Նաեւ մեծամասնական ընտրահամակարգով առաջադրվելու համար
Նախագահի աշխատակազմի վերահսկողական ծառայության ղեկավար, ԱԺՄ վարչության անդամ Դավիթ Վարդանյանն «Առավոտին» այսպես ներկայացրեց մեծամասնական ընտրահամակարգով պատգամավոր՝ իր չառաջադրվելու դրդապատճառները։
«ԱԺՄ վարչությունում այս հարցը քննարկվել էր եւ միայն Վազգեն Մանուկյանն էր ազատվել մեծամասնականով առաջադրվելուց։ Իմ ցանկությունն էր՝ առաջադրվելու դեպքում ուժերս փորձել կամ Աջափնյակում կամ Շիլաչիում, քանի որ հորս տունն այնտեղ է։ Վարչությունն ավելի պնդում էր, որ ես առաջադրվեմ այնտեղ, որտեղ ուժեղ կազմակերպություններ ունենք, ասենք՝ Զեյթունում կամ Հարավ Արեւմտյան զանգվածում։
Ի վերջո, տեսա, որ եթե մեծամասնական ընտրապայքարի մեջ մտնեմ՝ «ԱրմենՏելի» գործը չեմ հասցնի։ Հնարավոր չէ միաժամանակ երկու ձմերուկ բռնել։ Բավական առաջ ենք գնացել, խորացել, պիկին ենք հասել։ Եվ հնարավոր չէր դա սառեցնել մինչեւ ես ընտրվեի՝ հետո շարունակեի։
Կարդացեք նաև
Դրա համար էլ վարչությունում առաջադրեցի այդ հարցը, որ որոշեն՝ կամ մեկով եմ զբաղվում, կամ մյուսով։ Քննարկեցինք ու որոշեցինք, քանի որ «ԱրմենՏելը» հասարակական հնչեղություն ունի եւ, ի վերջո, պիտի հասցվի մինչ հունիսի 3-ը, իսկ դա համընկնում է ընտրարշավի ժամկետների հետ՝ ես չեմ առաջադրվի»։
Ա. Ի.
