«Մադրիդյան սկզբունքների իրագործումն անմիջականորեն հարվածում է Հայաստանի պետական-ազգային անվտանգությանը, ինչը հայրենիքի դավաճանության ուղղակի վկայություն է: Մադրիդյան սկզբունքներն այժմ դարձել են լակմուսի թուղթ, որը հստակորեն գծում է պետական մտածողության եւ պետական դավաճանության միջեւ առկա սահմանը: Նվազագույնը հասարակական պարսավանքի (իսկ իրականում՝ քրեական պատասխանատվության) է արժանի յուրաքանչյուր անհատ, քաղաքական գործիչ կամ կուսակցություն, ով կանցնի այդ ջրբաժանը. տարբերությունը միայն պատասխանատվության չափերի մեջ է՝ կախված զբաղեցրած դիրքից եւ հասցրած վնասի չափից: Մենք հանդես չենք գալիս ընդդեմ հակառակ տեսակետ ունեցողների եւ նրանց խոսքի ազատության, այլ հիշեցնում ենք տարրական ճշմարտությունը»,- ասված է Ռազմավարական քաղաքականության ակումբի՝ երեկ տարածած հայտարարության մեջ:
