ՄԱԿ-ի Անվտանգության խորհրդին նախազգուշացվել էր, որ Հյուսիսային Կորեան հնարավոր է, որ բացի ուրանի հարստացման այն գործարանները, որոնք հայտնաբերվել էին անցած տարվա նոյեմբերին, նաեւ այլ միջուկային գաղտնի օբյեկտներ ունի: Այդ մասին հաղորդում է BBC-ն՝ վկայակոչելով ՄԱԿ-ի ԱԽ համապատասխան զեկույցը:
ՄԱԿ-ի դիվանագետների փոխանցմամբ, փաստաթղթում ենթադրվում է, որ Հյուսիսային Կորեայում գոյություն ունի ամենաքիչը մեկ նմանատիպ օբյեկտ: Բացի այդ, փաստաթղթում հաղորդվում է, թե ԿԺԴՀ-ն այդ օբյեկտների համար տեխնիկական աջակցություն է ստանում օտարերկրյա գիտնականներից:
