Լրահոս
Օրվա լրահոսը

«Արտահերթ ընտրությունները Հայաստանի ներքին գործն են». Սերգեյ Կոպիրկին

Մարտ 26,2021 17:58

«Արտահերթ ընտրությունները Հայաստանի ներքին գործն են: Մենք շատ ուշադիր կհետեւենք զարգացումներին»,- այսօր լրագրողների հետ զրույցում ասել է ՀՀ-ում ՌԴ դեսպան Սերգեյ Կոպիրկինը:

«Հույս ունենք, որ բոլոր գործընթացները կնպաստեն հասարակության համախմբմանը եւ կնպաստեն հասարակության առջեւ կանգնած խնդիրների լուծմանը»,- ասել է դեսպանը:

Դեսպանը տեղեկացրել է, որ ինքը պարբերաբար հանդիպումներ է ունենում հայաստանյան տարբեր քաղաքական ուժերի ներկայացուցիչների հետ, որոնք գաղտնի չեն, այդ մասին տեղեկություններ են հրապարակվում մամուլում: Դրանց ընթացքում քննարկվում են տարբեր հարցեր:

Առհասարակ, նաեւ նման հանդիպումներն, ըստ Կոպիրկինի, դիվանագետի հիմնական գործառույթներից մեկն են եւ ինքը պատճառ չի տեսնում հանրության`քաղաքական, տնտեսական եւ այլ շերտերի հետ հանդիպումներից եւ քննարկումներից հրաժարվելու համար:

Դեսպանը հրաժարվեց մեկնաբանել տարբեր քաղաքական ուժերի եւ նրանց ղեկավարների կողմից այս ընթացքում հնչող եւ ՌԴ-ի շահերին վերաբերող հայտարարությունները: Ասաց`իր կողմից ոչ տեղին կլինի մեկնաբանելը. «Մենք ելնում ենք նրանից, որ ՌԴ-ի եւ ես վստահ եմ, նաեւ ՀՀ-ի հետաքրքրությունները խոսում են հօգուտ դաշնակցային հարաբերությունների ամրապնդման: Ես իմ նպաստն եմ բերում դրան`չխառնվելով Հայաստանի ներքին գործերին»:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2021
Երկ Երե Չոր Հնգ Ուրբ Շաբ Կիր
« Փետ   Ապր »
1234567
891011121314
15161718192021
22232425262728
293031