Արմավիրի մարզի Երվանդաշատ գյուղի մոտակայքում, Արաքս գետի ափին արգելաթմբի վերականգնման նպատակով կառավարության երեկվա որոշմամբ 152 միլիոն 296 հազար դրամ հատկացվեց գյուղատնտեսության նախարարությանը: ՀՀ գյուղատնտեսության նախարար Գերասիմ Ալավերդյանի խոսքով՝ «Տրամադրված գումարից 142 միլիոն 996 հազար դրամը կուղղվի վերականգնման աշխատանքներին, 2 միլիոն 150 հազարը՝ դրանց կատարման որակի նկատմամբ տեխնիկական հսկողության ծառայությունների իրականացմանը, 7 միլիոն 150 հազար դրամը՝ փորձաքննություն անցած փաստաթղթերի ձեռքբերմանը»: Վարչապետ Տիգրան Սարգսյանն էլ այս առիթով ասաց. «Վարարումները շարունակվում են, այս խնդիրը դեռ լուծված չէ, լրացուցիչ ծախսեր էլ են պահանջվելու, քանի որ վարարման սեզոնը չի ավարտվել ու անհրաժեշտ է նվազագույնի հասցնել դրա բացասական հետեւանքները»: