Ֆրանսիայի Նիս քաղաքում ավարտվում է աշխարհի 12 ուժեղագույն գրոսմայստերների մասնակցությամբ «կույր» եւ արագ շախմատի «Amber» անունը կրող ավանդական գերմրցաշարը, որին վերջին տարիներին մասնակցելու հրավեր է ստանում նաեւ մեր հանրապետության լավագույն շախմատիստ Լեւոն Արոնյանը: Սակայն այս անգամ Լեւոնն իրեն նման չէ: Իններորդ տուրում նա ոչ-ոքի խաղաց ուկրաինացի Ռուսլան Պոնոմարյովի հետ՝ «կույր» շախմատում տանուլ տալով, իսկ արագում՝ հաղթելով:
Ինը տուրից հետո Լեւոնը «կույր» շախմատում 3,0 միավորով զբաղեցնում էր 11-րդ հորիզոնականը, արագում՝ 5-րդը (5,0 միավորով): Իսկ գումարային մրցաշարային աղյուսակն այսպիսի տեսք ուներ.
1. Վասիլի Իվանչուկ 12,0
2. Մագնուս Կարլսեն 11,5
3. Վլադիմիր Կրամնիկ 11,0
4. Ալեքսանդր Գրիշչուկ 11,0
5. Բորիս Գելֆանդ 10,5
6. Սերգեյ Կարյակին 10,0
7. Վուղար Հաշիմով 9,5
8. Պյոտր Սվիդլեր 9,0
9. Լեւոն Արոնյան 8,0
10. Ռուսլան Պոնոմարյով 7,5
11. Յան Սմիթս 4,0
12. Լենյեր Դոմինգես 4,0
Երեկ կայացավ 11-րդ տուրը, որի զույգերն էին. Արոնյան-Գրիշչուկ, Սմիթս-Դոմինգես, Կարլսեն-Պոնոմարյով, Իվանչուկ-Կրամնիկ, Սվիդլեր-Գելֆանդ, Կարյակին-Հաշիմով: