Ապրիլի 22-ին Կոտայքի մարզի ընդհանուր իրավասության 1-ին ատյանի դատարանում, դատավոր Հրայր Սարգսյանի նախագահությամբ, կշարունակվի «Յոթի» գործով անցնող քաղկալանավոր, ՀՀ ԱԺ պատգամավոր Սասուն Միքայելյանի դատավարությունը: Հիշեցնենք, որ պատգամավորի գործը «Յոթի» գործից առանձնացվեց ապրիլի 1-ին, ՀՀ Կենտրոն եւ Նորք-Մարաշ համայնքների 1-ին ատյանի դատավոր Մնացական Մարտիրոսյանի որոշմամբ՝ այն բանից հետո, երբ ՀՀ Քրեական օրենսգրքի 225 եւ 300 հոդվածների փոփոխությամբ պայմանավորված՝ մեղադրող կողմը վերանայեց «Յոթին» առաջադրված մեղադրանքները եւ նոր մեղադրանքներ առաջադրեց: Պատգամավորը մեղադրվում է «զանգվածային անկարգություններ» կազմակերպելու եւ «ապօրինի զենք-զինամթերք պահելու» մեջ:

Իշխանական ճամբարից հնչող ինքնավստահությունը այդպես է գնահատում ՀԱԿ անդամ Սամվել Գեւորգյանը՝ հավաստիացնելով, որ ընդդիմությունը տեր կկանգնի իրեն տրված ձայներին:

«Եթե այս իշխանությունը բարոյականություն ունենար՝ հաշվի առնելով Հայաստանի ներքին իրավիճակը եւ դրան գումարած՝ ներկայիս արտաքին մարտահրավերները, արդեն պետք է հրաժարական տար: Բայց իրենք ոչ թե վստահ են, այլ վախեցած են: Արջը վախից է գոռում»,- «Առավոտի» դիտարկմանը՝ իշխանական ճամբարից բավական ինքնավստահ հայտարարություններ են հնչում առաջիկա ընտրություններում էլ հաղթանակած դուրս գալու մասին, դրանք ձեզ չե՞ն կաշկանդում, այսպես պատասխանեց ՀԱԿ անդամ Սամվել Գեւորգյանը: Վախեցած լինելու ամենավառ դրսեւորումը պարոն Գեւորգյանը համարում է Հյուսիսային պողոտայում քաղաքական ...

Սերժ Սարգսյանի ութ խորհրդականներից առնվազն չորսը խորհուրդներ են տալիս տնտեսության վերաբերյալ

Ի՞նչ գործառույթներ եւ աշխատանքային ծանրաբեռնվածություն ունեն նախագահի խորհրդականները: Համաձա՞յն են արդյոք այն տեսակետին, թե խորհրդականի պաշտոնը յուրօրինակ «պատվավոր աքսոր» է, բարոյական փոխհատուցում՝ աշխատանքից ազատված պաշտոնյաների համար: Այս հարցերն էինք երեկ ուղղում նախագահի խորհրդականներին: Բոլոր 8-ի հետ զրուցել չհաջողվեց՝ տնտեսական հարցերով գլխավոր խորհրդական Վահրամ Ներսիսյանցը եւ ՀՀ նախագահի գլխավոր ռազմական տեսուչ Միքայել Հարությունյանը հանրապետությունում չէին: Ի դեպ, վերջինիս աշխատասենյակը ոչ թե նախագահի նստավայրում է, այլ Գլխավոր շտաբի հարեւանությամբ՝ «Մոնումենտի» մոտ: Իսկ նախագահի նորանշանակ խորհրդականներ Մանուկ Վարդանյանն ու Յուրի Վարդանյանը աշխատասենյակներ չունեն, ու ...

«7»-ի գործում մեղադրող կողմի վարկածը «հաստատող» վկա Սամվել Գասպարյանը պնդում է, որ մարտի 1-ին Մյասնիկյանի արձանի մոտ ելույթ է ունեցել նաեւ Լեւոն Տեր-Պետրոսյանը:

Երեկ Շենգավիթ համայնքի 1-ին ատյանի դատարանի շենքում շարունակվեց «Յոթի» գործով անցնող Ալեքսանդր Արզումանյանի եւ Սուրեն Սիրունյանի դատաքննությունը, որն ի հայտ բերեց սույն գործով մեղադրանք առաջադրողների եւ այն պաշտպանողների ապացույցների ողջ «հզորությունը»: Հիշյալ գործով դատակոչված 15 վկաներից երեկ հարցաքննվեցին երեքը: Առաջին երկուսի՝ Պահպանողական կուսակցության անդամ Զավեն Վարդանյանի ու 2008թ. նախագահական ընտրությունների ժամանակ ՀՀ նախագահի թեկնածու Լեւոն Տեր-Պետրոսյանի նախընտրական շտաբի քարոզչության պատասխանատու Տիգրան Հակոբյանի ցուցմունքները առանձին հետաքրքրություն չէին ներկայացնում, որովհետեւ նրանք երկուսն էլ, ի ...

«Վրաստանում ներքաղաքական իրավիճակը գնալով ավելի է սրվելու»,- երեկ «Ա1+»-ին ասաց «Նոր ժամանակներ» կուսակցության նախագահ Արամ Կարապետյանը: Իսկ  իրավիճակը ինչո՞վ կավարտվի, պարոն Կարապետյանը չշտապեց կանխատեսել՝ բացատրելով, որ ամեն ինչ կախված է, թե այս օրերի ընթացքում ինչ կորոշի ԱՄՆ-ն. «Այսօր Մըքքեյն է Վրաստանում, վաղն այնտեղ կայցելի  Մեթյու Բրայզան, իսկ Վրաստանի ԱԳ նախարարն էլ ԱՄՆ-ում է, ԱՄՆ-ն մեծ ազդեցություն ունի Վրաստանում: Ինչպիսին կլինի ԱՄՆ կառավարության վերաբերմունքը, դրանից շատ բան կախված կլինի»:

Արամ Կարապետյանը գտնում է, որ ԱՄՆ-ն կաջակցի Վրաստանին, իսկ կոնկրետ Սահակաշվիլուն՝ դժվարացավ ասել. «Երեկ ԱՄՆ-ն 242 միլիոն դոլարի ֆինանսական աջակցություն է հատկացրել Վրաստանին: Դրանից առաջ 186 միլիոն դոլարի օգնություն էր տրամադրել Արժույթի միջազգային հիմնադրամը: ԱՄՆ-ն փորձում է ...

Այս պահին վերջնականապես հայտնի չէ՝ արդյոք Թուրքիայի արտգործնախարար Ալի Բաբաջանը կմասնակցի՞ Երեւանում կայանալիք Սեւծովյան տնտեսական համագործակցության կազմակերպության (ՍԾՏՀ) անդամ երկրների արտաքին գործերի նախարարների խորհրդի նիստին, սակայն հավանականությունը մեծ է։ Այդ մասին երեկ «Ազատություն» ռադիոկայանին փոխանցեցին դիվանագիտական աղբյուրներից։ Ավելի վաղ նշվում էր, որ Ալի Բաբաջանի այցելությունը Երեւան կարող է չկայանալ՝ քանի որ Թուրքիայի արտգործնախարարը հրավիրվել է նաեւ մասնակցելու ուրբաթ օրը Ճապոնիայում կայանալիք միջազգային խորհրդաժողովին։

Մի շարք հեղինակավոր լրատվամիջոցներ, այդ թվում՝ Wall Street Journal-ը, նշել են, որ Թուրքիայի արտգործնախարարի այցը Հայաստան, այնուամենայնիվ, կկայանա, եւ այցի ընթացքում փաստաթուղթ կստորագրվի Հայաստանի եւ Թուրքիայի միջեւ դիվանագիտական հարաբերություններ ...

Ըստ Հայաստանի հեռուստատեսության եւ ռադիոյի խորհրդի անդամ Ստեփան Զաքարյանի՝ այսպես է պատմության մեջ առաջին անգամ:

- Սերժ Սարգսյանի հայտնի ուղերձից հետո, որում նախագահը խոսեց Իրան-Հայաստան երկաթուղու կառուցան ծրագրի մասին, դուք մեր թերթում հայտարարեցիք, որ եթե նախագահը այդ ծրագիրը կարողանա իրականություն դարձնել՝ կմնա պատմության մեջ, մնո՞ւմ եք այդ կարծիքին:

- Այո, ես մնում եմ նույն կարծիքին եւ շատ ուրախ եմ, որ այս համաշխարհային ճգնաժամի պայմաններում անգամ մեր երկրի իշխանությունը մնում է այսքան հետեւողական, մանավանդ՝ այդ երկաթգծի անհրաժեշտությունն այսօր ավելի կարեւոր է, քան երբեւէ: Թուրքիայի կողմից պայմանների առաջադրումը սահմանը բացելու դիմաց այդ է վկայում, եւ նույնիսկ եթե նախագահի լավատեսությունը արդարանա եւ Թուրքիան բացի ...

Գյումրեցի շինարարները կտրականապես հրաժարվում են այս կազմակերպության հետ աշխատել

Երեկ Գյումրիի ամենախուլ թաղամասում՝ Մուշ- 2-ում, պաշտոնապես մեկնարկեց բնակարանաշինության սկիզբը, լցվեց առաջին բետոնը, ընդ որում՝ ոչ թե դհոլ-զուռնայի նվագակցությամբ, ինչպես սովորաբար անում են, այլ՝ քաղաքապետ Վարդան Ղուկասյանի աղոթքի ներքո: Այս տարի նախատեսված է կառուցել 1320 բնակարան: Սակայն մինչ արարողության թատերական մասի սկսվելը, շինհրապարակում հավաքված գյումրեցի շինարարները, լրագրողներին տեսնելուն պես, սկսեցին բողոքել «Գլենդել Հիլզի» առաջարկած «անմարդկային պայմաններից ու խտրական վերաբերմունքից»:

«Եթե էս քաղաքը չկառուցվի, միանշանակ իմացեք, որ դա «Գլենդել Հիլզի» ղեկավարների ամբիցիաների պատճառով է: Չգիտես ով է էս մարդկանց ...

Մայրաքաղաքում տաքսիները կոնկրետ կայանատեղիներ չունեն, այդ պատճառով էլ դրանք կանգնում են փողոցներում՝ շատ հաճախ խոչընդոտ հանդիսանալով հասարակական տրանսպորտի համար:

Երեկ քաղաքապետարանում տեղի ունեցած աշխատանքային խորհրդակցության ժամանակ Երեւանի քաղաքապետ Գագիկ Բեգլարյանը քննարկել է մայրաքաղաքում տաքսիների կայանատեղիներ հիմնելու հարցը: Այս մասին երեկ ճեպազրույցում լրագրողներին հայտնել է փոխքաղաքապետ Կամո Արեյանը: Գ. Բեգլարյանի խոսքերով, խնդրի առնչությամբ տաքսիստները դիմել են իրեն. «Տաքսու վարորդները փողոցում մոտենում են ինձ եւ շատ պարզ հարց են բարձրացնում, մենք իրավունք ունե՞նք կայանելու տեղ ունենալ, թե՞ ոչ: Այդ մարդիկ իրենց մեքենաները կանգնեցնելու տեղ չունեն։ Օրինական թույլտվություն չունենալու պատճառով՝ ստիպված կանգնում են ...

«Առավոտին» դիմած ուսանողը պատրաստ է հանուն իր դասախոսի հրաժարվել ուսումից

Օրերս «Առավոտը» նամակ էր ստացել ԵՊՀ Իջեւանի մասնաճյուղի մի ուսանողից, եւ քանի որ նամակը պարունակում էր որոշ պնդում-մեղադրանքներ, «Առավոտը» փորձեց տեղում՝ Իջեւանում, պարզել նամակում բերված փաստերի իսկությունը:

Մեջբերենք նամակից. «ԵՊՀ Իջեւանի մասնաճյուղում, ուր սովորում եմ, ձերբակալվեց հեռակա ուսուցման բաժնի վարիչ, հայոց լեզվի դասախոս Ֆելմիրա Դավթյանը: Ես ականատեսն ու ունկնդիրն էի կատարվածի, ուստի չեմ կարող լռել, խիղճս տանջում է: Գիտեմ՝ ինչ հալածանքներ կլինեն, բայց ես Ֆ. Դավթյանից արդարության եւ կերած կաթը չպղծելու դասեր եմ ստացել եւ չեմ կարող լռել:

Բուֆետից էի դուրս եկել եւ անցնում էի Դավթյանի լուսամուտի տակով (այն կիսաբաց էր), ...

Չնչին վարձատրության պատճառով՝ բուժքույրերը ոչ միշտ են լինում դպրոցում

ՀՀ առողջապահության նախարարի 28.11.2008թ. N1746-Ա հրամանի համաձայն՝ հաստատվել են կրթական հաստատությունների բուժօգնության կազմակերպման չափորոշիչներ: Կրթօջախների բուժօգության կազմակերպման գործընթացի մեջ է մտնում նաեւ հանրակրթական դպրոցներում բուժկետերի գործունեությունը, բուժքրոջ աշխատանքը: Այդ փաստաթուղթը մեզ տրամադրեց ՀՀ ԱՆ մոր եւ մանկան առողջության պահպանման բաժնի պետ Կարինե Սարիբեկյանը: Ըստ ամրագրված չափորոշիչների՝ տարածքային ամբուլատոր-պոլիկլինիկական բուժհաստատությունն իր սպասարկման տարածքում գտնվող դպրոցներին ապահովում է առաջին բուժօգնության դեղորայքով եւ պարագաներով: Տարածքային պոլիկլինիկան առանձնացնում է հատուկ պատասխանատու բժիշկ՝ դպրոց-նախադպրոցական ...

Հետո՞ ինչ, որ 60 տարեկան եմ

Այս հարափոփոխ ու խայտաբղետ աշխարհում ոչ ոք ոչ մեկին եւ ոչնչով չի կարող զարմացնել, առավել եւս՝ գրականությամբ: Դոն Քիշոտ եւ Սանչո Պանսա տեսած մարդկանց գրավելու համար տաղանդն ու երեւակայությունը քիչ են: Թե ի՞նչ է պետք՝ չգիտեմ, բայց ուզում եմ իմանալ:

60 տարին ապրելու համար շատ է, բայց ամենահասարակ բաները հասկանալու համար՝ քիչ: Ամբողջ կյանքում փորձեցի ըմբռնել «հայ» կոչվող հանելուկը. ո՞վ է նա, ինչո՞ւ ենք փշաքաղվում մեր ազգությունը հիշելիս, ինչո՞ւ է մեր զայրույթն ատելության վերածվում, երբ մեկը մեզ ասում է. «Դու հա՛յ չես» եւ ինչո՞ւ է մեկը խոցվում, երբ նրան ասում են. «Դու հա՛յ ես»: Տարօրինակ է, չէ՞, նույն հատկանիշը մարդու մի տեսակին մեծարում է, մյուսին՝ ստորացնում: Մարդկային այդ երկու տեսակի արանքում ...

Երազում է երիտասարդ դերասանուհի Անահիտ Մութաֆյանը

Ինչպես տեղեկացրել էինք, «Արմմոնո 2009» փառատոնի առաջին փուլը կայացավ Երեւանում, ապրիլի 8-12-ին: Ապրիլի 14-ին Կապանում մեկնարկեց եւ ապրիլի 17-ին կավարտվի երկրորդ փուլը: Երեւանյան փուլում ցուցադրվեց 14 ներկայացում, Կապանում ծրագրված է 11-ը: Փառատոնին իրենց մասնակցությունն են բերել դերասաններ ԱՄՆ-ից, Մեծ Բրիտանիայից, Լեհաստանից, Ռուսաստանից, Կամերունից, Գերմանիայից, Ուկրաինայից:

Արդյոք անհրաժե՞շտ էր նորից վերադառնալ մենաներկայացումների փառատոնի գաղափարին: Այս հարցի պատասխանը ստանալու համար պետք չէր սոցիոլոգիական հետազոտություններ անել կամ հարցախույզ անցկացնել մասնագետների ու հանդիսատեսի շրջանում: Բավական էր անցած օրերին հետեւել «Արմմոնո 2009»-ի ներկայացումներին եւ դրանց ...

Երեկ ԵՊՀ-ի մշակույթի կենտրոնի եւ ռուս բանասիրության ֆակուլտետի նախաձեռնությամբ նշվեց «Ռուսկի միր» հիմնադրամի հովանու ներքո գործող ռուսական կենտրոնի գործունեության 1-ամյակը, որին ներկա էին «Ռուսկի միր» հիմնադրամի գործադիր տնօրեն Վյաչեսլավ Նիկոնովը, Ռուսաստանի վաստակավոր արտիստուհի, կինոռեժիսոր Նատալյա Բոնդարչուկը, Հայաստանում Ռուսաստանի եւ Բելառուսի դիվանագիտական կորպուսի ներկայացուցիչներ եւ այլ պաշտոնատար անձինք:

ԵՊՀ-ում գործող ռուսական կենտրոնի տնօրեն Արուսյակ Ներսիսյանը նշեց. «Կենտրոնի գործունեությունն ուղղված է Հայաստանում ռուսաց լեզվի եւ ռուսական մշակույթի տարածմանն ու զարգացմանը: Պարբերաբար կենտրոնում կազմակերպվում են ստեղծագործական հանդիպումներ, դասախոսություններ, սեմինարներ, կինոդիտումներ»:

«Ռուսկի միր» հիմնադրամի տնօրեն Վ. Նիկոնովը, գնահատելով ...

Երեկ Կաբարդինո-Բալկարիայի մայրաքաղաք Նալչիկում մեկնարկեց ՖԻԴԵ-ի «Grand Pris» մրցաշարի չորրորդ փուլը

Առաջին ինքնագրերը՝ Նալչիկում:

«Երաժշտության թատրոնում» կազմակերպված բացման հանդիսավոր արարողության ժամանակ մարզաձեւի միջազգային ֆեդերացիայի նախագահ Կիրսան Իլյումժինովը, բարձր գնահատելով կազմակերպիչների՝ մրցաշարը բարձր մակարդակով անցկացնելու ուղղությամբ գործադրած ջանքերը, հատուկ ընդգծել է, որ Նալչիկի այս մրցաշարը մասնակիցների միջազգային վարկանիշային ցուցանիշների վերջին տվյալներով գերազանցում է մինչեւ այժմ անցկացված չորս նախորդներին: Նա, մասնավորապես, նշել է, որ «Grand Pris»-ի վերջին՝ Էլիստայի պայքարում, որտեղ նույնպես հանդես էր գալիս ներկայիս շախմատային վերնախավը, մասնակիցների միջին ...

Կամ էլ, որ ավելի ճիշտ է, իրենց չհասկացողի տեղ են դնում

Մի քանի օր առաջ Հայաստանի ազգային օլիմպիական կոմիտեի նախագահ, ԱԺ պատգամավոր, «Բարգավաճ Հայաստան» կուսակցության առաջնորդ Գագիկ Ծառուկյանի գլխավորությամբ պատվիրակություն էր մեկնել Ստեփանակերտ:

Պաշտոնական այդ այցի ընթացքում, այլեւայլ հարցերից բացի, ԼՂՀ-ի մայրաքաղաքում նոր մարզադպրոց կառուցելու պայմանավորվածություն է ձեռք բերվել, որին, ըստ ամենայնի, ՀԱՕԿ-ի նախագահը անձնական մասնակցության պատրաստակամություն է հայտնել: «Regnum» գործակալությունը տեղեկացնում է, որ պարոն Ծառուկյանը հայտարարել է. «Այդ մարզադպրոցը մարզիկների պատրաստման դարբնոց կդառնա, որտեղից հնարավոր կլինի օլիմպիական խաղերի մասնակիցներ ընտրել»: Նա նաեւ վստահեցրել է, որ Հայաստանի մարզական ...

Նոր մրցաշրջանի երեք հանդիպումներում կրած պարտությունների պատճառով ֆուտբոլի ՀՀ բարձրագույն խմբի առաջնության մասնակից Կապանի «Գանձասար» թիմի գլխավոր մարզիչ Սամվել Պետրոսյանն ազատվել է աշխատանքից: Շրջանառվող տեղեկությունների համաձայն՝ մասնագետի հետ թիմից հեռացել են նաեւ նրա որդին՝ Ալեքսանդր Պետրոսյանը, ազգային հավաքականի նախկին խաղացող Ռոմիկ Խաչատրյանը եւ երկու սերբ լեգեոներականներ: Նախկին գլխավոր մարզչին փոխարինելու է նրա օգնական Ավետիք Սարգսյանը: Ակումբն առայժմ չի որոշել, թե նոր գլխավոր կհրավիրի՞, թե՞ ոչ:

«Գանձասարը» Սամվել Պետրոսյանի գլխավորությամբ անցած մրցաշրջանում իր պատմության մեջ առաջին անգամ դարձել է Հայաստանի առաջնության բրոնզե մեդալակիր եւ ՈՒԵՖԱ-ի գավաթի խաղարկությանը մասնակցելու իրավունք նվաճել:

Կայացան ֆուտբոլի Հայաստանի գավաթի խաղարկության կիսաեզրափակիչի առաջին հանդիպումները: Հայաստանի բազմակի չեմպիոն եւ գավաթակիր Երեւանի «Փյունիկը» մրցակցի դաշտում հյուրընկալվեց «Ուլիսին», 3:1 հաշվով համոզիչ հաղթանակ տարավ ու եզրափակիչի ուղեգրերից մեկին տիրանալու լուրջ հայտ ներկայացրեց:

Փյունիկցիներն իրենց լուրջ մտադրությունները ցույց տվեցին հենց խաղասկզբին, երբ արդեն երրորդ րոպեին բացեցին խաղի հաշիվը: Դրանից հետո նրանք երկու անգամ մրցակցին ստիպեցին խաղը վերսկսել դաշտի կենտրոնից: Իսկ դաշտի տերերը միայն 60-րդ րոպեին կարողացան խփել միակ «սփոփանքի» գոլը: Երեկ կայացավ նաեւ կիսաեզրափակիչի երկրորդ զույգի հանդիպումը, որում Աշտարակի «Միկան» չկարողացավ առավելության հասնել իր մշտական լուրջ մրցակցի՝ Երեւանի «Բանանցի» ...

Ապրիլի 24-26-ը Թբիլիսիում կայանալու է ձյուդոյի Եվրոպայի մեծահասակների առաջնությունը, որին մասնակցելու է նաեւ Հայաստանի ազգային հավաքականը: Մարզաձեւի հանրապետության ֆեդերացիայից երեկ տեղեկացրին, որ Վրաստանի մայրաքաղաքում մեր երկրի մարզական դրոշի պատիվը պաշտպանելու են Հովհաննես Դավթյանը՝ մինչեւ 60 կգ քաշային կարգ, Արմեն Նազարյանը՝ 66 կգ եւ Անուշ Հակոբյանը՝ 52 կգ: Հավաքականի մարզիչներն են Արթուր Գեւորգյանը եւ Կարեն Սիմոնյանը:

ԽՈՅ (21.03-20.04)- Այսօր շատ ինքնամփոփ կլինեք: Պետք չէ հուսահատվել փոքրիկ անախորժություններից:

ՑՈՒԼ (21.04-21.05)- Հնարավոր է նվերներ ստանաք: Երեկոն կանցնի հաճելի միջավայրում:

ԵՐԿՎՈՐՅԱԿ (22.05-21.06)- Այսօր կատարած բոլոր գնումները կգոհացնեն եւ ձեզ եւ ձեր ընտանիքի անդամներին:

ԽԵՑԳԵՏԻՆ (22.06-22.07)- Դուք հանգստի կարիք ունեք: Լավ կլիներ աշխատանքից հետո այցելեիք մարզադահլիճ:

ԱՌՅՈՒԾ (23.07-23.08)- Ձեր հավասարակշռված քայլերի շնորհիվ կհասնեք հաջողության: Պետք չէ ամաչել, երբ ձեզ գովաբանում են:

ԿՈՒՅՍ (24.08-23.09)- Անցյալի հետ կապված հիշողությունները ձեզ կտանջեն, բայց պետք չէ հուսահատվել, ամեն ինչ դեռ առջեւում է:

ԿՇԵՌՔ (24.09-23.10)- Այսօր փոքր-ինչ նյարդային կլինեք՝ կապված աշխատանքային խնդիրների հետ: Նախկին սխալները չկրկնելու համար՝ եղեք ուշադիր:

ԿԱՐԻՃ ...

