Ոչ ոք կենդանի չի մնացել

Պակիստանի մայրաքաղաքից դեպի հյուսիս գտնվող շրջանի սարերում վթարի ենթարկված ինքնաթիռի բոլոր ուղեւորներն ու անձնակազմի անդամները զոհվել են: Կարաչի-Իսլամաբադ չվերթն իրականացնող եւ «Airblue» ընկերությանը պատկանող «A-321» ինքնաթիռում 152 մարդ է եղել: Երկրի ներքին գործերի նախարար Ռեհման Մալիկի ասելով՝ «ոչ ոք կենդանի չի մնացել, բոլորը զոհվել են»: Ավելի վաղ հաղորդվել էր, որ վթարի վայրում հայտնաբերվել է մի քանի կենդանի մնացած մարդ, բայց հետո ուշ այդ տեղեկությունները հերքվել էին: «Airblue» ընկերության ներկայացուցիչ Ռախիլ Ահմետի խոսքով, վթարի պատճառը, ըստ ամենայնի, եղել են վատ եղանակային պայմանները, թեեւ կատարվածի առնչությամբ դեռ հետաքննություն պետք է իրականացվի:
Վթարի վայրում աշխատանքները զգալիորեն դժվար են ընթանում, որովհետեւ դեպի այդ վայրը տանող ճանապարհներն անանցանելի են, բացի այդ՝ ինքնաթիռի վթարի արդյունքում անտառներում հրդեհ է բռնկվել: