ՀՀ ֆինանսների եւ էկոնոմիկայի նախարարին նոր եւ թեմատիկ անեկդոտի ակնկալիքով մոտեցա։ Նաեւ առիթը չփախցրի ճշտելու՝ շա՞տ է ազդվել Վարդան Խաչատրյանի ելույթից։
-Էմոցիոնալ պոռթկումներից կցանկանայի զերծ մնալ։ Պարզապես տհաճ է։ Պատգամավորներից մեկն ասաց, որ մարդ, վերջին հաշվով, բարեկիրթ, դաստիարակված պետք է լինի, չէ՞։ Որոշակի բարոյական նորմեր կան, որոնք չի կարելի շրջանցել։
-Երեւի կանանց նկատմամբ ձեր թուլությունը հաշվի առնելո՞վ էր, որ պրն Խաչատրյանը կանանց, նրանց ուղեղները մշուշելու ձեր կարողություններին էլ անդրադարձավ։
-Ինչպե՞ս կարելի է նման բան ասել. ուղղակի խոսք չունեմ ասելու։ Դա էլ է գալիս հավանաբար ինչ-որ բանի պակասից։ Որովհետեւ, երբ տղամարդը ճշգրիտ գնահատական չի կարողանում տալ կնոջն ընդհանրապես, հավանաբար դա իր պրոբլեմն է։
Կարդացեք նաև
-Լավ, իսկ թեմատիկ մի թարմ անեկդոտ չունե՞ք։
-Ի՞նչ կարող եմ պատմել։ Ամսվա վերջին կպատմեմ։ Թարմ անեկդոտներ այդ ժամանակ ենք ստանում։
Զարմանալի է, չէ՞, որ թարմ անեկդոտներն արդեն ֆինանսների նախարարության հասցեով են ստացվում։
Լ. Ա.
