ՀՀ կառավարության դիմաց այսօր բողոքի ցույց էին կազմակերպել ցմահ ազատազրկման դատապարտված եւ պատիժն արդեն 22 տարի կրող Արմեն Տեր-Սահակյանի ընտանիքի անդամները, ընկերներն ու մտերիմները:
Նրանք պահանջում են վարչապետ Նիկոլ Փաշինյանի հետ հանդիպում, որպեսզի բարձրաձայնեն Արմեն Տեր-Սահակյանին պետության կողմից ներում շնորհելու հարցը: «Քրեակատարողական հիմնարկում Պրոբացիոն ծառայության ներկայացուցիչները կես ժամ հորս հետ զրուցելուց հետո նրան որակել են որպես «ռիսկային»: Ինչպե՞ս կարող էին նման որակում տալ, ի՞նչ հիմունքներով են նման բան գրել՝ այն էլ այն դեպքում, երբ հայրս ունի խրախուսանքներ, պատվոգիր: Նա չունի կարգապահական տույժեր ու խախտումներ»,-լրագրողների հետ զրույցում նման հարցադրումներ արեց Արմեն Տեր-Սահակյանի որդին՝ Աբգար Տեր-Սահակյանը:
Հիշեցնենք, որ 55-ամյա Արմեն Տեր-Սահակյանը մեղավոր էր ճանաչվել Ներքին զորքերի նախկին հրամանատար Վահան Հարությունյանի՝ բանդայի կազմում մի շարք սպանությունների համար:
«Մենք ոչ ոքի չենք վստահում, բացի վարչապետից, այդ պատճառով հանդիպում ենք ակնկալում: Նախորդ տարիներին մեր հորը վաղաժամկետ ազատ արձակելու դիմումը մերժում էին: Կարծում ենք՝ քաղաքական դրդապատճառներ կան: Իսկ մեկ տարի առաջ ՔԿՀ-ն դրական եզրակացություն է տվել նրան վաղաժամկետ ազատ արձակելու դիմումին: Մենք ներման խնդրագիր ենք հղել, ակնկալում ենք ներում. այդ խնդրագիրը հոկտեմբերից վարչապետի մոտ է»,-տեղեկացրեց Աբգար Տեր-Սահակյանը:
Այլ մանրամասները՝ տեսանյութում:
Ուղիղ։ Վանո Սիրադեղյանի գործից անջատված մասով ցմահ ազատազրկման դատապարտված Արմեն Տեր-Սահակյանի ընտանիքի անդամները ցուցն են անում կառավարության դիմաց
Gepostet von Aravot am Freitag, 18. Januar 2019
Լուիզա ՍՈՒՔԻԱՍՅԱՆ
