ՄԻԱՄՅԱԿ Երեկ վճռաբեկ դատարանի 4-րդ հարկի դահլիճում նշվեց «Օրենք եւ իրականություն» իրավաբանական-լրագրողական հանդեսի մեկ տարին։ Շնորհավորելու էին եկել ճանաչված իրավաբաններ, ԱԺ պատգամավորներ, լրագրողներ։ «Մեր խնդիրն է,- վերջին համարում ավետում է հանդեսը,- ձեռքներս ԱԺ օրինաստեղծ զարկերակին դուրս գալ Բաղրամյան պողոտա ու տեսնել՝ ցանկապատից այս կողմ օրենքն իրականության մեջ մարդկանց օգնո՞ւմ է ապրել, թե՞ քշում է ամերիկյան դեսպանատուն»։ Հանդեսի հիմնադիրն է Գերագույն դատարանի նախկին դատավոր Թաթուլ Բադասյանը, խմբագիրը՝ Ռադեմիկ Ավետիսյանը։ Տպաքանակը՝ 1000 օրինակ։ Սեփ. լր.