Երեկ Երեւանի քաղաքապետ Կարեն Կարապետյանը եւ Արարատի մարզպետ Էդիկ Բարսեղյանը կառավարության քննարկմանն են ներկայացրել մի որոշման նախագիծ, ըստ որի՝ նոր մայրուղիների եւ ճանապարհների շինարարության նպատակով Երեւանի եւ Արարատի մարզի Արգավանդ համայնքի մի շարք տարածքների նկատմամբ կհայտարարվի հանրային գերակա շահ: Համապատասխան որոշման նախագիծը ներառվել է կառավարության մայիսի 26-ի նիստի օրակարգում:
Նախատեսվում է կառուցել 3 նոր մայրուղի՝ Երեւանի հյուuիuը հարավին միացնող, Արշակունյաց պողոտայի եւ Շիրակի փողոցի խաչմերուկից մինչեւ Արտաշատի խճուղի (շրջանցելով Նորագավիթը), եւ Շիրակի փողոցը Ծովակալ Իսակովի պողոտային միացնող:
Այդ ծրագրերի իրականացման նպատակով հարկադիր կարգով կօտարվեն մի շարք սեփականաշնորհված հողամասեր, կքանդվեն օբյեկտներ:
