Լրահոս
Օրվա լրահոսը

Կրակոցներ, ռազմատեխնիկայի ցուցադրություն Գյումրու Վարդանանց հրապարակում (Տեսանյութ, ֆոտոշարք)

Մայիս 09,2019 16:05

Այսօր Գյումրու Վարդանանց հրապարակում ՀՀ զինված ուժերի, ԱԱԾ-ի, արտակարգ իրավիճակների նախարարության զորքերի ստորաբաժանումների, ԵԿՄ-ականների ու Գյումրիում տեղակայված 102-րդ ռազմաբազայի զորքերի մասնակցությամբ տեղի ունեցավ մեծ շքերթ՝ նվիրված Հայրենական Մեծ պատերազմում տարած հաղթանակի 74-ամյակին։

Շքերթին մասնակցում էին Շիրակի մարզային, հոգևոր ու քաղաքային իշխանությունները, հրամանատարը ռուսական 102-րդ ռազմաբազայի ղեկավար, գնդապետ Վլադիմիր Ելկանովն էր։

Հնչեցին շնորհավորանքներ․ Գյումրու քաղաքապետ Սամվել Բալասանյանն իր ելույթում նշեց, որ շուրջ 600 հազար հայորդիներ են մասնակցել Հայրենական Մեծ պատերազմին, ու հայ ազգը տվել է մարշալներ ու գեներալներ, Խորհրդային Միության հերոսներ։

Սամվել Բալասանյանն առանձնակի շեշտադրեց Շուշիի ազատագրումը՝ հիշեցնելով, որ մայիսի 8-ին պարտադրված պատերազմում հայ կամավորական ջոկատները հաջողությամբ իրականացրեցին «Հարսանիքը լեռներում» օպերացիան։

Զորահանդեսին ցուցադրվեց 102-րդ ռազմաբազայի ռազմական տեխնիկան՝ մանրամասն ներկայացնելով, թե յուրաքանչյուրն ինչ նպատակի է ծառայում, տեղի ունեցան զորավարժություններ, որոնք ուղեկցվեցին կրակոցներով։

Նկատենք, որ այսօր Գյումրու կենտրոնական հրապարակում ասեղ գցելու տեղ չկար․ շքերթի էին դուրս եկել ինչպես պատերազմի վետերաններն, այնպես էլ փոքրիկների ձեռքը բռնած, նույնիսկ նորածիններին գրկած ծնողները։

Վարդանանց հրապարակից մարդկանց բազմությունը շարժվեց դեպի «Մայր Հայաստան» հուշահամալիր՝ ծաղիկներ խոնարհելու Հայրենական Մեծ պատերազմում զոհվածների հիշատակին։

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2019
Երկ Երե Չոր Հնգ Ուրբ Շաբ Կիր
« Ապր   Հուն »
 12345
6789101112
13141516171819
20212223242526
2728293031