Երեկ ՀՀ ԳԱԱ Հնագիտության եւ ազգագրության ինստիտուտում կայացավ «Les douze capitales d Armenie» («Հայաստանի տասներկու մայրաքաղաքները») գրքի շնորհանդեսը: Ընթերցողին է ներկայացվում հայոց 12 մայրաքաղաքներին նվիրված շքեղ մի գիրք, որը հրատարակության են պատրաստել անվանի հայագետներ Կլոդ Մութաֆյանը եւ Պատրիկ Տոնապետյանը, տեղեկացնում է «Արաքսը»: Տեքստերը հեղինակել են բնագավառի լավագույն մասնագետները: Գիրքը հրատարակվել է Ֆրանսիայում, ֆրանսերեն եւ ուղղված է օտարալեզու ընթերցողին: Այն յուրահատուկ մի ձեռնարկ է, որը հայոց մայրաքաղաքների պատմությամբ ներկայացնում է Հայաստանի պատմության գրեթե ողջ ընթացքը, հայոց մշակույթն ու առ այսօր մեզ հասած պատմամշակութային ժառանգության գոհարները: Հատկանշական է, որ բուն մայրաքաղաքների կողքին ներկայացված են հայկական երկու հանրապետությունների ներկայիս մայրաքաղաքները, ինչպես նաեւ միջնադարյան Հայաստանի թագավորանիստ քաղաքները: