«Առավոտում» (15.10.2009) տպագրված «Բարեկարգո՞ւմ են» լուրի առնչությամբ Երեւանի քաղաքապետարանի լրատվական բաժնից օրերս լրացուցիչ պարզաբանեցին, որ Ավետիք Իսահակյանի արձանի հարեւանությամբ գործող «911» դեղատան հետնամասում կատարվող շինաշխատանքները կատարվում են, որպեսզի այդ տարածքում աղբամաններ տեղադրեն: Ըստ նույն աղբյուրի. «Իսկ թե ինչու է տվյալ հատվածը մեկ մետր բարձրությամբ պատվում, ապա հարկ ենք համարում նշել, որ այդ կերպ աղբը գտնվում է մարդկանց աչքից հեռու, եւ քամիների ժամանակ էլ աղբը ցաքուցրիվ չի լինի»: Հիշեցնենք, որ հիշյալ դեղատան հարեւանությամբ փոքրիկ պատ է շարվում, ինչի առնչությամբ իր նախկին պատասխանում քաղաքապետարանը պարզաբանել էր, որ բարեկարգման աշխատանքների պատճառով է այդտեղ շինարարություն արվում, սակայն հստակ չէին նշել, թե պատի նպատակը որն է:
