«Շա՞տ է դժվարացել Ռոբերտ Քոչարյանի գործն այն բանից հետո, երբ նրան այլեւս խորհուրդներ չի տալիս Պարույր Հայրիկյանը»,- «Առավոտի» այս սրտացավ հարցին ի պատասխան նախագահի խոսնակ Վահե Գաբրիելյանն ասաց. «Թեեւ Պարույր Հայրիկյանն այլեւս նախագահի խորհրդական չէ՝ նա շարունակում է ղեկավարել սահմանադրության փոփոխություններ նախապատրաստող եւ մարդու իրավունքների հարցերի հանձնաժողովները, որոնք երկուսն էլ խորհրդակցական մարմիններ են եւ գործում են նախագահին առընթեր»։
ԿԱՐԾԻՔԸ ՀԱՐՑՐԵԼ ԷՐ, ՈՐ ԱՆՏԵՍԻ
«Շամիրամ» խմբակցության ղեկավար Ջուլիետ Կաժոյանը բացահայտեց, որ իրենք Եվրախորհրդում Հայաստանի պատվիրակության ներկայացուցիչ էին առաջադրել Ամալյա Պետրոսյանին (ի դեպ, արձագանքելով ԱԺ նախագահի գրությանը՝ խմբակցության թեկնածու առաջարկելու վերաբերյալ)։ Եվ երբ պատվիրակության մեջ, այնուամենայնիվ, «Շամիրամից» հեռացված Գայանե Սարուխանյանն էր ընդգրկվել՝ նամակ էին ուղարկել Լենի Ֆիշերին. «Ընդամենն ասել էինք, որ դեմ չենք, որ Սարուխանյանն այնտեղ լինի, մասնակցի այդ գործընթացներին, բայց նա այլեւս չի արտահայտում մեր խմբակցության կարծիքը»։
ՄԵԿՆԱՐԿ
Կարդացեք նաև
«Առավոտին» հայտնի դարձավ, որ Իրանում ՀՀ արտակարգ եւ լիազոր դեսպան Գեղամ Ղարիբջանյանն իր պարտականությունները կատարելու համար Թեհրան կմեկնի փետրվարի 15-ին։ Նույն օրերին սպասվում է եւս մեկ դիվանագիտական նշանակում։
