Մարտի 17-ին Հայաստանի Հանրապետության սահմանադրական դատարանում (ՍԴ) անցկացվեցին նիստեր` քննության առնելու մի շարք օրենքների հոդվածների՝ Սահմանադրությանը համապատասխանության հարցը:
ՍԴ նախագահ Հրայր Թովմասյանը տեղեկացրեց՝ ՍԴ նիստին ներկա են ՍԴ ինը դատավորներից 8-ը. բացակա էր Վահե Գրիգորյանը: Հրայր Թովմասյանը վստահեցրեց՝ ՍԴ նիստն իրավազոր է և պարզաբանեց. «Երեկ ՀՀ Կառավարության որոշմամբ՝ Հայաստանում հայտարարվել է արտակագ դրություն, սակայն արտակարգ դրության իրավական ռեժիմի մասին օրենքի 7-րդ հոդվածի 3-րդ մասի համաձայն՝ արտակարգ դրության ժամանակ հիշյալ հոդվածով նախատեսված միջոցառումների իրականացումը չի կարող խոչընդոտել ՀՀ ՍԴ բնականոն գործունեությունը, և մենք շարունակում ենք մեր գործունեությունը»:
Նա հայտնեց, որ մարտի 12-ին դիմել է մի շարք քաղաքացիների, որ ձեռնպահ մնան այսօվա նիստին ներկա լինելուց: Եվ արձանագրեց, որ նիստին չեն մասնակցում մեծաթիվ քաղաքացիներ, բայց ԶԼՄ-ների ներկայացուցիչներ ներկա են:
Տաթև ՀԱՐՈՒԹՅՈՒՆՅԱՆ
