ՀՀԿ խոսնակ, Ազգային ժողովի պատգամավոր Էդուարդ Շարմազանովը հակադարձելով Արտյոմ Խաչատրյանի կողմից վերջերս արտահայտած որոշ մտքերին՝ երեկ «Առավոտի» թղթակցի հետ զրույցում պաշտոնապես հայտնեց. «Սերժ Սարգսյանը Հանրապետական կուսակցության նախագահն է, եղել եւ մնում է Վազգեն Սարգսյանի գաղափարական զինակիցը: Սպարապետի նման կերպարները իրենց գոյությունը պահպանում են անգամ ֆիզիկական մահից հետո: Սերժ Սարգսյանը ՀՀԿ ղեկավարն է, իսկ մեր կուսակցությանը անդամակցելուց առաջ առնվազն պետք է կիսել կուսակցության ծրագրի եւ կանոնադրային դրույթները, որոնք հիմնականում հիմնված են Գարեգին Նժդեհի ուսմունքի վրա: Իր, այսպես կոչված, տեսակետներում Սպարապետին անվայելուչ բնորոշումներ տվող անձը քաղաքական մեկնաբանությունների
հարթությունից դուրս է»: