ՀՀ նախագահի թեկնածուների նախընտրական պաստառները կարող են հայտնվել ամենաանսպասելի վայրերում
![\"\"](\"https://www.aravot.am/2008/aravot_arm/February/9/p2-6.jpg\")
Պաստառների առատության առումով՝ թերեւս բացահայտ առաջատարը ՀՀ նախագահի թեկնածու, վարչապետ Սերժ Սարգսյանն է:
![\"\"](\"https://www.aravot.am/2008/aravot_arm/February/9/p2-5.jpg\")
Սակայն նրա կողմնակիցները շատ անգամ բնավ չեն մտահոգվում, թե որտեղ են փակցնում նրա պաստառները: Ասենք, Ռյա Թազա գյուղում Սերժ Սարգսյանի պատկերը հայտնվել է «Մթերքներ» մակագրության ներքո:
![\"\"](\"https://www.aravot.am/2008/aravot_arm/February/9/p2-3.jpg\")
Եղեգնաձորում վարչապետն ակամա մասնակից է դարձել տեղական տաքսի ծառայության գովազդարշավին:
![\"\"](\"https://www.aravot.am/2008/aravot_arm/February/9/p2-2.jpg\")
Երեւանի ոսկու շուկայի դիմաց այս պաստառի տեղադրումից ակնհայտ է դառնում, որ դեպի մրցունակ տնտեսություն մեր առաջընթացի ճանապարհին կա առնվազն մեկ ավտոկանգառ՝ եւ բարեբախտաբար, այն անվճար է:
Սերժ Սարգսյանի պաստառը կարող է հայտնվել՝ ինչպես այս նկարում է, խաչապուրիի, կարկանդակի, տաք թեյի եւ սուրճի գովազդի արանքում: Նրա նկարը տեղադրվում է նաեւ գեղեցկության կենտրոնների ցուցանակի կամ զեղչերի հայտարարությունների ներքո:
![\"\"](\"https://www.aravot.am/2008/aravot_arm/February/9/p2-1.jpg\")
Սակայն այս մի պաստառը փակցվել է օրենքի հստակ խախտմամբ: Նկարում պատկերված է Դիլիջանի զինվորական կոմիսարիատը: Մինչդեռ «Ընտրական օրենսգրքի» 18 հոդվածի համաձայն՝ զինծառայողներին «արգելվում է նախընտրական քարոզչություն կատարել եւ ցանկացած բնույթի քարոզչական նյութ տարածել»:
![\"\"](\"https://www.aravot.am/2008/aravot_arm/February/9/p2.jpg\")
Այս մի ռեպորտաժում անդրադարձանք Սերժ Սարգսյանի պաստառների տեղաբաշխմանը: Սակայն այլ թեկնածուների պատկերների մասին եւս կարելի էր պատրաստել նման ռեպորտաժ. վկան՝ Մաշտոցի պողոտայում ՀՀ նախագահի թեկնածու Արտաշես Գեղամյանի այս պաստառն է:
