![\"\"](\"https://www.aravot.am/2010/aravot_arm/May/27/p16.jpg\")
Մայիսի 29-ին Գ. Սունդուկյանի անվան ազգային ակադեմիական թատրոնում կկայանա հայ բեմի առաջին տիկին, ՀՀ եւ ԽՍՀՄ ժողովրդական արտիստուհի Վարդուհի Վարդերեսյանի բենեֆիսը: Մարտի 19-ին դերասանուհին դարձավ 82 տարեկան, բայց մինչ այսօր շարունակում է հիացնել իր արվեստի մեծաթիվ երկրպագուներին՝ ոչ միայն կախարդիչ խաղով, այլեւ կանացի հմայքով: Տիկին Վարդուհին այն բացառիկ արվեստագետներից է, որոնք չցանկացան լինել «պալատական» հովանու ներքո. նա իբրեւ քաղաքացի ու մարդ միշտ կանգնած է եղել իր ժողովրդի կողքին:
Պատահական չէ, որ 2 տարի առաջ արվեստագետը հրաժարվեց նշել իր ծննդյան 80-ամյակը, հարցազրույցներից մեկում ասելով, թե չի ցանկանում խնջույք՝ ժանտախտի պահին. «Ի՞նչ հոբելյանի մասին է խոսքը, երբ երկրում նման իրադարձություններ են կատարվում»:
