«Կանազ» գործարանի հիմնադրման 50-ամյակի առիթով գործարան այցելած Ռոբերտ Քոչարյանին բանվորներից մեկն ասել է. «Եթե նախագահը մեր թիկունքին կանգնած լինի՝ մեր ժողովուրդը սարեր շուռ կտա, ամենայն ազնվությամբ»։ Քոչարյանն այսպես է պատասխանել. «Մեր պետական կառուցվածքում մենակ նախագահը չի։ Կա կառավարություն։ Կա Ազգային ժողով։ Եվ ամենից վատը, որ ամբողջ բանը… սենց, բուրգի վերեւին եք ուղղում»։ «Է՛, վերեւից պիտի սկսվի, էլի»,- արձագանքել է մեկ այլ բանվոր, բավական զվարճացնելով նախագահին։
ԱՐԴԱՐԱՑՈՒՄԸ ՄԻԱԿ ՃԻՇՏ ՎՃԻՌՆ Է
Բլեյանի գործի դատաքննությունը վարող դատավոր Իսկուհի Վարդանյանը փոքր Մհերի պես փակվել է… խորհրդակցական սենյակում։ Եվ հայտնի չէ՝ ի վերջո ե՞րբ է հնչելու դատավճիռը։ Իսկ մինչ այդ՝ Աշոտ Բլեյանի պաշտպանության հասարակական խորհուրդը համոզմունք է հայտնել. «Միակ օբյեկտիվ եւ ճշմարտացի վճիռը պետք է լինի արդարացման դատավճիռը։ Միայն այդ դեպքում դատարանը կարող է ցույց տալ, որ անկախ է եւ զերծ արտաքին ճնշումներից։ Հակառակ դեպքում, մենք դատավճիռն ընդունելու ենք որպես Ռ. Քոչարյանի վարչախմբի պարտադրանքի իրագործում նրա կամակատար դատախազության ու դատարանի ձեռքերով»։
Կարդացեք նաև
ՆԵՐՈՂՈՒԹՅՈՒՆ ԿԽՆԴՐԻ՞
«Առավոտը» հաջողեց պարզել, որ «Ար» հեռուստաընկերության «Անուշադրության կենտրոն» հաղորդաշարի ընթացքում Արկադի Վարդանյանին «դուրսպրծուկ» անվանել էր Ալվարդ Պետրոսյանը եւ ոչ թե Անդրանիկ Մանուկյանը։ Ուստի այս առնչությամբ վերջինիս հասցեին դերասան Կարեն Ջանիբեկյանի վիրավորանքը, մեղմ ասած, անտեղի էր։