Հանրային ծառայությունները կարգավորող հանձնաժողովը կարծում է, որ միկրոավտոբուսների ինքնարժեքը 58,3 դրամ է, իսկ ուղեւորափոխադրողները պնդում են, որ վնասով չաշխատելու համար այն պետք է լինի 200 դրամից ավելի:

Մայրաքաղաքի եւ մարզերի ուղեւորափոխադրող ընկերություններն արդեն մեկ շաբաթ է, ինչ պարբերաբար բողոքի ակցիաներ են կազմակերպում եւ հրաժարվում են «գիծ» դուրս գալ: Նրանց հավաստմամբ, արդեն մեկ տարի է՝ աշխատում են վնասով, քանի որ երթուղիները շահագործում են ինքնարժեքից ցածր գնով: Վարորդների ներկայացմամբ, իրենք հազիվ են կարողանում փակել օրվա պլանը, իսկ գծատերերն էլ ոչ մի կոպեկ չեն ուզում իջեցնել օրավարձը, պատճառաբանելով, որ առանց այդ էլ հազիվ են կարողանում ապառիկով վերցրած մեքենաների գումարը փակել ու հարկերը վճարել: Նշենք, որ նախորդ տարի եւս, ...

Երեկ Սեւծովյան բանկի նախագահ Հայրեթթին Կապլանն այցելել էր Իսահակյան փողոցում գտնվող «ՍԱՍ» սուպերմարկետ, որպեսզի սեփական աչքերով տեսնի՝ բանկի կողմից տրամադրված գումարները ծառայե՞լ են նպատակին, թե՝ ոչ: Նշենք, որ Հ. Կապլանը ասուլիսը կազմակերպել էր հենց սուպերմարկետի վաճառասրահում՝ պանիրների, կետչուպների եւ մսամթերքի հարեւանությամբ: Ցույց տալու համար, որ սուպերմարկետում առեւտուրը եռում է, եւ պարոն Կապլանի նախագահած բանկի փողերն աննպատակ չեն ծախսվել, անգամ այն պահին, երբ լրագրողները ձայնագրում էին բանկի նախագահի ասուլիսը, վաճառողուհիները ակտիվորեն առեւտուր էին անում:

Ընդհանուր առմամբ, Հ. Կապլանը Հայաստանում կատարած իրենց ներդրումները արդարացված համարեց եւ ասաց, որ վերջին տարիների ընթացքում ներդրումների ծավալը կրկնապատկվել է. «Դա մինչեւ ճգնաժամն էր: Մեր բաժնետերերը ստացել են մեր ...

«Գրանթ Թորնթոն Ինթերնեշնլը» երեկ հրապարակել է միջազգային գործարար զեկույցի վերջին տվյալները՝ մասնավոր հատվածի ընկերություններում բիզնեսի պլանավորման ժամանակային փուլերի վերաբերյալ: Հարցմանը մասնակից ընկերությունների 49%-ը նշել է, որ պլանավորումը կատարվում է 1-3 տարի ժամանակահատվածի համար: Նման պատասխան է տվել նաեւ Հայաստանում հարցված ընկերությունների 39%-ը: Նշենք, որ ցանկացած գործարար, բիզնեսի կազմակերպման ժամանակ, կազմում է որոշակի պլաններ, ասենք՝ կատարվելիք ծախսերի կամ ներդրումների աճի վերաբերյալ: Եվ, սովորաբար, բիզնեսմենների համար ապագան լինում է ավելի կանխատեսելի, եթե տնտեսության զարգացման տեմպերը կայուն են եւ մարդիկ կարողանում են իրենց բիզնեսի վերաբերյալ կանխատեսումներ անել:

Ըստ «Գրանթ Թորնթոնի», 1-3 տարի ժամանակահատվածում բիզնեսի պլանավորման ամենաբարձր ցուցանիշներ են գրանցվել ...

Դրա մասին վկայում է Ֆրանսիայում քաղաքական ապաստան ստացած Հայաստանի քաղաքացին

Ապրիլի 14-ին Փարիզում՝ Ֆրանսիայում Վրաստանի դեսպանատան մոտ, տեղի է ունեցել ցույց՝ ի պաշտպանություն «Միասնական Ջավախք» շարժման ղեկավար Վահագն Չախալյանի, որն ապօրինի զենք պահելու եւ արգելված հանրահավաքի մասնակցելու մեղադրանքներով անցած շաբաթ դատապարտվեց 10 տարվա ազատազրկման: Ըստ «Ազատություն» ռ/կ-ի՝ բողոքի ցույցը, որն ընթացել է «Ազատեք Չախալյանին» եւ «Արդարություն» կոչերով, կազմակերպել էր Ֆրանսիայի հայ համայնքի ղեկավար մարմինը: Վրաստանի դեսպան Մամուկա Կուդավան ընդունել է Հայկական կազմակերպությունների կարգավորող խորհրդի ներկայացուցիչներին, որոնք փոխանցել են համայնքի մտահոգությունները եւ առաջարկել վերանայել Չախալյանի ...

«Գույքի գործը»՝ դատարանում

Երբ Սերգեյ Հակոբյանն ու Գայանե Կիրակոսյանը ծնվել են, նրանց ճակատներին, հավանաբար, գրի փոխարեն խզմզանք է եղել, մոտավորապես այսպիսի. «դատարաններից դուրս չգաք»։ Դրա համար էլ ընտանիք կազմած Գայանեն ու Սերգեյը՝ վերջինիս հոր ու եղբոր ընտանիքի հետ ունեցած խնդիրների պատճառով, արդեն 20 տարի իրավադատական քաշքշուկների մեջ են՝ անտուն ու անօգնական։ Ինչպե՞ս։ Սերգեյի թշնամի-հարազատները շրջանառության մեջ են դնում նվիրատվության երկու կասկածելի պայմանագրեր, որոնցով Սերգեյի հայրն իր առանձնատան մի մասը, իբր, նվիրում է Սերգեյի եղբորը, իսկ մյուս մասը՝ քրոջը, որը հաշվառված է հոգեբուժական հիվանդանոցում։ Այդ պայմանագրերը հաշվի առնելով էլ՝ դատարանն ընդամենը 850 դոլարով դադարեցնում է Սերգեյի ընտանիքի չորս անդամների (գրանցված) բնակտարածքի օգտագործման իրավունքը։ Տանիքից զրկվելուց հետո, ...

Ֆոտոլրագրողը հիվանդ էր

Երեկ Կենտրոն եւ Նորք-Մարաշ ընդհանուր իրավասության դատարանում, դատավոր Ա. Խաչատրյանի նախագահությամբ, պետք է լսվեր «Առավոտ» եւ «Չորրորդ իշխանություն» թերթերի ֆոտոլրագրող Գագիկ Շամշյանի գործի քննությունը: Դատարանում վերջին խոսքով պետք է հանդես գար Գ. Շամշյանը: Երեկ, սակայն, նրա պաշտպան Հովիկ Արսենյանը դատարանին տեղեկացրեց, որ Շամշյանը հիվանդ է եւ խնդրեց մի քանի օր: Դատավորը պահանջեց հիվանդության մասին փաստաթուղթը: Պաշտպանը հայտնեց, որ ֆոտոթղթակիցը այն կներկայացնի: Դատական նիստը հետաձգվեց մինչեւ ապրիլի 17-ի ժ. 9.30-ը:

Հիշեցնենք, որ մեղադրող Լեւոն Չարխիֆալակյանը պահանջել է 500 000 դրամ տուգանք:

Փաստաբանի «հուշաթերթիկը»

Երեկ ՀՀ փաստաբանների պալատի անդամ Հովիկ Արսենյանը ...

Եթե պետությունը էլի օգնի՝ Սյունիքի մարզում կավելանան մշակվող հողերը

Սյունիքում գարնանացանի աշխատանքները բարձրադիր գոտիներում արդեն սկսվել են, իսկ ցածրադիր գոտիներում՝ գրեթե ավարտվել են: Բանջարաբոստանային կուլտուրաները, տնկիներն ու սածիլներն արդեն հողին են պահ տրվել: Գարնան ցորենի սերմացուի պահանջ կզգացվի, իսկ գարու սերմացուով, ըստ Սյունիքի մարզպետարանի գյուղատնտեսության վարչության պետի, ապահովված է մարզը: «Դեռեւս 2007 թվականին մարզին հատկացված 178 տոննա գարնան գարու սերմացուից ստացված լավ արդյունքի շնորհիվ է, որ այսօր գարնան գարու սերմացուի պակաս չունենք: 35-36 ցենտներ ենք ստացել մեկ հեկտարից, իսկ դա մինչ օրս արձանագրված ամենալավ արդյունքն է»,- հավաստիացնում է Սյունիքի մարզպետարանի գյուղատնտեսության վարչության պետ Քաջիկ ...

Հայաստանում ցրտահարությունները քիչ հավանական են

Հայաստանի Հանրապետությունում վերջին օրերի ցուրտ եղանակի ժամանակ Տավուշում, Կոտայքում, Լոռիում, Արագածոտնում, Վայոց ձորում գրանցվել է -4-ից մինչեւ -10 ջերմաստիճան, իսկ Արարատյան դաշտավայրում +1-ից ցածր ջերմաստիճան չի գրանցվել, առանձին ցածրադիր գոտիներում մեկ-երկու ժամով գրանցվել է 0 կամ -1 ջերմաստիճան, որը չէր կարող վնասակար ազդեցություն թողնել, այնպես որ, Արարատյան դաշտավայրում ցրտահարությունները քիչ հավանական են, կորիզային պտուղները՝ ծիրան, դեղձ, սալոր, չեն տուժի, երեկ հայտարարեց ՀՀ գյուղատնտեսության փոխնախարար Սամվել Գալստյանը: Սակայն վերջնական արդյունքները պարզ կլինեն մի քանի օրից, այս պահին մասնագետները աշխատում են: Պարզ է, որ այն մարզերում, ուր գրանցվել է բացասական ջերմաստիճան, կարող են վնասվել միայն կորիզավոր տեսակները:

Փոխնախարարը ասաց նաեւ, ...

Տավուշի մարզի 27 հազար 665 հեկտար վարելահողերից այս տարի կմշակվի շուրջ 15 հազարը՝ կեսից քիչ ավելին: Մշակվող տարածքների մեջ սակավ է աշնանացանը՝ 4200 հա: Համեմատության համար նշենք, որ 2004-ին մարզում հացահատիկային մշակաբույսերը 10 774 հա են զբաղեցրել: Ի հաշիվ հացահատիկի, վերջին տարիներին ավելացել են կարտոֆիլի, արեւածաղկի, ծխախոտի, կերային մշակաբույսերի ցանքատարածությունները: Մարզպետարանի գյուղատնտեսության եւ բնապահպանության վարչության պետ, գյուղատնտեսության ոլորտի երկարամյա աշխատող Ռազմիկ Մելիքջանյանի խոսքերով, անցյալ տարի կարտոֆիլի լավ բերք է ստացվել, եւ հիմա մարզում առկա է ապրանքային եւ սերմացու կարտոֆիլի ավելցուկ: 2005-ին մարզում ընդամենը 25 հա արեւածաղիկ է մշակվել, իսկ 2008-ին՝ 1050 հա:

Հանրապետությունում մշակվող եգիպտացորենի ցանքատարածությունների 60 տոկոսը Տավուշի մարզում է: Տավուշում եկամտաբեր է ...

Ֆրանսիան կոչ է անում սահմանափակել ընդլայնումը

Եվրոպական գործերով Ֆրանսիայի պետքարտուղար Բրյունո լե Մերը կարծիք է հայտնել, որ Արեւմտյան Բալկանյան երկրների՝ ԵՄ ընդունելուց հետո պետք է կանգ առնել եւ կենտրոնանալ ինստիտուտների ամրապնդման գործի վրա: Ինչպես հաղորդում է ՌԻԱ- Նովոստին, այսօրվա դրությամբ ԵՄ անդամ թեկնածուի պաշտոնական կարգավիճակ ունեն Խորվաթիան, որը կարող է անդամակցել այդ կազմակերպությանը 2010 կամ 2011 թվականներին, ինչպես նաեւ Թուրքիան, որի ընդունմանը դեմ են ԵՄ ազդեցիկ երկրները, այդ թվում՝ Ֆրանսիան ու Գերմանիան:

Փորձագետների կարծիքով, ԵՄ-Թուրքիա բանակցությունները կարող են ձգվել 10-15 տարի: Այս տարվա փետրվարին թեկնածու դառնալու հայտ է ներկայացրել Չեռնոգորիան, որի ճակատագիրը, սակայն, առայժմ պարզ չէ: Ալբանիան իր հերթին այս ամսվա ընթացքում նույնպես պատրաստվում է նման հայտ ներկայացնել: ...

Վատիկանն իր բացասական վերաբերմունքն է արտահայտել ԱՄՆ-ի՝ Սուրբ աթոռում ներկայացուցչի պաշտոնի 3 հավակնորդների հանդեպ՝ հաղորդում է «Նեզավիսիմայա գազետան»: Մերժված թեկնածուների թվում է ԱՄՆ նախագահ Ջոն Քենեդիի դուստր Քերոլայն Քենեդին, որը հետեւողական պայքար է մղում կանանց աբորտի իրավունք տրամադրելու համար: Քենեդին նաեւ կողմնակից է բնային միջուկների բնագավառում հետազոտությունների ընդլայնմանը: Այդ 2 կետերը առավել մեծ տարաձայնություններ են առաջացնում Վատիկանի եւ ԱՄՆ-ի միջեւ: Սուրբ աթոռը պաշտոնապես հերքում է ամերիկյան դեսպանի վերաբերյալ տարածվող լրատվությունը: Վատիկանի մամուլի քարտուղար Ֆրեդերիկո Լոմբարդին հայտարարել է, որ իրենք չեն ստացել Վաշինգտոնից դեսպանի որեւէ թեկնածության վերաբերյալ առաջարկ եւ հետեւաբար հնարավորություն չեն ունեցել դա պաշտոնապես մերժել: Սակայն իտալական լրատվամիջոցները նշում ...

Երեկ, 91 տարեկան հասակում մահացել է ֆրանսիացի նշանավոր գրող, ֆրանսիական ակադեմիայի անդամ Մորիս Դրյուոնը: BBC-ն հաղորդում է, որ այդ կապակցությամբ Ֆրանսիայի նախագահ Նիկոլա Սարկոզին իր ուղերձում նշում է, որ Դրյուոնը մեծ գրող էր, ֆաշիզմի դեմ դիմադրության շարժման մեծ մարտիկ եւ մեծ քաղաքական գործիչ: Սարկոզիի խոսքերով, Դրյուոնը պատմության մեջ կմնա որպես պարտիզանների հայտնի երգի հեղինակ, որը դարձել է Ֆրանսիական դիմադրության օրհներգը: Ապագա գրողը ծնվել է Ռուսաստանում, սակայն 1908 թվականին ընտանիքով տեղափոխվել է Ֆրանսիա: Երկրորդ համաշխարհային պատերազմի ժամանակ նա անդամագրվել է Շարլ դը Գոլի «Ազատ Ֆրանսիա» շարժմանը:

Պատերազմի վերջին տարիներին աշխատել էր որպես ռազմաճակատային թղթակից: Դրյուոնը ավելի քան 50 ստեղծագործությունների հեղինակ է: Նրա գրչին են պատկանում «Աշխարհի ուժեղները» եռապատումը, որի համար նա ...

Երեկ Բուդապեշտի փողոցներ էին դուրս եկել ընդդիմության մի քանի հազար կողմնակիցներ, որոնք բողոքում էին երկրի վարչապետի պաշտոնում Գորդոն Վայնաիի նշանակման դեմ: Ոստիկանների խոսքերով, ցուցարարները փորձում էին ներխուժել խորհրդարանի շենք: Ըստ BBC-ի, նրանց դեմ կիրառվել է արցունքաբեր գազ: Բախումների արդյունքում երկու կողմից էլ տուժածներ կան: Ցուցարարները պահանջում են, որ խորհրդարանն ընդհանրապես լուծարվի եւ արտահերթ ընտրություններ անցկացվեն: Գորդոն Վայնաին անկախ քաղաքական գործիչ է, որը մինչ այդ զբաղեցրել է էկոնոմիկայի եւ զարգացման նախարարի պաշտոնը: Նոր վարչապետը խոստանում է անցկացնել կարծր եւ ոչ պոպուլյար բարեփոխումներ, որոնք, նրա կարծիքով, անհրաժեշտ են տնտեսական խնդիրները լուծելու համար: Վայնաին համաձայն է անցկացնել արտահերթ ընտրություններ՝ այն ...

Ապրիլի 14-ին Բոլիվիայի նախագահ Էվո Մորալեսը դադարեցրել է հացադուլը, որը տեւել է 6 օր: Դա տեղի է ունեցել այն բանից հետո, երբ ընդդիմությունը կատարել է Մորալեսի պահանջը եւ խորհրդարանի օրակարգ է մտցրել ընտրությունների մասին օրինագիծը: Այդ օրենքը Մորալեսին հնարավորություն կտա այս տարվա դեկտեմբերին նախագահի պաշտոնում առաջադրվել 2-րդ անգամ, ինչպես նաեւ 19 խորհրդարանական մանդատ կփոխանցվի տեղացի հնդկական փոքրամասնությունների ներկայացուցիչներին: Այդ քայլը, ընդդիմության կարծիքով, կմեծացնի Մորալեսի շանսերն առաջիկա ընտրություններում: Lenta.ru-ն հիշեցնում է, որ օրենքում փոփոխություններ մտցնելու անհրաժեշտությունն առաջացել է այն ժամանակ, երբ 2009-ի փետրվարին Բոլիվիայում ուժի մեջ է մտել նոր Սահմանադրությունը, ըստ որի՝ պետության ղեկավարը կարող է ընտրվել 2-րդ ժամկետով: Մորալեսի կողմնակիցները նույնպես որոշակի զիջումների ...

Ուկրաինայի նախագահ Վիկտոր Յուշչենկոն «Կոմերսանտ» թերթին տված հարցազրույցում հայտարարել է, որ մասնակցելու է թե խորհրդարանական, թե նախագահական ընտրություններին, հաղորդում է newsru.com-ը: «Ես խնդրում եմ ձեզ մոռանալ հոկտեմբերի 25-ի մասին՝ որպես հերթական նախագահական ընտրությունների լեգիտիմ տարեթվի: Դա հնարամիտ տարեթիվ է, որը ոչնչով հիմնավորված չէ: Ինչ վերաբերում է միաժամանակյա արտահերթ նախագահական եւ խորհրդարանական ընտրությունների անցկացման ժամկետին, ես այժմ պատրաստ չեմ այն նշել: Դա պետք է անեն իրավաբանները՝ պահպանելով սահմանադրության տառն ու ոգին»,- հայտարարել է Յուշչենկոն: Պատասխանելով այն հարցին, թե արդյոք նա մասնակցելո՞ւ է առաջիկա ընտրություններին, Յուշչենկոն ասել է, որ պատրաստվում է մասնակցել թե նախագահական եւ թե խորհրդարանական ընտրություններին: Ավելի վաղ Ուկրաինայի պառլամենտը հայտնել էր, որ ...

ՆԱՐԻՆԵ ՄԿՐՏՉՅԱՆ

Հայ-թուրքական հարաբերությունների շուրջ քննարկումները շարունակում են մնալ վերջին տասնօրյակի միջազգային քաղաքական օրակարգի հիմնական խնդիրներից մեկը: Դրա միջազգային տեւական հնչեղությունը պայմանավորված է առնվազն երեք գործոններով. ա. դրկից երկու երկրների՝ Հայաստանի եւ Թուրքիայի գրեթե մեկդարյա թշնամանքով, բ. ԱՄՆ նոր նախագահ Բարակ Օբամայի՝ Թուրքիա կատարած ապրիլյան երկօրյա այցով, գ.Ցեղասպանության ճանաչման նրա խոստման ճակատագրով: Անցյալի, ներկայի եւ ապագայի մշուշի միջից հնարավոր չէ զանազանել Հայաստանի տեղը, դերն ու նշանակությունը: Պատմության ճեպընթացում մեր տոմսը մեկ ուղղությամբ է: Հարյուրամյա դժնդակ հիշողության ցավը ճնշում է սթափության, իրատեսության, ողջամտության զգայարանները, իսկ մենք դեռ չենք հասցրել նայել, թե ի՞նչ ...

Մոդելային արվեստում Մարիշային օգնում է դաշնակահարի մասնագիտությունը

Մարիշան կիրթ ձեւով մերժում է անպարկեշտ «հրավերները»:

Կային ժամանակներ, երբ մի շարք բառեր բացասական լիցքեր էին առաջ բերում, ստիպում էին դրանց մեջ տեսնել «բուրժուական կայֆեր», «բարոյական շեղումներ»... Դրանց թվում էին մոդելը, թոփ մոդելը, պոդիումը եւ այլն։ Կամաց-կամաց վարժվեցինք եւ հասկացանք, որ այդ բառերը կապված են նաեւ մեր իրականության հետ։ Արդեն մենք էլ ձեւավորել ենք մոդելային դպրոցի որոշ սկզբունքներ՝ ունենալով այնպիսի անհատականություններ, որոնք կարող են խորացնել այդ ամենը եւ մի օր աշխարհին ցույց տալ մերը, ազգայինը։ Մարինե Անտոնյանը (բեմական անունը՝ Մարիշա) մոդելային բիզնեսում, իր խոսքերով, հասցրել է ...

Սթրես ինֆորմացիայի պակասի՞ց

Շատերի համար ամուսնական նախապատրաստությունները գլխացավանք են, անլուծելի խնդիրներ, որոնք կարող են սթրեսի աղբյուր հանդիսանալ: Սակայն ամուսնական կյանք մտնողների համար մտահոգությունները, ապրումները ոչ այնքան կենցաղային, նախապատրաստական խնդիրների հետ են կապված, որքան՝ առաջին գիշերվա, դրան հաջորդող «կարմիր խնձորի»:

Առաջին ամուսնական գիշեր, առաջին անգամ հարաբերություն, որից ես անտեղյակ եմ, անփորձ, իսկ եթե «չստացվի»... Սրանք յուրաքանչյուր ամուսնանալ պատրաստվող աղջկա մտածմունքներն են:

Կարո՞ղ են, արդյոք, այս մտահոգությունները սթրես առաջացնել, բնակա՞ն է առկա վախը եւ ինչպե՞ս ձերբազատվել դրանից:

«Սթրեսն առաջին մերձեցումից առաջ նորմալ է,- «Առավոտի» հետ զրույցում ասում է սեքսոլոգ ...

Թեստ՝ աղջիկների համար

Գարունը սեր է բերում... Դու դեռ մենակ ես, եւ՝ պատրաստ նոր սիրավեպի՞։ Պարզի՛ր, թե ինչպիսի տղաներ են համակրում քեզ ու գտի՛ր քո սերը...

1. Քնելուց աոաջ դու.

ա) որոշո՞ւմ ես, թե ինչ պիտի հագնես վաղը,

բ) մտքում ինչ-որ երազա՞նք ես պահում,

գ) համբուրո՞ւմ ես մայրիկիդ,

դ) գուցե՝ հաշվո՞ւմ ես մինչեւ 100-ը։

2. Քո կարծիքով՝ ի՞նչն է ամենակարեւորը արշավի ժամանակ.

ա) հայելի՞ն եւ մոծակների դեմ հուսալի քսո՞ւքը,

բ) ընկերական շրջապա՞տը,

գ) կիթա՞ռը,

դ) սննդամթերքով ապահովված լինե՞լը։

3. Հիշո՞ւմ ես, արդյոք. մանկապարտեզում՝ հանդեսի ժամանակ դու.

ա) արտահայտիչ տոնով բանաստեղծություննե՞ր էիր արտասանում,

բ) ծիծաղո՞ւմ էիր Ձմեռ պապի, Ձյունանուշի վրա,

գ) վախեցած թաքնվո՞ւմ էիր մյուս երեխաների հետեւում,

դ) շուրջպա՞ր էիր բռնում։

4. Շաբաթվա քո ամենասիրելի ...