Դեկտեմբերի 16-ին Ստամբուլի ծանր հանցագործությունների 10-րդ տարածքային դատարանում մեկնարկել է բարձրաստիճան 196 գործող եւ պաշտոնաթող զինվորականների գործով դատավարությունը: Վերջիններս մեղադրվում են «Քուվալդա» ծածկանունը կրող ռազմական հեղաշրջման ծրագրի պատրաստմանն առնչություններ ունենալու մեջ: Այդ մասին հաղորդում է 1news.az-ը՝ հավելելով, որ Թուրքիայի պատմության մեջ առաջին անգամ քաղաքացիական դատարանի առջեւ են կանգնելու այդքան խոշորամասշտաբ գործով անցնող բարձրաստիճան զինվորականներ: Ամբաստանվողների թվում կան բարձրաստիճան սպաներ՝ թուրքական բանակի գնդապետներ ու գեներալներ: Մեղադրող կողմը դատարանից պահանջել է վերջիններիս դատապարտել 15-20 տարվա ազատազրկման: