Հունիսի 2-ին, ժամը 10.30-ի սահմաններում, Նոյեմբերյանի հիվանդանոց է տեղափոխվել Տավուշի մարզի Դեբեդավան գյուղի 53-ամյա բնակչուհի, էլեկտրացանցի հսկիչ Օֆելյա Բրդոտյանը, ում կարտոֆիլի դաշտում քաղհանի ժամանակ խայթել է թունավոր օձը: Նոյեմբերյանի հիվանդանոցի բժիշկ Դանիել Ամիրաղյանը հայտնեց, որ նրան հակաթույն է ներարկվել: Ներկայումս Օֆելյայի վիճակը բնութագրվում է կայուն, միջին ծանրության:
