ՆՈՐ Ե՞րբ եւ ո՞ր գործիչն է արտահայտել հետեւյալ միտքը. «Եթե մենք՝ կոմունիստներս, մտածում ենք ստամոքսով, դուք՝ ՀՀՇ-ականներդ, գլխով, ինչո՞ւ ենք մենք նիհարում, դուք՝ չաղանում»։ ՆԱԽՈՐԴ «Հեղափոխությունները բնորոշվում են այնպիսի հատկանիշով, որ այդ ալիքին իշխանության եկած մարդիկ լինում են մեծամիտ-ինքնավստահ։ Երբեմն իրենց վեր դասելով օրենքից եւ համբերություն չունենալով գնալու օրինական ճանապարհով՝ նրանք գերադասում են արհամարհել օրենքը՝ հանուն այն ծրագրերի, որոնք, իրենց համոզմամբ, ունակ են «երջանկացնելու» ժողովրդին։ Վերջնակետում միշտ էլ նպատակների եւ արդյունքի անհամապատասխանությունն է»,- բավական իմաստուն միտք է՝ արժանի զետեղման նշանավոր ասույթների որեւէ ժողովածուի մեջ։ Բայց ինչպես թեւավոր մտքերից շատերի հեղինակներին քչերը գիտեն, այնպես էլ մեր ընթերցողների համար անհայտ էր մնացել, որ սույն բնորոշումը հենց մեր վերջին հեղափոխության առաջնորդներից մեկին է պատկանում, որը եւս այդ ալիքի միջոցով առժամանակ մնաց իշխանության գագաթին։ Վազգեն Մանուկյանն այդ մտքերն արտահայտել էր 1995-ի նոյեմբերին։
