ...

Երեւանի ավագանու ընտրությունների նախընտրական շրջանի պաշտոնական մեկնարկը կտրվի մոտ մեկ ամիս հետո, բայց ընտրարշավի հիմնական մասնակիցների համար այն վաղուց արդեն կարծես տրված է: Եվ պատահական չէ, որ, վերլուծաբանների կանխատեսմամբ, երեւանյան ընտրությունները հարուստ են լինելու նոր քաղաքական տեխնոլոգիական հնարքներով եւ մեզանում դեռեւս «չտեսնված» PR «գլուխգործոցներով»: Ասվածի վառ վկայությունն է օրերս Դավիթաշեն համայնքում ընտրապայքարի մասնակիցներից մեկի կողմից ակտիվորեն կիրառվող նախընտրական մարտավարությունը: Ըստ մեր խմբագրությանը դիմած համայնքի որոշ բնակիչների, այս օրերին իրենց բնակարան են այցելում «ագիտատորների» խմբեր, որոնք բառացիորեն հայտարարում են, որ «իրենք քարոզում են ԲՀԿ-ի օգտին եւ աշխատում են Գեւորգյանի համար»: Տեխնոլոգիական «նոու հաուն» այստեղ կայանում է նրանում, որ չի ...

Պաշտոնյաների կանայք հիմնականում «ռուլետկա» են խաղում

Արտասահմանյան շրջագայությունների ժամանակ, երբ արտերկրում գտնվելը սոսկ առեւտրի նպատակ չի հետապնդում, հայուհիները բաց չեն թողնում նաեւ տվյալ երկրի ժամանցի վայրերում, այդ թվում եւ՝ խաղատներում գոնե մեկ անգամ լինելու հնարավորությունը:

Որ ժամանակակից հայ կինն արդեն կոտրել է կարծրատիպը՝ թե խաղատունն ու կինը անհամատեղելի հասկացություններ են, վկայում են խաղատներում աշխատող տղամարդիկ:

Տղամարդը, ում հետ զրուցեցինք ազարտային կանանց թեմայով, Երեւան-Էջմիածին մայրուղու Արգավանդ գյուղի մատույցներում գտնվող խաղատներից մեկի պատասխանատու աշխատողներից է եւ համաձայնեց մեզ հետ զրուցել` չբացահայտվելու պայմանով: 10 տարի աշխատում է այդ ոլորտում, բայց խաղատներ հաճախող կանանց աճ ...

Հերթական համահայկական մրցանակաբաշխությունը՝ Կրեմլում

Ապրիլի 4-ին դարձյալ Մոսկվայի Կրեմլյան պալատում կայացավ «Տաշիր-2009» երաժշտական մրցանակաբաշխությունը, որը ժամեր շարունակ Հանրային հեռուստատեսության ուղիղ եթերում էր, եւ, ինչպես տաշիրցիներն էին նշում, այն դիտում էր 137 երկիր: Թե ինչու էր 137 երկրի հայերի համար միջոցառումը վերջին ժամերին անցկացվում միայն ռուսերեն, դա այլ թեմա է: Ներկայացվեց նաեւ ՀՀ Սփյուռքի նախարար Հրանուշ Հակոբյանի ուղերձի տեսագրությունը, որտեղ նա ասում էր, թե փառատոնը հայ-ռուսական բարեկամության յուրօրինակ հաշվետվություն է:

Ինչպես նախորդ տարիներին, այս անգամ էլ «Տաշիրը» «խոպանի» հրաշալի առիթ հանդիսացավ շոու-բիզնեսի այն ներկայացուցիչների համար, որոնց միջոցառման կազմակերպիչ «Արարատ պրոդաքշընը» համարում է յուրային:

«Տաշիր-2009»-ն էլ ...

Արտագնա աշխատանքի արդյունքը՝ ՁԻԱՀ

«Ինչքան ինձ հիշում եմ, միշտ ստիպված եմ եղել ինչ-որ դժվարություններ հաղթահարել ու կյանքս նորովի վերսկսել»,- պատմում է 29-ամյա Սեդան (հերոսուհու անունը փոխված է): Ճակատագիրը հենց սկզբից էլ բարեհաճ չէր գտնվել Սեդայի հանդեպ. չորս տարեկան էր, երբ մայրը մահացավ, իսկ երեք տարի անց անսպասելի կաթվածից մահացավ նաեւ հայրը: Ինքը, քույրն ու երկու եղբայրները մնացին միայնակ: «Եղբայրներս աշխատում էին, քույրս մի կերպ տան գործերն էր հասցնում, իսկ ես դպրոցական էի ու դպրոցից վերադառնալիս փորձում էի գոնե ինչ-որ ձեւով օգնել քույրիկիս»: Տան հոգսն ու ծախսերը շատ էին, մի կերպ էին կարողանում ծայրը ծայրին հասցնել ու բնական էր, որ այդ կենցաղային կարիքները ուսմանը ժամանակ չէին թողնում. «Մինչեւ վերջ դպրոց չգնացի. բավարարվեցի 8-ամյա կրթությամբ: Չնայած փոքր էի, բայց ձեռքից՝ բավական շնորհքով, ...

Հոգեբանները խորհուրդ են տալիս քնել ու երազել

«Գարնանը կանայք դառնում են ավելի հուզական եւ խոցելի»,- ասում է հոգեբան Կարինե Նալչաջյանը: Ըստ հոգեբան Սամվել Խուդոյանի էլ՝ «տղամարդիկ էլ դառնում են ավելի ագրեսիվ»:

Երեկ «Հայելի» ակումբում հոգեբանները խոսեցին գարնանային դեպրեսիաների, կանանց մոտ սթրեսի առաջացման եւ դրանց դեմ պայքարի մասին:

Ս. Խուդոյանի ձեւակերպմամբ, «Գարունը այդպես կտրուկ սթրեսային գոտի չի կարելի դիտել: Գարնանը նաեւ դրական էմոցիաներն են շատ: Դա խիստ անհատական է: Սթրեսները՝ կապված երկրի ֆիզիկական վիճակի փոփոխության, արեւի, ճառագայթման, օդի ճնշման հետ՝ ազդում են կենսաբանական ռիթմերի ոլորտի վրա: Դրանք կարող են առաջ բերել ինչպես էյֆորիկ, այնպես էլ դեպրեսիվ վիճակներ: Կան աֆեկտիվ սեզոնային խանգարումներ, օրինակ՝ մանյակալ դեպրեսիվ պսիխոզը, որը հենց գարնանն ու աշնանն է ի ...