Երեկ ոստիկանության Մալաթիայի բաժնում հաղորդում է ստացվել, որ ժամը 00.30-ին 24-ամյա Լեւոն Ո.-ի վարած «Ռենջ Ռովեր» մակնիշի ավտոմեքենան Բաբաջանյան փողոցի թիվ 165 շենքի մոտ բախվել է էլեկտրասյանը, ինչի հետեւանքով ուղեւորուհին՝ 22-ամյա Սուսաննա Ո.-ն, մարմնական վնասվածքներով տեղափոխվել է «Մալաթիա» բժշկական կենտրոն: Ոստիկանության Թալինի բաժնում հաղորդում է ստացվել, որ երեկ, ժամը 02.30-ի սահմաններում, 33-ամյա Արմեն Պ.-ի վարած «Ֆոլքսվագեն Պասսատ» մակնիշի ավտոմեքենան Թալինի Քոթանյան եւ Սպանդարյան փողոցների խաչմերուկում բախվել է ծառին, ինչի հետեւանքով վարորդը մարմնական վնասվածքներով տեղափոխվել է հիվանդանոց:
