Աղավնոյի արդեն 2-րդ բնակիչն այրեց իր տունը, որ այն չմնա ադրբեջանցիներին: Հիշեցնենք, որ Արցախի իշխանությունները զգուշացրել էին բնակիչներին, որ տունն այրելու դեպքում փոխհատուցում չեն ստանա։
Այս անգամ Աղավնոյում իր տունն է այրել 44-օրյա պատերազմում հերոսացած Մհեր Հայրապետյանի եղբայրը՝ Արման Հայրապետյանը։ Նրա ավագ որդին՝ Ռուդիկը նույնպես մասնակցել է 44–օրյա պատերազմին, իսկ կրտսեր որդին այժմ ծառայում է բանակում․ «Ես բոլորի մոտ էլ ասել եմ՝ ուզում են թող փոխհատուցում էդ տասը միլիոնը չտան, ինձ դա պետք չէ, ինձ պետք է իմ սրբությունը, որ էս տանն իմ կինն է քնել, ես եմ քնել, իմ էրեխեքը, թուրքը չքնի»։
Նշենք, որ ավելի վաղ Աղավնոյում իր տունն այրել էր արցախյան պատերազմի մասնակից Արամ Իսախանյանը, որի հորեղբայրն ու ընկերները զոհվել են ռազմական գործողությունների ժամանակ։ Տունն ամբողջությամբ չի այրվել։ Այժմ ԱՄՆ-ում հայ համայնքի որոշ ներկայացուցիչներ դրամահավաք են նախաձեռնել նրա համար տուն գնելու նպատակով:
Համացանցում տարածում են դրամահավաքի մասին կոչերը եւ առաջարկում միանալ «արժանապատիվ հային» օգնելու գործին:
Կարդացեք նաև
Թե ինչպես է տունն այրում Արման Հայրապետյանը՝ տեսանյութում։
