Լրահոս
Օրվա լրահոսը

Համաներված քաղաքացիները կրկին բնակարան են թալանել, դանակահարություն կատարել

Դեկտեմբեր 20,2018 16:55

Համաներմամբ ազատ արձակվածներից ոմանք կրկին կալանավայր կվերադառնան: Այսօր այս մասին ասաց ոստիկանապետ Վալերի Օսիպյանը: Aravot.am-ը պարոն Օսիպյանին հարցրեց՝ համաներմամբ ազատ արձակված քանի՞ քաղաքացի է հանցագործություն կատարել եւ մասնավորապես՝ ինչպիսի հանցագործություններ: Պարոն Օսիպյանն ասաց, որ ե՜ւ բնակարան են թալանել, ե՜ւ դանակահարություն կատարել ու այլ խուլիգանություններ արել: Բայց թե քանիսը՝ ոստիկանապետն ասաց՝ դեռ չեն ամփոփել, տարեվերջյան ասուլիսին այդ թիվն էլ կհայտնեն:

«Այս պահի դրությամբ չեմ կարող հստակ ասել, բայց կան այնպիսիներ, որ կրկնակի հանցագործություն են կատարել: Մենք հունվարին ձեզ կհրավիրենք, եւ այն մտահոգությունները, որոնք կան, թե ՀՀ-ում տեղի է ունենում հանցավորության աճ, մանրակրկիտ ասուլիս կհրավիրենք, ինքներդ էլ կհամոզվեք, որ դա իրականությանը չի համապատասխանում: Աճ կա, բայց դա համահունչ է, ինչպես մյուս պետություններում է»,- ասաց նա:

Լուսինե ԲՈՒԴԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2018
Երկ Երե Չոր Հնգ Ուրբ Շաբ Կիր
« Նոյ   Հուն »
 12
3456789
10111213141516
17181920212223
24252627282930
31