«Մի՞թե Հայաստանի նախկին արտգործնախարարը չէր, որ ազատագրված տարածքները
հայտարարեց օկուպացված, ո՞ր մեկդ է այդ ժամանակ խոսել դավաճանության մասին։ Ո՞վ է ձեզանից ասել, որ այն քարտեզները, որտեղ Լեռնային Ղարաբաղի Հանրապետության տարածքները աղավաղված են ներկայացված, մինչեւ անգամ Երեւանի կենտրոնում փակցված պաստառների վրա, եւ որոնք հզոր զենք են դարձել Ադրբեջանի ցանկացած քաղաքացու ձեռքին՝ դավաճանություն են»,- երեկ մամուլի
ասուլիսում ասաց «Ժառանգությունը» ներկայացնող ԱԺ պատգամավոր
Լարիսա Ալավերդյանը՝ հակադարձելով բոլոր նրանց, ովքեր արդեն երկու օր բանուգործ թողած կենտրոնացել են Զարուհի Փոստանջյանին՝ «դավաճանության» մեջ մեղադրելու վրա:

Այդպես է գնահատել իր գործընկերուհու՝ Զարուհի Փոստանջյանի ստրասբուրգյան գործունեությունը ՀՀԿ խմբակցության ղեկավար Գալուստ Սահակյանը:

«Ժառանգություն» խմբակցության անդամ, ԵԽԽՎ-ում հայաստանյան պատվիրակության անդամ Զարուհի Փոստանջյանի քայլը՝ Հայաստանի ներքաղաքական խնդիրներին առնչվող հարցերում ներքաշել թուրքերին եւ ադրբեջանցիներին, իրարանցում է առաջացրել քաղաքական իշխող կուսակցությունների ներկայացուցիչների մեջ: Կարելի է կարծել՝ տիկին Փոստանջյանը Վարդան Օսկանյանի «կեղտոտ լվացքն է» հանել դրսում լվանալու: Համենայնդեպս, դատելով իշխանական ուժերի արձագանքներից, իրենք այդպես էլ ընկալում են կատարվածը: ԲՀԿ-ական Նաիրա Զոհրաբյանը Ստրասբուրգից արդեն իր կարծիքն է ուղարկել, ըստ որի՝ ԵԽԽՎ-ում հնաբնակները անգամ ...

Ինչո՞ւ հայաստանյան պատվիրակության անդամները չէին միացել Զարուհի Փոստանջյանի առաջարկներին

Իր քաղաքական գործունեության ողջ ընթացքում, թերեւս, ԱԺ «Ժառանգություն» խմբակցության պատգամավոր Զարուհի Փոստանջյանն այդքան չէր արժանացել հայկական հեռուստաալիքների ուշադրությանը, որքան ԵԽԽՎ ընթացող նստաշրջանում իր գործունեության մի դրվագի համար: Ամբողջ հարցն այն էր, որ պատգամավորը սեփական առաջարկներն էր ներկայացրել՝ Հայաստանին վերաբերող փաստաթղթում ընդգրկելու համար: Առաջարկները, բնականաբար, անտեսվեցին մեր պատասխանատու հեռուստաընկերությունների կողմից: Փոխարենը՝ այն, որ դրանց տակ ստորագրելու համար նա դիմել էր նաեւ թուրք եւ ադրբեջանցի պատվիրակներին, Փոստանջյանի համար ճակատագրական դարձավ: Դրա արդյունքում հայկական ...

Ու կոչ արեց ՀՀ իշխանություններին

Երեկ Մարդու իրավունքների միջազգային ֆեդերացիան (FIDH) հրապարակել է «Արդար դատավարության իրավունքի իրականացումը ՀՀ-ում» վերտառությամբ իր նախնական եզրակացությունները «2008թ. մարտի գործերով դատավարությունների դիտորդության եւ օրենսդրական վերջին փոփոխությունների հիման վրա»:

Հիշեցնենք, որ FIDH-ը եւ իր անդամ կազմակերպություն Քաղաքացիական հասարակության ինստիտուտը հետեւել են 2008թ. մարտի 1-ի ոստիկանության եւ ընդդիմության բախումների գործերով ձերբակալված անձանց դատավարություններին։ Զեկույցում FIDH-ը մտահոգություն է հայտնել «ակնհայտորեն քաղաքական բնույթ կրող դատավարությունների ժամանակ վկաների նկատմամբ բռնությունների բազմաթիվ հաղորդումների վերաբերյալ» արձանագրելով, որ «դատարանի կողմից անօրինական ճանապարհով ստացված վկայությունների ...

Ինչպես փոխանցում են ՀՀ գլխավոր դատախազության մամուլի ծառայությունից, ՀՀ հատուկ քննչական ծառայության վարույթում քննվող քրեական գործով հիմնավորվել է «Երեւան-Կենտրոն» քրեակատարողական հիմնարկի պետի տեղակալ Ա. Մուրադյանին առաջադրված մեղադրանքը եւ դատախազության կողմից հաստատվել է մեղադրական եզրակացությունն ու քրեական գործն ուղարկվել դատարան:

Սպանության փորձ կատարելու համար դատապարտված Ա. Աղաբաբյանի՝ «Երեւան-Կենտրոն» քրեակատարողական հիմնարկից 2009 թվականի ապրիլի 1-ին տեղի ունեցած փախուստի դեպքի առթիվ հարուցված քրեական գործով պարզվել է, որ նույն քրեակատարողական հիմնարկի պետի տեղակալ Ա. Մուրադյանն անցել է իր լիազորությունների սահմանը՝ այդպիսով կատարելով ՀՀ քրեական օրենսգրքի 309-րդ հոդվածով նախատեսված արարք:

Մասնավորապես, նախաքննությամբ ձեռք բերված ապացույցների համաձայն՝ Ա. Մուրադյանը, ...

Երեկ Երեւանում գտնվող Մարդու իրավունքների միջազգային ֆեդերացիայի (FIDH) նախագահ Սուեր Բելասենը իր գործընկերների հետ այցելել է Նուբարաշեն ՔԿՀ-ում գտնվող եւ քաղբանտարկյալների ցուցակը համալրած Արշալույս Հակոբյանին։ Վերջինս Մարդու իրավունքների պաշտպանության Հելսինկյան միջազգային ընկերակցության հայաստանյան մասնաճյուղի ներկայացուցիչներից մեկն է, ով դիտորդի կարգավիճակով մասնակցել էր մայիսի 31-ին Երեւանում տեղի ունեցած ավագանու ընտրություններին:

Հիշեցնենք, որ FIDH-ը Ընդդեմ խոշտանգումների համաշխարհային կազմակերպության (OMCT) եւ մի շարք հայկական իրավապաշտպան կազմակերպությունների հետ հունիսի 12-ին հանդես է եկել համատեղ հայտարարությամբ, որում իրենց խորը մտահոգությունն են հայտնել իրավապաշտպանի նկատմամբ անօրինական ձերբակալության ընթացքում ...

Ընդունում է ԵԽԽՎ-ում Հայ ազգային կոնգրեսի ոչ պաշտոնական ներկայացուցիչ Արման Գրիգորյանը

ԵԽԽՎ-ում ՀԱԿ-ի ներկայացուցիչ Արման Գրիգորյանը եւ ԵԽ-ում
Հայաստանի դեսպան Զոհրաբ Մնացականյանը:

- ԵԽԽՎ-ում Հայաստանի հարցի վերաբերյալ քննարկման ընթացքում ամենաշատը հնչած արտահայտությունն էր, որ թեեւ քաղաքական կյանքի կարգավորման գործընթացը դեռ ավարտված չէ, բայց արդեն իսկ կա առաջընթաց: Արդյոք, կվիճարկե՞ք այս գնահատականը:

- Չեմ էլ ցանկանում վիճարկել այդ գնահատականը, քանի որ դժվար կլինի պնդել, թե ընդհանրապես չկա որեւէ առաջընթաց: Մեզ կսկսեն լուրջ չվերաբերվել, եթե նման պնդում անենք, քանի որ 30 քաղբանտարկյալի ազատ արձակելն իսկապես առաջընթաց է: Այլ հարց է, որ դա բավարար առաջընթաց չէ կամ, որ սա ...

ՀԱԿ-ը պնդում է, որ իշխանություններ ը ստիպված էին համաներում հայտարարել, իսկ իշխանության ներկայացուցիչը հակադարձում է՝ մենք ՀԱԿ-ին չենք հաճոյացել, այլ կատարել ենք հասարակական պահանջը:

Երեկ Հայ ազգային կոնգրեսը, ըստ էության, ամփոփել է «Համաներում հայտարարելու մասին» ՀՀ խորհրդարանում ընդունված որոշման վերաբերյալ իր ներկայացուցիչների, նաեւ՝ հենց «համաներված» քաղբանտարկյալների կողմից մինչ այս հնչեցված գնահատականները: Հայտարարված համաներումը, ըստ Կոնգրեսի, վարչախմբի կողմից երկրում ներքաղաքական ճգնաժամը հաղթահարելու մտահոգության արդյունք չէր, առավել եւս՝ ոչ էլ մարդասիրության դրսեւորում: «51 քաղբանտարկյալների մեծ մասի ազատ արձակումը պարտադրված քայլ էր, արդյունք՝ Հայ ազգային կոնգրեսի հետեւողական ու գրագետ քաղաքական աշխատանքի, ամենալայն զանգվածների համառ ու անտեղիտալի ...

Չնայած այդ դեղերը պետականորեն գրանցված չեն, բայց շատ բժիշկներ իրենց պացիենտներին հենց դրանք են խորհուրդ տալիս:

Հայաստանում ինքնաբուժմամբ զբաղվելը սովորական երեւույթ է: Եթե ոչ յուրաքանչյուր, գոնե ամեն 2-րդ մարդն ինքնազգացողության վատթարացման դեպքում առաջին հերթին ոչ թե բժշկի է դիմում, այլ հարեւան-բարեկամի, լավագույն դեպքում՝ դեղատան աշխատակցին եւ միայն ծայրահեղ դեպքում՝ բժշկի: Գլխացավի կամ ատամի ցավի դեպքում դեռ ոչինչ, բայց որ հայ կանայք «իրենց ուժերով» են կազմակերպում հղիության արհեստական ընդհատումը, դա արդեն բժիշկ մասնագետները խիստ մտահոգիչ են համարում: Այսօր մայրաքաղաքի մի շարք դեղատներից առանց դեղատոմսի կարելի է ձեռք բերել արհեստական վիժեցման համար նախատեսված միջոցներ:

Բավականին լայն տարածում ունի հատկապես սայտատեկ դեղամիջոցը, որը, ինչպես «Առավոտի» հետ ...

Պաշտոնյաները խոստացան վերականգնել Տաթեւի վանքը, մարզն ապահովել ինտերնետով, «Զորաց քարերն» էլ պատմամշակութային արգելոց դարձնել:

Երեկ Սյունիքի մարզպետարանի նիստերի դահլիճում կայացած կառավարության արտագնա նիստը սկսվեց մեկ ժամ ուշացումով: Իսկ որ դրան ըստ արժանվույն էին փորձել պատրաստվել մարզպետարանում, նկատվեց հենց առաջին իսկ հայացքից. նիստերի դահլիճը միանգամայն այլ տեսք էր ստացել. հյուրերի համար նոր սեղաններ ու աթոռներ էին նախապատրաստել, թեեւ այդ նոր աթոռները քիչ էին, քանի որ նիստն արդեն սկսվում էր, իսկ լրագրողները, ինչպես տեղական, այնպես էլ մայրաքաղաքից ժամանածները, կանգնած էին մնացել, եւ բոլորը գրեթե նույն բողոքն ունեին՝ «Եթե հրավիրել եք, ապա բարի լինեիք մեզ համար էլ տեղ հատկացնեիք»: Այս հարցը լուծվեց միակ ...

Հայերեն թարգմանությամբ լույս է տեսել իտալացի ժամանակակից գրող, արձակագիր, բանաստեղծ, կատակերգակ, վիպագրության ասպարեզում ավելի քան 80 գրական մրցանակ ստացած Ռոբերտո Կուրատոլոյի «Ստվերի եզրերին» վեպը: Երկար տարիներ Միլանում բնակվող, մասնագիտությամբ բժիշկ Ռ. Կուրատոլոն նաեւ իտալացի բժիշկ-գրողների միության ներկայացուցիչ է: Գիրքը մեծ հաջողությամբ ներկայացվել է Պրահայում եւ Ամստերդամում: Վեպում երկու տղամարդ եւ մի կին հանդիպում են Եվրոպայի հարավ-արեւելքում՝ մի շարք արկածային զուգադիպությունների արդյունքում: Իրադարձությունները զարգանում են Օտրանտոյի եւ Ստամբուլի խճանկարների գեղեցկությանը եւ Օմար Խայամի քառյակներին զուգընթաց:

Երեկ «Գրքերի աշխարհ» խանութում հայերեն գրքի շնորհանդեսին ներկա էր նաեւ գրքի հեղինակը եւ Հայաստանում Իտալիայի նորանշանակ դեսպան Բրունո Սկապինին: Հայ իրականությանը ...

30 տեղը, ԿԳ նախարար Արմեն Աշոտյանի կարծիքով, անսպասելի ցուցանիշ է

Ասպիրանտուրայի ընդունելության քննություններից հետո այս տարի ՀՀ բուհերի շրջանում առաջացել է 30 թափուր տեղ: Այս ցուցանիշը ՀՀ ԿԳ նախարար Արմեն Աշոտյանի համար անսպասելի է: «Ոչ թե մեկ, երկու, տասը, այլ՝ երեսուն...»,- մի առիթով զարմանք հայտնեց Ա. Աշոտյանը: Նախարարը թափուր մնացած 30 տեղերի գոյությունը պայմանավորում է այն բանով, որ ասպիրանտուրայի դիմորդները պետք է հանձնեին նաեւ օտար լեզվից քննություն, ինչը կատարվում է արտասահմանյան ծրագրերով, որոնք հայ դիմորդների համար բավականին դժվարհաղթահարելի են: Մյուս կողմից էլ Ա. Աշոտյանը կարծում է, որ թափուր մնացած 30 տեղերը վկայում են այն մասին, որ ասպիրանտուրան ոչ միշտ է բանակից խուսափելու միջոց դառնում: Ըստ նախարարի՝ 30 ...

Հավաքարար Մարուսը նույնպես կարող է ճանաչվել «լավագույն գիտնական»

Կարդալով ձեր թերթի համարում «Հայ գիտնականը՝ աշխարհի լավագույններից» հոդվածը, մի պահ ուրախություն եւ գոհունակություն զգացի: Մեր հայ գիտնականը ճանաչվել է Միջազգային կենսագրական կենտրոնի կողմից լավագույն 100 գիտնականներից մեկը: Ուղղակի հրաշք է: Փոքր երկրի համար, որտեղ հիմա այդքան պրոբլեմներ կան լուծելու, որտեղ այդքան հեշտ չի տրվում գիտությունը, մեր հայ գիտնականը ճանաչվել է 100 լավագույններից մեկը: Սա նույնիսկ կարելի է վերադասել ազգային հաղթանակի, եթե իսկապես հնչում է այնպես, ինչպես իրականում է:

Մի փոքր հետազոտություն կատարելուց հետո, սակայն, ես մեծ հիասթափություն ապրեցի: Ալեքսանդր Գեւորգյան գիտնական, եթե կա էլ, ապա նա նույնիսկ չունի որեւէ արժանահավատ աշխատություն, որը ցիտվի Scopus-ի կամ Tomhson Reutersi ISI վեբ-կայքում: ...

«Ալմաստ» օպերայի բեմադրող ռեժիսոր Գեորգի Իսահակյանը հիասթափված է hայ չինովնիկներից

Գ. Իսահակյանի համոզմամբ, չպետք է տնտեսել մշակույթի հաշվին:

«Առավոտի» երեկվա համարում տեղեկացրել էինք, որ այսօր եւ վաղը Ալ. Սպենդիարյանի անվան ազգային օպերային թատրոնում կայանալիք Ալ. Սպենդիարյանի «Ալմաստ» օպերայի նոր բեմադրության պրեմիերան հետաձգվում է: Նշել էինք նաեւ, որ այդ փաստը հարուցել է օպերայի բեմադրող ռեժիսոր, ՌԴ արվեստի վաստակավոր գործիչ, պետական մրցանակի դափնեկիր Գեորգի Իսահակյանի վրդովմունքը: Նա ձեռնպահ մնաց իր «Ալմաստի» մասին խոսելուց, ընդամենն ասաց. «Սխալ է, երբ ռեժիսորը դատում է՝ ինչ է ստացվել, պետք է հանդիսատեսն ասի: Դա նույնն է, թե ծնողին հարցնեն՝ երեխադ ...

Իր ոչ արտիստական գործունեության մասին ասում է ՀՀ ժողովրդական արտիստ Վլադիմիր Մսրյանը:

Հայաստանցի ռեժիսոր Արմեն Ռոնովի՝ Լեւ Տոլստոյի համանուն վեպի հիման վրա նկարահանած 29 րոպեանոց «Աննան եւ Կարենինը» ֆիլմը հունիսի 15-22-ը Սանկտ Պետերբուրգում կայացած «Ուղերձ մարդուն» վավերագրական, կարճամետրաժ, անիմացիոն ֆիլմերի 21-րդ միջազգային կինոփառատոնում արժանացել է մրցանակի՝ «Դասական կինոյի ասպարեզում ունեցած ներդրումի համար»: Երեկ այդ մասին «Տեսակետ» ակումբում հայտարարեցին ֆիլմի ռեժիսորն ու պրոդյուսեր Գուրգեն Գադաչիկը:

Փառատոնի մասին Արմեն Ռոնովն ասաց. «Ուրախալին այն էր, որ փառատոնի շեշտադրությունը դրված էր դասական կինոյի վրա: Հենց այդ անվանակարգում էլ դիպլոմ ստացա»: Ըստ Ա. Ռոնովի, փառատոնին մասնակցել ...

Բարերար, երաժիշտ եւ բանաստեղծ, Հայաստանի Գրողների միության անդամ Հովիկ Էդգարյանը 84 տարեկան է: Նրա պատվին երեկ Խնկո-Ապոր անվան ազգային մանկական գրադարանի դահլիճում Երաժշտագիտական գրադարանի եւ Խնկո-Ապոր գրադարանի նախաձեռնությամբ կազմակերպվել էր գրական-երաժշտական ցերեկույթ: Միջոցառումը, բացի հարազատներից ու ընկերներից, պատվել էր ՀՀ-ում Իրանի դեսպանատան մշակույթի խորհրդական Մոհամադ Ռեզա Շաքիբան: Աշխարհի տարբեր երկրներում ուսանած եւ աշխատած Հ. Էդգարյանը ստեղծագործել է հայերեն, պարսկերեն, անգլերեն եւ իտալերեն: Նրա գրվածքները տարբեր ժողովածուներում ու պարբերական հրատարակություններում լույս են տեսել Հայաստանում, Իրանում, Բեյրութում, Փարիզում, Լոնդոնում, ԱՄՆ-ում, Վենետիկում: Հովիկ Էդգարյանի բանաստեղծական աշխարհը, որը նրա ընթերցողները եւ արվեստի ու գրականության հետ կապված մարդիկ որակում են որպես անկեղծ ու ...

Վաստակավոր կոլեկտիվ պարի պետական անսամբլը կներկայանա հոբելյանական համերգով

Ա. Կարապետյանը (ձախից) ու Է. Չանչուրյանը:

Ազգային օպերային թատրոնում հունիսի 30-ին կկայանա երեկո-համերգ՝ նվիրված Հայաստանի պարի պետական անսամբլի կեսդարյա հոբելյանին:

Դեռ 50 տարի առաջ, երբ բալետմայստեր Էդվարդ Մանուկյանը, կոմպոզիտոր Խաչատուր Ավետիսյանը եւ նրանց համախոհները ձեռնամուխ եղան Պարի պետականի ստեղծմանը, թերահավատները շատ էին: Ավելին՝ նրանցից շատերը գտնում էին, որ ազգային պարարվեստը չի կարող ներկայանալ առանձին անսամբլով, քանի որ հայկական պարը մշտապես ուղեկցվել էր երգով՝ իր մեջ կրելով շուրջպարի գաղափարը: Գործի նախանձախնդիրները (Վ. Խանամիրյան, Ա. Ղարիբյան, Ս. Չանչուրյան եւ այլք) ապացուցեցին, որ մեր ...

ՀԱՅԿԱԿԱՆ ԺԱՄԱՆԱԿ

Գիրք ութերորդ

Գլուխ տասներեքերորդ

 ԻՐԻԿՆԱՅԻՆ ՇԵՂՈՒՄՆԵՐ

 Եվ Ալիկն ինձ հարցրեց՝ «էլի ստավկա ե՞ս դնում», եւ ես պատասխանեցի ու ասացի՝ «պատահում ա», եւ Ալիկը հարցրեց՝ «ո՞ւմ վրա ես ստավկա դնում», եւ ես ասացի՝ «էսօր «Բարսելոնայի» վրա եմ դրել», եւ Ջավախյանը ծիծաղելով Ալիկին ասաց՝ «դու Լեւոնի վրա ես ստավկա դրել, Արմոն էլ՝ «Բարսելոնայի» վրա», եւ Ալիկը թարս նայեց Ջավախյանին ու ինձ ասաց՝ «շատ ճիշտ ես արել. վերջերս «Բարսան» էլի սկսել ա լավ խաղալ», եւ ես ժպտալով ասացի՝ «բասկետբոլի՛ «Բարսելոնայի» վրա եմ դրել», ...

Ֆուտբոլի Հայաստանի բարձրագույն խմբի առաջնության 14-րդ տուրի «Փյունիկ» (Երեւան) - «Միկա» (Աշտարակ) հանդիպումը սպասարկելու է Լիտվայի մրցավարական բրիգադը: Գլխավոր մրցավարը լինելու է Պաուլյուս Մալզինսկասը, եզրայինները՝ Արտուրաս Պիպիրասը եւ Ալեքսանդր Յակուբովսկին:
Ո՞ւմ նախաձեռնությամբ է որոշվել դրսից մրցավարներ հրավիրել եւ ի՞նչ պատճառով: Այս հարցերի մեկնաբանությունը ստացանք «Միկա» ֆուտբոլային ակումբի մամուլի քարտուղար Աշոտ Մարտիրոսյանից: Նա երեկ մեզ ասաց. «Նախաձեռնությունը «Միկայի» ղեկավարությանն է: Բայց ոչ այն պատճառով, որ հայաստանցի մրցավարներին չենք վստահում: «Միկան» ներկայումս գլխավորում է երկրի բարձրագույն խմբի առաջնության մրցաշարային աղյուսակը եւ իր առջեւ դեռ մինչեւ մրցաշրջանի մեկնարկը շատ լուրջ խնդիրներ էր դրել, որոնց իրագործումն այսօրվա դրությամբ, կարծես, վատ չի ...

IBF-ի վարկածով միջին քաշային կարգում (72,6 կգ) աշխարհի չեմպիոն Արթուր Աբրահամի մրցակից, ծագումով թուրք Մահիր Օրալը հայտարարել է, թե հունիսի 27-ին կայանալիք մենամարտում «Արքա Արթուրից» գոտին վերցնելու լուրջ մտադրություն ունի: «Դժվար է պատկերացնել, թե ինչպե՞ս ես սրանից ավելի լավ կարող եմ պատրաստ լինել մենամարտին: Կարեւոր չէ, թե այն ինչպես կավարտվի: Պարտվողի համար արդարացում չի կարող լինել: Ես պատրաստ եմ 12 ռաունդ պայքարի եւ վստահ, որ եթե այդպես ստացվի, հաղթողը ես եմ լինելու: Ես կվերցնեմ Աբրահամի տիտղոսը: Լսել եմ, որ մեր մենամարտից հետո Արթուրը պատրաստվում է տեղափոխվել հաջորդ քաշային կարգ: Այնպես որ, գոտին նրան, միեւնույն է, պետք չէ»,- լրատվամիջոցներին ասել է Օրալը:

Ըստ Հայաստանի ֆուտբոլի ֆեդերացիայի ինտերնետային կայքէջում ՀՖՖ մամուլի քարտուղարության տեղադրած տեղեկատվության, ՈՒԵՖԱ-ն որոշել է Եվրոպայի լիգայի որակավորման երկրորդ փուլի հուլիսի 23-ին կայանալիք «Մակկաբի» (Նետանյա, Իսրայել)-«Սլիմա-Ուոնդերերես» (Մալթա) պատասխան հանդիպման սպասարկումը վստահել Հայաստանի մրցավարական բրիգադին, որի կազմում ընդգրկվել են. գլխավոր մրցավար՝ Կարեն Նալբանդյան, եզրային մրցավարներ՝ Արշակ Կնյազյան եւ Էրիկ Արեւշատյան: Չորրորդ պաշտոնյա ՈՒԵՖԱ-ն նշանակել է Արարատ Ճաղարյանին:

«Առավոտի» շաբաթօրյա համարներից մեկում տպագրել էինք ֆուտբոլի համաշխարհային աստղերի կանանց եւ կյանքի, հաճախ՝ ժամանակավոր, ընկերուհիների լուսանկարները, որոնք, ըստ երեւույթին, այնքան էլ չեն քաշվում ֆոտոխցիկի առջեւ իրենց մարմնի բարեմասնությունները ցույց տալ: Նայելով այդ գեղեցկուհիներին՝ ենթադրվում էր, որ ֆուտբոլիստները, որպես կանոն, նախասիրում են մեծ կուրծքը:

Այսօրվա մեր հերոսուհիները, որոնք անհամեմատ ավելի համեստ կանանց տպավորություն են գործում, իրենց երիտասարդ կյանքը կապել կամ ցանկանում ...

Անչափահասների՝ խաղատներ ու խաղասրահներ մուտքն արգելելու մասին նման կարծիք ունի ֆինանսների նախարարության լիցենզավորման վարչության պետ Լեւոն Խալիկյանը:

«Մեր ստուգայցերի ժամանակ խաղատներում հայտնաբերել ենք կենդանի՝ «պոկեր», «պտուտակախաղ» (ռուլետկա), «բլեք ջեք» խաղերի կանոնների խախտումներ: Խաղասրահներում ավտոմատները պետք է 86% շահում ապահովեն՝ հօգուտ խաղացողի, մեր ստուգումների արդյունքում նաեւ այս տոկոսն է խախտված եղել: Եղել է, որ ստուգման ժամանակ մեր աշխատանքներին խաղասրահի աշխատակիցները խոչընդոտել են, ինչի համար մենք կազմել ենք համապատասխան արձանագրություն: Սակայն հիմնականում հանդիպում ենք մեկ այլ խախտման, երբ խաղասրահներն ավելի լուրջ կազմակերպության տպավորություն թողնելու համար իրենց մուտքի մոտ ...

Հայաստանում տարիներ շարունակ բժշկական թափոնների վնասազերծման խնդիրը մնացել է չլուծված: Հիմնախնդիրը սրվել է տարեցտարի, քանի որ գնալով մեր երկրում ահռելի քանակությամբ ժամկետանց, այսինքն օգտագործման համար ոչ պիտանի դեղեր են կուտակվել:

Խնդրի լուծման համար Էջմիածին քաղաքում կառուցվեց հատուկ բժշկական թափոնների ոչնչացման համար նախատեսված գործարան: Գործարանը կառուցվել է «Էկոլոգիա Վ.Կ.Հ» ընկերության նախաձեռնությամբ: Ընկերության տնօրեն Անժելա Մովսիսյանը «Առավոտի» հետ զրույցում տեղեկացրեց, որ գործարանը նախատեսված է ժամկետանց դեղերի, տարբեր վիրակապերի, միանգամյա օգտագործման ներարկիչների, լաբորատոր մնացորդների, մարդկային ախտահարված ներքին օրգանների եւ այլ ոչ պիտանի իրերի ոչնչացման համար: Ըստ Ա. Մովսիսյանի, այդ ամենը առանց վնասազերծման աղբանոց նետելը՝ շրջակա միջավայրի եւ մարդկանց առողջության ...

«Բրիտանական ավիաուղիներ» (British Airways) ավիաընկերության 800 աշխատակից տնօրինության հետ համաձայնության է եկել աշխատել առանց աշխատավարձի՝ կամավորական հիմունքներով, որպեսզի օգնեն ընկերությանը դուրս գալ ֆինանսական ծանր դրությունից: Հղում անելով «Սքայ նյուզին»՝ գրում է «Panorama.am»-ը:

Աղբյուրի տեղեկացմամբ, եւս յոթ հարյուր աշխատակից համաձայնել են, որ իրենց աշխատավարձերը կրճատվեն, իսկ 6940 մարդ էլ կգնա չվճարվող արձակուրդի:

Հիշեցնենք, որ վերջերս ավիաընկերության ղեկավարությունը իր 40 հազար աշխատակիցներին էր դիմել՝ խնդրանքով, որ նրանք համաձայնեն գոնե մեկ ամիս անվճար աշխատել, կամ էլ իրենց աշխատավարձերը կրճատվեն:

«Բրիտանական ավիաուղիների» գլխավոր տնօրեն Ուիլի Ուոլշը պարզաբանել է, որ նրանք, ովքեր կընտրեն անվճար աշխատելու տարբերակը, արտոնություններ կունենան հետագայում հաստիքների ...

Երեկ կառավարությունը հաստատել է Ռուսաստանի կողմից Հայաստանին տրամադրած պետական վարկի միջոցներից տնտեսության կայունացման վարկավորման՝ 90 մլրդ դրամի ծրագիրը, որը նպատակ ունի խթանել ՀՆԱ-ի աճը՝ տնտեսվարողների վարկային պահանջարկը մասնակի բավարարելու միջոցով: Ընդհանուր առմամբ, 90 մլրդ դրամ բյուջետային վարկերը կտրվեն ֆինանսաբանկային համակարգին, ՓՄՁ-ներին եւ խոշոր ենթակառուցվածքների գործունեությունն ապահովող տնտեսվարողներին: Վարչապետ Տիգրան Սարգսյանն ասել է նաեւ, որ բացի այդ, ՌԴ վարկից 24 մլրդ դրամ տրամադրվելու է աղետի գոտուն, իսկ մնացած գումարը մնալու է կայունացման ֆոնդում:

Կառավարությունը որոշել է նաեւ հանքարդյունաբերական ոլորտի զարգացումը խթանելու նպատակով վարկեր տրամադրել «Զանգեզուր մայնինգ» ընկերությանը՝ $15 մլն, 5 տարի մարման ժամկետով, «Արմենիա մոլիբդեն Փրոդաքշն» ընկերությանը՝ դարձյալ ...

ՀՀ ոստիկանության ՊՊՎ ջրամատակարարման կառույցների պահպանության գնդի հրամանատար, ոստիկանության գնդապետ Լ. Զաքարյանի դեմ բողոք են բերել ոստիկանության մի շարք աշխատակիցներ:

Մինչ «Առավոտին» դիմելը, նրանք դիմել են ՀՀ կառավարությանը, սակայն հարցը որեւէ լուծում չի ստացել: ԶԼՄ օրենքի համաձայն, աղբյուրի խնդրանքով չբացահայտելով ոստիկանների ինքնությունը, հրապարակում ենք բողոքն ամբողջությամբ:

«Արդեն 3-րդ ամիսն է լրանում՝ ինչ մեր աշխատավարձերը չեն վճարում, նույնիսկ ում ուզում, նրան են տալիս:

Պահակետում 4-ի փոխարեն 3 հոգի է ծառայում, ինչը նշանակում է, որ ծառայողը օրենքով յուրաքանչյուր 4-րդ օրը աշխատանքի գնալու փոխարեն գնում է 3-րդ օրը, այսինքն՝ 1 ամսվա կտրվածքով 8 աշխատանքային օրվա փոխարեն աշխատում են 12 օր եւ դրա դիմաց չեն վարձատրվում:

Համազգեստ չեն տալիս, բայց փոխարենը պահանջում ...

Երեկ ՀՀ նախագահի նստավայրի դիմաց, ի պաշտպանություն «Ժամանակ Երեւան» թերթի խմբագիր Արման Բաբաջանյանի, բողոքի ցույց էին կազմակերպել լրագրողները: 3 տարի առաջ նույն այս օրը զորակոչից խուսափելու մեղադրանքով 3,5 տարվա ազատազրկման ենթարկվեց Ա. Բաբաջանյանը: Երեկ, սակայն, լրագրողները չկարողացան ակցիան շարունակել, քանի որ ոստիկանները խոչընդոտում եւ թույլ չէին տալիս նրանց իրենց պահանջները ներկայացնել: «Oգնության» եկած քաղբանտարկյալ Վարդգես Գասպարին պառկեց նույնիսկ մայթին, քանի որ ոստիկանները լրագրողներին «ուղեկցում» էին դեպի Սիրահարների այգի, որեւէ պարզաբանում չտալով իրենց գործողությունների համար:

Երեկ ՀՀ նախագահի նստավայրի դիմաց հանրահավաք էին կազմակերպել 80 ցմահ ազատազրկման դատապարտվածների հարազատները: Նրանք պատրաստել էին նամակ, որն ուղղված էր ՀՀ նախագահ Ս. Սարգսյանին ու նախագահականին կից գործող Հանրային խորհրդի նախագահ Վ. Մանուկյանին: Նամակին կից ցմահ ազատազրկվածների հարազատները կցել էին 12 500 ստորագրությամբ դիմում: Նրանք գտնում են, որ ցմահների խնդիր մեզանում կա եւ դրա լուծման համար անհրաժեշտ է քաղաքական կամք:

Նախորդ երեկոյան հրդեհ էր բռնկվել Երեւանի Մյասնիկյան պողոտայում՝ «Ռան Օյլ» բենզալցակայանի տարածքում: Իսկ Արզնի գյուղի թիվ 1 առողջարանում այրվել էր «Հայաստանի առողջարաններ» հիմնադրամին պատկանող՝ թիվ 3 չգործող մասնաշենքի տանիքը՝ 360 քմ մակերեսով: Մեկ այլ հրդեհ էլ բռնկվել էր Երեւանի Աճառյան 2-րդ փակուղում՝ ՁԻԱՀ կանխարգելման կենտրոնի շենքի 3-րդ հարկում: Ըստ ԱԻՆ պաշտոնական տեղեկատվության, ամբողջությամբ այրվել էր դեղորայքի պահեստը: Մեկ այլ ահազանգ էլ ստացվել էր Գեղարքունիքի մարզից: Երեկ ժամը 02.45-ին հրդեհ է բռնկվել «Հարսնաքար» համալիրի տարածքում: Ամբողջությամբ այրվել էր «ԲՄՎ» մակնիշի 11 ՏՕ 186 պետհամարանիշի ավտոմեքենան:

ԿԵՆԴԱՆԱԲԱՆԱԿԱՆ ԱՅԳՈՒ ՓՈՍԸ

Կենդանաբանական այգի հաճախած 5-ամյա երեխայի կոշիկը հայտնվեց պատահական բացված այս փոսում: Փոսը դեպի «սեւ կարապներ» տանող արահետի վրա էր: Երեխայի տատն ու հորաքույրը կանչեցին այգու աշխատակիցներին, որպեսզի նրանք օգնեն կոշիկը փոսից հանել: Այգու աշխատակիցները հրաժարվեցին, պատճառաբանելով, թե փոսի տակ 5 մ խորությամբ ճահիճ է եւ ոչնչով չեն կարող երեխային օգնել: Տատն ու հորաքույրը ելքը գտան. տժժացող արեւի տակ երեխայի ոտքին ցելոֆանե տոպրակ հագցրին:

Այս փոսն ու ճահիճը երեկվա դրությամբ դեռ «դիմավորում» են երեխաներին, վտանգում նրանց: Սակայն այգու տնօրինությունը ոչինչ չի ձեռնարկում վտանգավոր անցուղու մասին գոնե նախազգուշական ցուցանակ ...

Մարդու իրավունքների եվրոպական դատարան են դիմել Մոսկվայի շրջանի Նեկրասովկայի ավտոտնակներ կառուցող թիվ 8 կոոպերատիվի անդամները, որոնց ավտոտնակների քանդման մասին որոշում է կայացրել Մոսկվայի Կուզմինսկի շրջանային դատարանը, գրում է yandex.ru-ն: Դատարանը որոշում էր կայացրել նրանց զրկել ավտոտնակների սեփականության իրավունքից: Չնայած սեփականության իրավունքի առկայությանը, Նեկրասովի շրջանում քանդվել է 640 ավտոտնակ:

Դատական որոշումը չի համապատասխանում քաղաքացիական կոդեքսին, փոխարենը քաղաքացիներին վճարել են շուկայականից երկու անգամ պակաս գումար: «Սա այն դեպքն է, երբ քաղաքացիները հույսները կորցրել են հայրենի դատարաններում եւ փորձում են իրենց պաշտպանությունը գտնել Ստրասբուրգի դատարանում,- ասում է «Յաբլոկո» կուսակցության առաջնորդ, պատգամավոր Սերգեյ Միտլոխինը:- Ես շատ ցավում եմ, որ այսպիսի խնդիրների ...

Ստրասբուրգի Մարդու իրավունքների եվրոպական դատարան է դիմել կալանավոր Ալեքսանդր Բախմուտսկին: Դատարանը Ռուսաստանին պարտավորեցրել է Բախմուտսկուն որպես փոխհատուցում վճարել 42 հազար 600 եվրո, հաղորդում է BBC-ն: Բախմուտսկին ծնվել է 1969 թվականին եւ դատապարտվել է 13 տարվա ազատազրկման Ռոստովի շրջանի ուժեղացված ռեժիմի գաղութում՝ խաբեության, մարդկանց առեւանգման եւ գողության մեղադրանքով:

Բախմուտսկին դիմել է Ստրասբուրգի Մարդու իրավունքների եվրոպական դատարան՝ «ահավոր պայմանների», անօրինական պատժաչափի ժամկետների, ինչպես նաեւ՝ իր գործում սկզբնական դատական պրոցեսների սխալների համար:

Դատարանը, ուսումնասիրելով բողոքը, խոստովանեց, որ, իսկապես, կալանավորը գրեթե 6 տարի գտնվել է քննչական մեկուսարանում այլ կալանավորների հետ, քնել եւ նրանց հետ օգտվել է նույն զուգարանախցից եւ ունեցել է 1 քմ-ից պակաս որպես սեփական ...

Երեկ ԱԺ պատգամավոր Զարուհի Փոստանջյանը հերթական՝ թվով չորրորդ ելույթն է ունեցել ԵԽԽՎ լիագումար նիստում: Ելույթը ներկայացնում ենք ըստ «Ժառանգության» հաղորդագրության:

Հարգելի գործընկերներ, «Եվրոպայի ժողովրդական կուսակցություն» խմբի անունից ցանկանում եմ ողջունել զեկուցող Սեսիլիա Կեավենիի հրաշալի աշխատանքը: Ողջունում եմ իռլանդացի մեր լավ գործընկերոջը, ով դժվարին գործ է կատարել եւ համալիր մտածողություն ցուցաբերել այնպիսի բարդ խնդրի վերաբերյալ, ինչպիսին հակամարտության պատմության դասավանդումն է բուն հակամարտության գոտիներում: Թե Իռլանդիայում ու Անգլիայում, թե Բոսնիայում ու Հերցեգովինայում եւ թե Կիպրոսում ու Թուրքիայում տիկին Կեավենին հույսի ու առաջընթացի վկայություն է արձանագրել: Նաեւ նրա անսահման ջանքերի ...

Հինգշաբթի լույս ուրբաթ գիշերը 50 տարեկան հասակում Լոս-Անջելեսում, Կալիֆոռնիայի համալսարանի բժշկական կենտրոնում իր մահկանացուն կնքեց փոփի արքա, մի քանի սերունդների երաժշտական կուռք դարձած Մայքլ Ջեքսոնը: Նրա արվեստը որքան հանրամատչելի, նույնքան էլ օրիգինալ էր: Նա իր տեսակի մեջ անկրկնելի էր:

Ջեքսոնի մահվան նախնական պատճառը ցավազրկող դեղերի չարաշահումն էր: Հուլիսի 13-ին սկսվելու էին Ջեքսոնի լոնդոնյան 50 համերգները, որոնք ազդարարելու էին փոփի արքայի վերադարձը շոու-բիզնես: «Ահա եւ ամենը» կոչվող շոու ծրագիրն այնքան մեծ աժիոտաժ առաջացրին Մայքլ Ջեքսոնի երաժշտության սիրահարների մոտ, որ նախատեսված 10 համերգների փոխարեն դրանց քանակը հինգ անգամ ավելացավ: Սպասվում էր, որ Լոնդոնում Ջեքսոնի համերգները դիտելու հնարավորություն կունենա ավելի քան 1 ...

Շրի-Լանկայում ձերբակալվել է այդ երկրում բավականին ճանաչված աստղագուշակ Չանդրասիրի Բանդարան, որը կանխագուշակել էր երկրի նախագահ Մահինդա Ռաջապակսեի մոտալուտ հրաժարականը: Նա ասել էր, թե սեպտեմբերին Ռաջապակսեն կթողնի նախագահի պաշտոնը, որը կզբաղեցնի վարչապետ Ռաթնասիրի Վիկարամայկեն: Իսկ վերջինիս աթոռը կտրվի ընդդիմությանը: Այս կանխագուշակումը Բանդարան արել էր ընդդիմության հետ հանդիպման ընթացքում, ավելին՝ հրապարակել էր տեղական թերթերից մեկում:

Արդյունքում՝ իշխանությունները որոշել են ձերբակալել աստղագուշակին, որպեսզի պարզեն՝ ինչի՞ վրա են հիմնված նրա կանխատեսումները: Նկատենք, որ Բանդարան ամենշաբաթյա հաղորդումներ է վարում շրիլանկյան հեռուստաեթերում, բացի այդ՝ իր կանխատեսումները հրապարակում է նաեւ ընդդիմադիր թերթերից մեկում:

Շրի-Լանկայում քաղաքական գործիչները շատ լուրջ են վերաբերվում ...

Ղարաբաղյան հակամարտության առաջացման մեջ մեղավոր է Սովետական Միությունը, մեղավոր է ստալինյան ազգային քաղաքականությունը, մեղավոր է Միխայիլ Գորբաչովը, ով 80-ականների վերջում իրավիճակն իր վերահսկողությունից բաց է թողել: «ԱրմԻնֆո»-ի թղթակցին այդպիսի կարծիք է հայտնել «Ինքներդ դատեք» հեռուստահաղորդման վարող Մաքսիմ Շեւչենկոն: «ԽՍՀՄ քաղաքացիների միջեւ գործը պատերազմի հասցնելու համար պետք էր հատուկ ջանք գործադրել, դա պետք էր կարողանալ անել: Մոսկվայում այդ ժամանակաշրջանում այն աստիճան գործից գլուխ չէին հանում, որ սկսեցին հակասական հայտարարություններ անել, որոնք արմատապես հակասում էին առողջ մտածողությանը: Որոշները պաշտպանում էին Ադրբեջանին, որոշները՝ Հայաստանին, արդյունքում դա բերեց այն բանին, որ ղարաբաղյան հակամարտությունը դարձավ Սովետական Միությունը փլուզող հակամարտություններից առաջինը»,- ...

Երեկ Շվեդիայի մայրաքաղաք Ստոկհոլմում գտնվող Իրանի Իսլամական Հանրապետության դեսպանատան դիմաց կայացած ցույցի ընթացքում ցուցարարները՝ մոտ 150 հոգի, որոնցից շատերը՝ դիմակներով, սկսել են քարեր նետել դեսպանատան շենքի վրա, ապա նույնիսկ փորձել են ներխուժել դեսպանատուն: Երեկ, Երեւանի ժամանակով 23.30-ի տվյալներով, դեռ հայտնի չէր՝ նրանցից որեւէ մեկին հաջողվե՞լ է հայտնվել դեսպանատանը, թե՞ ոչ: Անկարգությունների վայր է ժամանել ավելի քան քսան ոստիկան եւ սկսել կարգի հրավիրել տաքացած ամբոխին: Նախորդ մի քանի օրերին այդ նույն տեղում կայացել են խաղաղ հավաքներ:

ԱՄՆ-ի, Եվրոպայի մի շարք երկրների իրանական դեսպանատների առջեւ, հունիսի 12-ին Իրանում կայացած նախագահական ընտրություններից հետո, պարբերաբար ցույցեր եւ պիկետներ են կազմակերպում իրանական քաղաքացիություն կամ արմատներ ունեցող անձինք: Նրանք բողոքում են Մահմուդ ...