Ադրբեջանի նախագահ Իլհամ Ալիևը հայտարարել է, որ Հայաստանի նոր իշխանությունները պատասխանատվության զգացում չունեն, հանդես են գալիս «հիմար հայտարարություններով» և «այնպիսի քայլեր են ձեռնարկում, որոնք նպաստում են սահմանին լարվածությանը»:
«Ադրբեջանական բանակը տալիս է և կշարունակի արժանի դիմադրություն տալ, ինչպես որ նրանց սանձեց 2016թ. ապրիլյան մարտերի ժամանակ, ազատեց մեր տարածքների մի մասը»,- հայտարարել է Ալիևը: «Մենք հետագայում էլ անհրաժեշտ պահին ծանրակշիռ հակահարված կտանք նրանց»:
Ալիևը նշել է, որ այդ քաղաքականությունն իրենք կշարունակեն, ավելի կամրապնդեն բանակը, կավելացնել դրա բյուջեն և կբազմապատկեն բանակի մարտունակությունը:
Պատրաստեց՝ Վիկտորյա ԱՆԴՐԵԱՍՅԱՆԸ
