![\"\"](\"https://www.aravot.am/2010/aravot_arm/March/2/p1.jpg\")
Հայ ազգային կոնգրեսի հրավիրած մարտիմեկյան հանրահավաքից դեռ մեկ-երկու օր առաջ իշխանությունները հոգ էին տարել դրա պոտենցիալ մասնակիցներին «սպառնալ-մշակելով», որպեսզի հանրահավաքի չգնան: Այդ մասին երեկվա հանրահավաքում փաստեց Կոնգրեսի ներկայացուցիչ Արամ Մանուկյանը: Մարզերից դեպի Երեւան տանող ավտոճանապարհներն էլ երեկ առավոտյան ժամը 8:00-ից են փակ եղել՝ արձանագրել է նաեւ «Հելսինկյան քաղաքացիական ասամբլեայի Վանաձորի գրասենյակը»: Խոսքը տվյալ դեպքում մասնավորապես Լոռիից դեպի Երեւան ուղեւորատար միկրոավտոբուսները ոստիկանության ստորաբաժանումների՝ քրեական, պահակային եւ ճանապարհային, կողմից մշտական պահակային կետերում առանց որեւէ հիմնավորման կանգնեցնելու մասին է, թեեւ նույնը տեղի է ունեցել մյուս բոլոր մարզերից դեպի Երեւան տանող ճանապարհներին: Իսկ «Առավոտի» ֆոտոխցիկն այդ ապօրինությունները ֆիքսել է հենց տեղում՝ Աշտարակ-Երեւան ճանապարհին՝ Միջազգային կարմիր խաչի շենքի մոտ, Լոռիից եւ Շիրակից դեպի Երեւան տանող ճանապարհին, Արմավիր, Էջմիածին քաղաքներ տանող ճանապարհին: Իսկ Արտաշատում ոստիկաններն ուղղակի մտել էին ավտոկայան եւ տաքսիներին եւ գազելներին արգելում էին երթուղի դուրս գալ: Մարդիկ շվարած մնացել էին փողոցներում կանգնած:
Կարդացեք
