ՀԱԿ-Ի ԵՐԻՏԹԵՎԸ ՈՂՋՈՒՆՈՒՄ Է ԵԳԻՊՏԱՑԻՆԵՐԻՆ

Երեկ Հայ ազգային կոնգրեսի երիտասարդները ողջունել են եւ իրենց աջակցությունն են հայտնել «Եգիպտոսի քաղաքացիների պայքարին՝ ընդդեմ բռնապետության»: «Ուշադրությամբ հետեւում ենք հանուն ազատության, հայրենիքի եւ արդարության ձեր ընդվզմանը: Հիացած ենք ձեր դիմադրողական ոգով, համառությամբ եւ քաղաքացիական բարձր գիտակցության դրսեւորումներով: Համոզված ենք ձեր պայքարի հաղթական ավարտի մեջ: Կարծում ենք՝ բռնակալությունը, որը ասելիք չունի իր ժողովրդին, պետք է հեռանա եւ իր տեղը զիջի հասարակության մեջ հասունացած նոր ուժերին: Հուսով ենք, որ հնարավոր կլինի խուսափել նորանոր զոհերից, քաոսից եւ կապահովվի խաղաղ անցում դեպի նոր իրավիճակ»,- ասված է եգիպտացի ցուցարարներին ուղղված ՀԱԿ երիտասարդների երեկ հրապարակված ուղերձում: Ի դեպ, երեկ ուշ երեկոյան հայտնի դարձավ, որ Եգիպտոսի նախագահ Մուբարաքը հայտարարեց, որ չի առաջադրելու իր թեկնածությունը սեպտեմբերին կայանալիք ընտրություններում: