«Առավոտի» ունեցած տեղեկություններով, երեկ տեղացած առատ ձյան հետեւանքով Ռուսաստանից, մասնավորապես՝ Սանկտ Պետերբուրգից դեպի Երեւան չվերթի ինքնաթիռը չի կարողացել վայրէջք կատարել «Զվարթնոցում», փոխարենը իջել է Գյումրիի «Շիրակ» օդանավակայանում։ Իսկ Մինվոդիից ժամանող ինքնաթիռը, չկարողանալով վայրէջք կատարել «Զվարթնոցում», ետ է վերադարձել: Այլ դեպքեր՝ չստացված վայրէջքի կամ թռիչքի հետ կապված, երեկ չեն գրանցվել: Ինչպես ասաց «Զվարթնոցի» մամուլի քարտուղար Գեւորգ Աբրահամյանը՝ ողջ օրվա ընթացքում օդանավակայանում ձյան մաքրման աշխատանքներ են տարվել, տեսանելիությունը նորմալ է, ինքնաթիռների չվերթը թույլատրվում է:
