Երեկ վճռաբեկ դատարանը լսել է 2007 թ.-ի մայիսի 12-ին ոստիկանությունում մահացած Լեւոն Գուլյանի իրավահաջորդների հայցը: Ըստ գործի նյութերի՝ 2008թ. մարտի 12-ին ՀՀ հատուկ քննչական ծառայությունում կայացվել էր որոշում Գուլյանի մահվան վերաբերյալ քրգործը կարճելու վերաբերյալ՝ հանցագործության բացակայության պատճառաբանությամբ: Այս որոշումը բողոքարկվել էր գլխավոր դատախազությունում, Կենտրոն եւ Նորք-Մարաշ վարչական շրջանների ընդհանուր իրավասության առաջին ատյանի ու նաեւ՝ ՀՀ վերաքննիչ դատարաններում: Վերջիններս հայցը չէին բավարարել: Սակայն, ըստ «Ա1+»-ի, ՀՀ վճռաբեկ դատարանը երեկ, քննելով Լ. Գուլյանի մահվան կապակցությամբ քրգործը կարճելու մասին որոշումները, բեկանել է դրանք եւ գործը վերադարձրել դատախազություն՝ նախաքննություն սկսելու համար: