![\"\"](\"https://www.aravot.am/2011/aravot_arm/February/2/p13.jpg\")
Ադրբեջանն արտերկրում բնակվող իր քաղաքացիներին հորդորել է բոյկոտել պահածոներ արտադրող «Արցախ ֆրուտ» ընկերության արտադրանքը՝ միայն այն պատճառով, որ պահածոների պիտակի վրա մակնշված է՝ «Արտադրված է Ստեփանակերտում»։ Այդ մասին հաղորդում է news.am-ը: Պահածոներն արդեն երկու տարի է՝ արտահանվում են Ռուսաստան եւ եվրոպական մի շարք երկրներ: Ադրբեջանական կողմի դժգոհությունն այդ ընթացքում միշտ էլ եղել է, սակայն ավելի զգալի է դարձել վերջին շրջանում։ Ադրբեջանցիներն իրենց բողոքը հիմնավորում են փաստով, որ Ղարաբաղը գտնվում է Ադրբեջանի կազմում։ Նշենք, որ ադրբեջանական կողմը բողոքի նոտաներ է հղել մի շարք երկրների արտաքին գերատեսչություններին՝ պահանջելով արգելել ղարաբաղյան արտադրանքի վաճառքն այդ երկրներում։
